-السحاارة.....هازة مجمرها وتشالي ،وبخرتي يااا عبد القاادر بزعتر نخلييك جاايني كتعتر ....
_اللحلاحة......بضحكة دوب لحجر لقيت عليك سحر كلامي حتى رديتك وسادتي وزماني
_السحاارة......عطيتك حبة واخا غير قلت نتزوجو ونتا تهز رااسك وقلتي واخا
_اللحلاحة.....تفننت بتغزالي ليك العمر ، خليتك تالف على القبلة وجاي قاصد العتبة هاز فيدك اللوز والتمر
_السحاارة........درت ليك زغيبة الفار خليتك جااي نتا ومك تاع لقاع الدار
_اللحلاحة.......سلاحي هو لساني لي مخلي النسا يضربو بين المعاني...والرجال بالهم فيا مشغوول ونتا بحالهم كتعاني
السحارة.....يا تشد معايا الطريق وتكون عمارة داري ولا نخليك لايح حوايجك في الزنقة وتقول ميمتي اش داني
_اللحلاحة.....سمعني وحفظ كلامي، نهار تفكر تهجرني ولا تنساني غيجي يووم توحش حلاوة لساني وحنيني يجيبك راكع ليا ندمان وما هاني
-ندى وأميمة....الله يكون فعوان الراجل مع الجنس الرطب تديه البحر مروي و شبعان وتردو هاتر و عطشان
في مدينة العاصمة و بالضبط في حي شعبي بحالو بحال جميع الأحياء غا هو زايد نغزة من الصداع و الحيحة وقلة النعاس ... الناس ولفوو الى مشافوش الدم في الحومة شي نهار يجيهم القنط و يقولو الدرب تبدل ... ومنهار جابو ليهم الكوميسارية حداهم وهوما معمرينها بصداعات الخاوية ...وفكل حومة كاينة مرأة الكبيرة سميتها
معروفة كتكون اما الله يعمرها سلعة ولا الله يخليها سلعة والحاجة جامعاهم بزووج
*الحاجة ميلودة* ..ممعمرة محاجة ، لقب عاطينو ليها ناس الحومة والسلام....بحالها بحال گاع لعيالات حضرات للاستعمار ودوزات تا المسيرة ....عامرة وعالية ومزال تدك ودردك قلبها بارد ومتخلي تا كلمة تضرهاا....عندها وشمة بين حجبانها ووحدة تحت ذقنها معرووفة في دربهم لكبير وصغير لي سولتيه عليها يدلك ليها
خاصك غا تقوليه الحاجة ميلودة لي كضرب لدوون ... عطاها الله جوج تاع الحترف وكل واحد هارب بيه ريح لجيه مقراو ليها ما خدمو ليها خدمة مسگدة ... الكبير عندها سماتو على سمية الغالي خوها رشيد ...و الثاني هو الصغير سماتو عبد القادر و على حساب قولها والله و علم و قفو عليها ماليها و سماوه وهو في كرشها ...
مخنتاه من صغرو لي بغاها يلقاهاا ... قراتو و مبغى يقرا و فاش كبر قاليها بغيت نحرگ لبرا باعت لي قدامها و لي وراها غا وصل لطنجة شدوه مالين الوقت وردوه خلاها مترعة فمها على ناس الحومة ولدي مشا الخاريج غا تا وقف عليها ما عرفت تغطس وجها في الطين و لا تدفن راسها ... أما ولدها الكبير خدمتو خدمة عادية ديال
الشباب في هاد الوقت سيكيريتي و حامد بيها الله وشاكرو
_ كيف عااادتها غا تعاشى العشية تعمر براد تاع اتاي و تسيفط على جوج كيلو تاع الجفنج و تجمع عليها عيالات الدرب ويدوي في الغادي والبادي ...
ميلودة ..." حاطة قدامها الصينية و تترجع في اتاي و تهضر " ... ايوا اخويتي عيشة تي قولي ليا كي بقات عندك ديك المزغوبة تاعت بنتك عار ربي قوليها فوتي عليك درب راه كيقوول المثل خرج مع نصارا وليهود وخلي جيران شهوور وبنتك راه دوزاتهم كاملين ومخلات فيهم حد
عيشة ..." شادة شفنجة في يديها وكاس تاه اتاي تشرب " ... شهمتني يا الحاحة غا حازمة ديك الترمة هاو ضور ضور مخلات لا حاحة لا ملاحة وكون غا كانت بالفايدة بقات معلقة ليا في كراعي
ميلودة ... " حطت يديها على لحيتها " دوزيها عندي نطرطق ليها اللدون مدوز جمعة تيدقو في بيبانها الخطاب ..." جبدت من صدرهااا طرف ديال اللدون " هذااا خليها تنعس عليه ليلة لخميس وصباح الجمعة قبل الوقفة تكون عندي و گوليها دوزو على راسها من الفوق التحت و تقرا القرأن و ميكون غا الخير
عيشة ..." يا الله غتشد من عندها الطرف تا تم دايز ولد ميلودة رشيد لاح عليهم السلام ودخل " ... تي قولي ليا هادو مطولين الركابي لي عندك مناوياش تزربي عليهم
ميلودة ..." حطت يديها خدها و تلوح في راسها " ... غا سكتي وخلي ليا داك الجمل راگد هاد العوينة راه رشمت ليه بنت علال الله يرحمو غنخطبها ليه ... الموصيبة هي تاع البرهوش لي عينو في فاتيحة بنت خديجة مولات الراسطة راه ناس يندبو لفوق انا غنتف شعر لتحتاني
عيشة ..." خبطت فخاضها " ... هاااويلي على بنت مولات الراسطة هاديك اخيتي مها راه ممزگياش ولتگولينيش قلت ليك
"جمعات الوقفة "...يالله دوزي بيخير نوض نشد الدرية العشية تعاشات و الباش بدا يطيح دوزي بخير ..." مشات عيشة وخلات ميلودة موراها تضرب أخماس في أسداس على اخر يامها تولي علكة ففام لعيالات ... هزت ميدتها و دخلت لدارهاا لقات راجلها في البيت الثاني وولدها الكبير في بيت الراحة ... ولي عقلها عليه مشوش
جالس ناشر رجليه في الصالون و شاد مشقوفو في يديه ... حطت الصينية فوق الطبلة وجلست حداه "
ميلودة ..." تتمسح ليه على شعرو " ... عبد القادر وليدي كون تعرف اش جايبة ليك دابا
عبد القادر ..." بقى على جلستو وبلا ميشوف فيها " ... شنو كاين امي
ميلودة ... راني رشمت ليك على واحد الدرية كي دايرا بالزين و باقا صغيرة بلارة " تحت من نيفها گمگمت".. ماشي بحال ديك راس لخيارة
عبد القادر ..."لاح تليفونو و تقاد في جلستو " ... و مقالوش ليك راني راشم وحدة اخرى و هي لي غندي
ميلودة ... و قلت ليك تا انا بنت خديجة فتيحة لدخلت لداري
عبد القادر ... واتي واقيلة باغاني نكمي الما القاطع امي فاتيحة هييي لي غتكون من غيرها راه مكاين والو ديريها في بالك ا ميلودة ..." علا صوتهم تا وصل لباه مبارك لي داير كي ميت العاصر و تم جاي لابس جلابتو وجلس تقابل معاه
*سي مبارك*
ديك سي غير زايدينها بينو وبين السيااد غير الخير والاحسان ...تجلس حدا الواد الحار ولا تجلس حدا فمو ..مدخل نيفو في صغيرة ولكبيرة داير كي لعدوزة فصفة شيخ كْبر وجاه سن اليأس ولا غير يطحن وشدو هتران الصغر ...نفاح من طراز العالي وبقوة حك جر موسطاجو ولا ليموني ، راسو عامر خوا الخاوي يقوليك كلمة يخليك
كتحاول تفهمها تجي تجاوبو يغرقك فلي من وراها....نقطة ضعفو هما لعيالات تا وحدة ممقانعاه ولي شافها بغاها ولايني العين بصيرة والايد قصيرة الحاجة ميلودة جمعات ليه حب وتبن خلات لي ناضي فيه غا لكالكاس اما الموطور صدا وتكولا
ميلودة ..." ضارت شافت في مبارك " ... يا الراجل تااا دوي وقول اش عندك وانا غنتسطى
عبد القادر ..." حل سمطة سروالو حيدو بقى غا بالكالسو و طلع فوق الطبلة " ... و براااااابي تا لوووح راسي من هناااا و مكانت فتيحة
ميلودة ... وهيااااا خوتي و هياااا حبابي ولدي غينتاحر ليا من فوق الطبلة
سي مبارك ..." نزل عليها القرفادة تا جمعتها " ... اسكتي هاااه راه هذا نهار ولدتيه شميت فيه يا يكون قتال و لا ولد الحرام ساعا خرجو فيه بجوج ..." ناض حل الشرجم " ... ها أنت شوف ليك مع الشرجم و نزل من فوق الطبلة غتهرسها الله يهرس لمك الگعبوب
ميلودة ..." تلاحت على عبد القادر " ... انا مزاوگة غا لي بغيتيها تكوون غا نزل لياا ..
" نزل و هي تجلس فوق السداري شادة حنكها "... معند الميت مايدير قدام غسالو، غا ندوز خطبة خوووك وديك الساع يكون خير
عبد القادر ... و الخييير كاين ونتي باغا ضمسيه امي فاتشيحة هي لي كاينة
ميلودة ... ومن غيرها لا ، فهمت اوليدي دوز ليا غا هاد السيمانة فيها خوك رشيد و انا معاك
" هزات ايديها لسما ، انا بغيت ليها الضر ولكويان بجمر ، بغبت ليها بوتفتاف وخوتو
مبارك .... نسيتي نسيتي وبوهروس وخواتاتو
عبد القادر......اش سايرين تقولو
مبارك......."هز يديه " غا كندعيو معاك اوليدي
غا صباح الحال على ميلودة وهي تلبس جلابتها تحري وتجاري تجيب حاجة وتنسى ختها ، واخا ميكونش عندها باش تسلف وتكلف المهم تحمر وجها قداام نسيبتها لي بنت الاصل والمفصل والقاع والباع
#لالة_محجوبة
لي كانت جالسة في الصالون من الدخلة اللولة كيخليك حالة فمك غا في طلامطو و ديكوراتو وتا في مولاتو ...محجوبة من ناس الحومة لقدام بقات فرادية ملي مات رجلها معروفة بتاويلهاا وحداگتها واللسان الحلو وكي كيقول المثل قلب البرمة على فمها تخرج البنت تشبه لمها....ياسمين نسخة طبق الاصل عليها ،تجلس حدااها تخليك
حال فمك فيها بزينها ووبلعسل لي كينقط منهاا
محجوبة ..." لابسة فراشة في الخزي بشال ديالها وتتوجد لدخلة عريس بنتها وناسها " ... يااسمين بنتي هبطي بلاطو ديال الحلوة هذا هو الوقت ..." مجات فين تكمل كلامها تا سمعات الدقان ... تمت هابطة ياسمين في الدروج غا عود وكان مربوط من ديما يعجبها رشيد "
يااسمين ... رصاي أمي انا غنحل ناسي وحبابي هادو ..." حلات ياسمين الباب و كان اول وجه تشوف هو تاع الحاجة ميلودة ... تلاحت ليها على يديها تبوس و تقول ما بست ومكاين غا لالة والحاجة ولكبيدة تشااير " ... خالتي حبيبتي على سلامتك مرحبا بيكم نورتونااا ونهار كبير هذاا ، دخلو ...
" ضارت لمبارك تا هو باست ليه راسو و يديه " ... عمي مرحبا بيك وزيد القدام
مبارك ... بوسي عمك غا في حنكووو نخاف تبوسي يدي تاخدي ليا حسناتي كي شتي قلال
رشيد ..." نغز باه عارفو فمو تران بلا فران تقول مسلفو من عند الجيران .." احم "مد يدو لخاوية ليها " ... السلام اختي
مبارك ..." ضار خنزر فيه " ... غدا في بيت نعاس شوفها واش ختك يخخخ كي متعرفو مشابهينيش والو
ياسمين ... " دازت عند رشيد ولي مقدش عليه هو دارتو هي شدات ليه في يديه و تعلقات باست ليه حناكو " ...مرحبااا بيك عندنا " قالت متصنعة لحشمة وهي كتشوف في شنو هاز وفكرطونة سكر لي محطوطة "...مالكم محنتو راسكم مجيتكم فيها كل خير
محجوبة ... ياسمين بنتي غتخلي ناسك واقفين في الباب ... زيدو مرحبااا والف الف مرحبااا " طلقتها بتزغريتة " ... الحي نور و الدار تبهجت ...
الحاجة ميلودة....."علات عينيها في سقف كتشوف "......بنااسو الحبيبة
دخلات ميلودة و في يديها جارة مبارك لي ملي شاف المرأة وغلضها وزينها حدر يديه وطرطق عينيه ... لا قريص ميلودة گر فيه و لا توشويش في الوذن خلاه ينعل الشيطان ...اما ياسمين غير خاضية مع شيخها وعدوزتها ما خلات ما دارت ليهم ... و البلاصة المخيرة جلساتهم فيهااا
ياسمين ... ايوا اخالتي صحيحتك كيف بقات الله يطول لينا في عمرك تا تشوفي حفايدك و الله يزيد في راحتك امت راجلي
ميلودة ... "شافت في ولدها و دارت غا نص ضحكة " ... الله يرضي عليك امراة ولدي الله يرضي عليك ..." رشيد نوووض بوس لمت مراتك يديها نووض
مبارك ... انا ناخد عليك المهمة اولدي غير جلس لالة محجوبة غا تاع التكبيرة ومرحبا وزيد لقدام
ميلودة ..." قربت ليه حدا ودنو " ... راه غنسيفطك يودنو عليييك و موتك ما غاتجي غا في الليل وگعد تركن
مبارك ... "كيدوي من نيفو ".......اش تعرفي في صواب نتي
ميلودة ... " ضارت عند محجوبة ودايرة ضحكة صفرة " ... ايوا لالة محجوبة وسمحيلينا على هاد الدخلة..." شافت في لميدا لي مقادة على حقها وطريقة "....شقينااكم معانا
محجوبة.....عذابكم وشقاكم راحة .....راحتا غنوليو عائلة ومنا وفيكم " ناضت لجهة لمبيخرة لي كان شاعل جمرها لاحت فيه عود لقماري ".....فعادتنا كنرحب بناس لعزاز بالعود ياك بعدا مكيخنقكمش
نطق مبارك كيتجبد كي لاستيك متبعها ....
مبارك ......والله ومتساليني حلوف الا كاع لمراض فيا ولاكييين غاا دخلت مع لباب حسيت براحة وعظامي خفافو عليا تقولي جيت لالة شافية
الحاجة ميلودة...." من تحت مناخرها وباسلوب تاع نشدك نوريك "....وحق لبزولة لي رضعتي منهاا حتى غنخليك تزور سيدنا غريب وعمرك باقي تهز راس گاع ...
" ضارت عند ياسمين " ... ايوا ابنيتي ياسمين تبارك الله و ما شاء الله عليك الطولة وبحال النخلة و التجريدة ولمن عطاها الله ...من نهار شفتك وعشتقك لولدي رشيد شنو حابة ليا خاطرك ابنتي نتي امري وانا نفذ
ياسمين ..." مشات دارت بلاصة حداها و شدت ليها في يديها ولسانها الحلو طلقاتو عليها " ... شوفي الميمة دابا راك في مقام ميمتي لي بغيتوه ديروه " ختمات كلامها ببوسة فيديها "
ميلودة ... الله يرحم من رباااك
مبارك ... "شاف في لالة محجوبة وهز كفوفو لسما ختى تعالات جلابة "...أمييين يا ربييي أمين
ميلودة ..." خنزرت فيييه و كملت كلامها مع محجوبة " ... ايوا باش بلا منطول هادشي و لي كاين غنقولو انا ولادي بجوج غنزوجهم في نفس النهار كي شتي ظري الصغير تاهو غدا غادا ندوي ليه وقلت علاش لا نجمعهم بزوج
محجوبة ... يااا مرحباااا وزيد القداااام غا لي بغاتو خاااطرك حنا معاكم فيييه ... " و طلقتها بتزغريتة " ... نسوبيتكم ربي لي عالم بيها كيف تحطت على قلبناااا الله يدوم المحبة اختي ميلودة
مبارك ..." وقف دردك جوج درديكات و طلق حلقو مصلي على نبي داير كي نگافة الصمكة دار لعند ميلودة و تگردف ليها عارف راسو خنز معاها ضواسا " ...الله يبارك في عمر سيدي
مبارك ..." قرب لحدا محجوبة " ... ودابا نتي وحدانية و بنتك غتخوي عليك الدار غتمشي مع داك محفر الگدام تاع ولدي ... اش بان ليك ناخدوكم بجوج ..." ضرب على كتفو " وها الكتف نعسي فييه نتي گاع اش گلتي ازينت العيالات
ميلودة ..." جراتو من قبوو تا جا مربع فوق السداري "....ديرها فين تجيك امشگ لقدام الا مخليت سيرتك على كل لسان راني ماشي الحاجة ميلودة...
" تحنى باس يديها "...يهودي وسلمت بين يديك وشكون من غيرك تعمر ليا عيني نتي كلشي والباقي اشاعة راني غا قلت ميقولبوناش كي شتي هاد ليام دايرين صولد زوج بثمن وحدة قلت نجيب ليك خدامة تعاونك وكاان
"كمل كلامو وربع يديه لي شافو يحلف عليه حتى محگور ومغلوب "
ملي رجعت لالة و زينت العيالات الحاجة ميلودة لدارها لواة على راسها زيف حياتي و خلات نواضر راسها خارجين تجمع وتنگر و لي جا قدامها تعطيه عضم فاش يكدد ما همها مبارك و اش دار في خطبة ولدو مولفاه و بفعاليو حافضاه لي همها هي مشية غدا و خطبة ولدها عبد القادر ببنت خديجة هادي لي ما كانت ليها لا على البال و لا
على الخاطر ...ما حست غاا بنغزة في جنبهاا و با مبارك حالتو جااات
مبارك......حطي لعشا خلاص نوضي ندخلو لبيتنا
ميلودة ..." هزت موس و ضارت عندو " ... توعى متوعاش نسيح دمك
مبارك ... غا سيلي جد مو على هاد الحالة " شاف لتحت " وااااالو تشلل وكون غا مشا السلسول وهو لا
ميلودة ... اش باغيه تصدر بيه مثلا تا سير ونعل الشيطان شرفتي و هترتي
مبارك ... ها هو غاااادي وسمعي نقوليك رشيد و مشيت معاك أما ولد الخانزة لاخر يعطيني البرود الجنسي لمشيت معاك
ميلودة ... مك هي الخانزة يااا مدلي اللفتة قالك البرود تا راه تلجتي ماشي غا بردتي " مشا مبارك خلاها تتحير غاا بوووحدها تا وقف عليها ولدها رشيد "
رشيد ... الحنانة كاين ما يتكال
ميلودة ..." ضارت مخنزرة فيه " ... كاين غا عزاك واش تاكلو ضرووك ولا تخليه تال منبعد
رشيد ..." خرج عينيه فيها و تم راجع فين كان " ... غا خليه تال شوية اميمتي ولهيلا شبعان..." هذا حالها ملي متحملش الحاجة لي في دار گاع ياكلو عزااهم ... گفضت سروالها تا وصلاتو لفاخدها وخرجت عندهم هازة موس في يديها ... لقات البو و دراري كل واحد فيهم شاد سداري ... مشات لرشيد هوو الاول
ميلودة ... " وقفت عليه و عينيها مكيبشروش بالخير " ... هذاك ولد الخانز ولد الهاتر واللايح حوايجو في الزنقاي جد مك غاا ضربتي المسمار و أنت تنشر ليا هناا تگعد شووف شدير معايا
رشيد ..." خرج عينيه في باااه لي غمزو و عض في فمو زعما غا حدر راسك و نوض " ... ها هو اميمتي ناايض عطيني التزارة نطلع ليك التصبين
ميلودة ..." هبط ليااا داكشي لي وجدت في الكوزينة ياكما عندك فتحة في بلاصة المعلم لدير ليا تزارة ..." ضارت لعند عبد القادر لي عطى وجهو الحيط و خشى مخدة بين رجليه ووحدة فوق راسو وداير فيها سارح عجول لاخرة ... محس غير باللور ديالو كيتنغز بموس " ... تنوض متنوضش ندبح بوووك ياااك باغي بنت المخورجة في
عقلها ايوا تگعد قبل متلبس عليك بلاصة تكشيطة العرس حق الله
عبد القادر ... ها هو نايض أمي ها هو نايض وا سميتها فاتشيحة هاديك فاااتشيحة
ميلودة ... و بغيتك تفتح على المعدة و المصارن و اخر فتحة على النبولة يااا ولد المسخ
مبارك ... عليا بليمين يااا ديك الحمقة و ما تجمعي فمك يا تنوض نهرسو ليك شتك ملي نضتي و نتي عليا بالسبان
ميلودة ... " ضارت ليييه بمووسها تا قربت حدا وجهو ولا غير يتبربص " ... وريني نشووف يديك لي غتهرس لييا فمي وريش نشوف
مبارك ... واتي حيدي عليا باركة من الملاغة خليني نوض نتوضا نصلي
ميلودة .....واحد لعشا راك صليتيه
مبارك .......غندير قياام ليل 🌚
لابسة بيجامة بكولونها لاصقة عليها ، خير ربي مدفگ وكيترعرع ، كتامر وتناهي
خدييجة........."تليفون فاليد خدامة ليه ، لي شافها وسمعها يحلف عليها بلي مسيرة شركةة ومكتحكش الراس "......واا فاطنة ختي طلقي يدك خلاص وحكي ليا الركاني راني واقفة عليهم
_ كوني هانية الالة خديجة غنخلي دار كتشعل ...
خديجة...."حطات تليفون في وذنها مدوزة نمرة سيدة كتعامل معاها"....انا غنشووف ، هانتي عنداك تنساي طواليط ، الوووووووو حبي ،
_لقيتيني هازة تليفون غنعيط ليك
خديجة......"طلقتها بضحكة منغمة ".....ههههههه ياك بعدا ، علاش كنتي باغاني بعداا قولي نسمع
_ غير لي وصيتيني عليه وجد
خديجة....."خدات لوزة كلاتها وجغمت من اتاي "....وكتعحبيني ياختي بكلمتك ، داكشي علاش كنت معيطة ليك، يالله حلي معايا وذنك وسمعيني مزيان ، غلفي ليا داكشي وقاديه انا غنصيفط من وراااهم الشيفوووور يجيييبهم
_ مقلتيش ليا بعداا مالك زربتيني اش عندك ، ياكما لعزاية
خديجة......"دقات في طبلة "...فمك لاحسو كلب مجراب ، اودي اش نقوليك غا فتيحة بنتي جاايين شي ناس طالبين وراغبين وبايسين ليا رجلين باش نزوجها لولدهم ...
_ ايوا على سلامتك ياختي غير ملي نوات وقبلات ،شكون بعدا داك خينة لي كتعرفيه
تقادات في الجلسة دايرة قدامها مخدة لايحة ايديها عليها "...... ومال الزرگة تاع بوها بغات لمعرفة لي جبت ليها ، ...."بدات عاطياها لزعيت لبلدي "....ياك اخر واحد جاها كيصوك لباطوات لكبار ياختي منوو لبحر قلت ليها قبلي بيه نشبعو غا حوت بيض قالت ليا تزوجيه نتي
_ ايوا وهادا اختي اش جاها بغاتو ياكما شي مقرد
خديجة..."علات حواجبها شوية ويوصلو لسقف "... لا لا تا هذا خدمتو زيينة وتفرگع لقلب للعديان
_اش كيدير كيصوگ طيارات
خديجة......"طلقتها بضحكة خاترة وقالت بكل ثقة في نفس ".....الاااااا اصحيبتي ، هادا كيلعب مع لبارصاااا
_ هي ساير يكور مع ميسي
خديجة ..." طلعت خنافرها الفوق وقلبات لهضرة " ...شوفي كيعيط ليا واحد الكوميسير معرفة نسالي ونعيط ليك ومتنساينيش فلي قلت ليك دابا يوصلني
_دابا نيت غااا قطعييي وتهلاي ليا في العريس
"قطعات عليها ولاحت تليفون كيتعيب فيها هادي هي *خديجة* منافقة من طراز العالي ، تضحك معاك في وجهك وتقلز ليك في ظهرك .....فمها ماضي ودراعها گاضي ما هي من لعاجنات ولا لمصبنات الا كثر عليها شقى تعيط على لعيالات .....تجلس حداك تقتلك بخ وكذووب وطيب ليك مرارتك بشيفوري شيفوري وهو غاا مول
طاكسي واخدة نمرتو فينما بغات تمشي تعيط ليه....مزوجة من راجل ممحسوبس على رجال دايرة ليه ساكتة ولمسكوتة ملجماه ومكفناه حتى مبقى ليه لا ري لا شوار عندها منو ولد وبنت ، دري ضبرات ليه فكونطرا صيفطاتو لبرا يطلب رزقو مهنية من خليقتو باش مينكذش عليها عيشتها اما البنت هي عرووسة ميلودة فتيحة ومن لا
يعرفهاا
دخلت عليها مهاا لقاتها مفرقة رجليها في الصالون
و حاطة مكياج كطلس لداك الوجه و تمسح ونتاف في يديها تحيد الموسطاج و الحجان ...
خديجة ... واا زرگت الكواع راه لي زين زين واخا طلي ماكياج كامل
فاتيحة ..." دارت عندها نص دورة حطات شنو في يديها وقالت " ... و تعت الله أمي غا قولي ليا غير الخياطة رقية قلتي ليها العريس وكيلعب في البارصا ... ومت نجية قلتي ليها كيلعب في الريال خليتيها غادة تموت و تفقص ،صحاباتك شي قلتي ليهم عندو شركة وشي خدام مقاول تي نعلي شيطان راه غا قدور الشومور لي جاي يخطب
ليوم
محجوبة ..." ضربت في صدرها حتى تزعزع" ...ايوا يلعنبوك ملي عرفتيها ، كتقولي فيها بوجهك زرگ شومور ومن الفوق مو مبغاكش طيحتي على راسك دل تي عزيها ابنت الكلبة تعزك
فتيحة......"بدات تدمع من جديد"......نموت ونخلاق منو هو ولا راه كنقسم فمي بالله حتى نجيب ليك شي كرش
خديجة......" عارفاها حاشية وقليلة ترابي ، جبدات من لمجر مسامر وخدات مطرقة كانت تحت لماريو "....دابا سمعيني مزيان الا بغيتي تزوجي بالزرافة لي كتبغي....."مدات ليها مسامر والمطرقة "...شفتي هادو غا يدخلو مع الباب وقبل متجي تسلمي دقيهم في لخشب
فتيحة....."حطاتهم حداها وطرطقت وذنيها ".....ايه وشنو تاني
خديجة.....شي لاخور تا يدخلو ونقولو ليك غير نغمزك تبعيني وبلا متبيني ليعيقو .....
فتيحة ....."شدات في مها كتغبن "....دابا اماما مو غتكون وافقات
خديجة.......غا الا مبغاتش توافق لعطار ترفح على ظهري گاع شمعو لي عندو شريتو وشعلناه ليها ولتريكتها ومتوافقش ...."لصقات بصمة بدفال في الحيط "...... شوفي ابنت كرشي وحق قبة ايت مغار لي كينحرو العنق و يشويو الراس ويتحيرو على الگسدة يا تتوقف ديك لي كيقولو ليها ميلودة خزانة العرس "وضربت الحيط" وهانا
وهانتي ، ايوا طلبي التسليم
عند مي ميلودة لي كانت متكية فوق السداري و شادة فيلمها متبعاه مخلية ولدها يلبس هاد السروال يجيه مسخ يلوحو و يلبس هاد البودي و ميعجبو تا ولا راسو يشطح ... تم خارج من البيت تا تلاقى بباه لابس سروال قندريسي وغادي لطواليط
عبد القادر ... وا الحنان فين غادي
مبارك ... "بلا ميجاوبو ولا يضور عندو " غادي لبيت الراحة تمشي معايا ولا شنو ..." خلاه كمل طريقو وخرج عند مو لقاها متكية في بلاصتها "
عبد القادر ... مي شفتك متكية و الدنيا عندك مهنية نووضي شوفي معايا اش لبس
ميلودة ... لبس اش مولف تلبس وحيد من قدامي ولا نشير عليك غا ريكوموند ..." حط يديو على راسو ورجع لبيتو خايف غير يجبد معاها الهضرة دبر ليه بناقص ... كيف دخل لقا خوه ناعس " ... أنت منين دخلتي الحبس
رشيد ..." ضار مخنزر فيه " ... سير لبس شراوطك ولا نوض نخلي ليك وجهك مبتسم خليني عليك ناعس الليل كولو خدام
عبد القادر ... توما مالكم هاد النهار لي دويت معاه هاز شووكتو ... " هز سروال دجين بيض و قاميجة مشط شرعو وخرج "
أما مبارك ساعة وهو في الطواليط تا دقات عليه ميلودة ..
ميلودة ... وا الراجل تا واش كتولد
مبارك ..." كيتعصر تا وجهو ولا حمر " ... وااااااا همممممممممم
ميلودة ... هاااه اشتي لي تيجلس حدا مول كروسة الهندي اش كيطرا لييه ... ودير تيو ضرك سرح الطريق ... انا مشيت نشوف هاد الحريرة ديال ولدك
مبارك ... " جمع الوقفة و حل الباب و خرج كيهز في سروالو في المرح " ... تسناي كنتي تخراي فيه بوحدك غنمشي معاك
ميلودة ... ياك درتي ليااا جنازة و الميت فاش هنا غا باش متحطش رجليك معايا ...وغا گعد راه المرأة ما زيناش
مبارك ... غا لي جا بسم الله ا ميلودة لديريش في بالك ..." ضار شاف فيها اش لابسة و يديها خاويين" ... تي شتك لابسة غا جلابة تاع التقدية و يديك خاويين
ميلودة ... سير سربي راسك خلاص عليا تا الحانوت و ناكل باكية تاعت سانيدة فيتاهم لهيه ..." هضرت تحت نيفها " ... على زينت دخلتنا عندهم ..." خرجو مساتفين هي ومبارك أما عبد القادر غادي قدامهم يتعنگر و فرحان تقول غيضرب النقى و الشقا وهو گاع بيوتة تاع السيكتور يطبلو منهم الشرع ... موقف بيهم غا حتى لباب دار
لالة خديجة ولي ميعرفها غير ببخورها يتعرف عليها ... كيف دق جراتو مو من قرفادتو
ميلودة ... تا حصن و تقال شوية ها الخفة لي فيك غتديك الغبقاية فين تفتخ لسايدك الشيشات أولد الخانز
عبد القادر ..." كيزدح في قلبو " ... راه فاتشيحة هادي فاتشيحة
مبارك ... جمع غا فمك وهو مريگ انت كان عليا نهار غوتي غوتك اللولة نتكى عليك نصفيها ليك ..." يا الله غتجاوبو ميلودة حتى تحل الباب وخرجت لالة خديجة عندهم ... غا شافها مبارك و دفع ميلودة القدام وهو رجع اللور "
خديجة ... امرحبااا والف مرحبا دخلو دخلو
مبارك ... " دوا في وذن ميلودة " ... انا عرجع ا ميلودة غا شوفة فيها جوادي كيركعو ليها
ميلودة ..." قرصاتو من بوووطو تا جمعها وتمت داخلة ...تتقلب بعينيها من هك لهك وتقول واش طاحت عينيها على شي حاجة ... باغا غا تلقى واخا غا عنكبوت تفرتك المجمع ... أما عبد القادر كي خطوا الباب بدا يقلب على فاتيحة "
عبد القادر ..." هز يد خديجة باسها ليها " ... خالتي فين فاتيحة ديالي
مبارك ..." نغز ميلودة و دوا " ... شوفي بالمخنن ماخليت ختنتو و سهرت ليلا كلها باش يجي هو عمرو باس ليا تا صبع يدي الصغير ..." جلست حداهم خديجة تدي و نجيب في اللغى ... أما لالة العروسة فاتيحة غير دخلو ناسها مشات الباب تدگ في المسمار و تقرا عليه اش قراتها مهااا
فاتيحة ..." دگ و تقرا " ... دگيتك يا قدوري في باب داار تبقى ديما قدامي وعمرو يغبر ليك الاثار
... جبدت قرعة من صدرها دازت ليها على قاع سبابطهم ترش و تقرااا تا كملت اش كانت دير ... سلات شغلها ودازت تجري كي خطاف الشعر الكوزينة ... غا لمحتها مها وتبعتها
خديجة ..." وقفت عليها " ... درتي اش قلت ليها هو هداك
فاتيحة ... تي حيدي أمي راني سميتي فاتيحة انا نقوليك اش ديري
خديجة ..." عوجت سيفتها فيها " ... شوفي ناسك لي تموتي على ولدهم جايبة جوج قوالب تاع السكر يصليو و يودنو انا بغيتها يدفعو في عزاها نشاعلاه ..." هزت القالب و هرسات منو طرف و مداتو ليها " ... هدا ديريه في صدرك و خرجي سلمي عليهم ورجعي عمري البراد وداك السكر هو باش غتحلي ليهم الفام ..." ردت المقراج
فوق البوطة " ... هاني رديت ليك المقراج ..."دارت فاتيحة اش قالت ليها مها و خرجت عند ميلودة ومبارك تسلم ... كيف طلت عليهم حطت ميلودة يديها على راسها "
ميلودة ..." تدوي غا تحت نيفها " ... ابسم الله الرحمان الرحيم
مبارك ... ميلودة هبطي يديك تي مالك باغا تودني العصر راه مزال عليه الوقت ..
مبارك ... ميلودة هبطي يديك تي مالك باغا تودني العصر راه مزال عليه الوقت ..." وصلت عندهم فاتيحة و سلمت عليهم غا في اليد وجلست مقابلة معاهم "
فاتيحة ... مرحبا بخالتي وخا متحمليش فيا الشهرة ولكن ميهمش ..." ضارت شافت في عبد القادر " عبدو على سلامتك هي خاصني نطلق تزغريتة على جمعتي معاك و لله الحمد
مبارك ... ماشي عيب ابنتي زغرتي زغرتي انا نعاوك في صلاة على النبي. ..." ما حس غا بمرفق ميلودة في جنبو "
فاتيحة ... ايوا نوض نعمر لخالتي كاس ديال اتاي يرد ليها المجاج ونجي ..." وداكشي لي كان خرجت فاتيحة الكوزينة لقات مها موجدة كل شي بقى غير تعمار ... كملت فاتيحة على اش قالت ليها مها و قادت ليهم الشغل و خرجو بجوجات الصالون ... حطو الصينية قدام ميلودة و جلسو "
خديجة ... بسم الله اختي ميلودة قلبي البراد
ميلودة ... "قلبت ليه فمو عندها "... لا احنينتي غاا قلبييه ما شكيت عليك راه راسي مقلوب عليا نيت
خديجة ..." حطت يديها على خدها " ... ما هو صواب عندك هذا اختي ميلودة ياكما جايبك الولد غير بزز الى كان هكا غا خلي ليا البنت حدايا
ميلودة ..." وقفت و نوضت معاها مبارك " ... ما قلتي عيب اخويتي دوزي بخير
عبد القادر ... وبراااابي امييي تندبح راسي لما ديت فاتشيحة ديالي
مبارك ..." جلس ميلودة فوق السداري " ... اجلسي الارض بغيتينا نمشيو الحبس راه يقتل راسو نمشيو فيها غا حنااا .." ضار شافيه " ... تي شوفي غا سيفتو كي دايرا قتال ولد الحرام
خديجة ..." دارت رجل على ختها وبدات تقلب في اتاي و شافت في مبارك " ... هي نديو في اللغى انا وياك اسي مبارك
مبارك ... وعلاش اختي ها موو انا غا جاي معاهم مونسهم ..." دوا في ودن ميلودة " ... عطي العاهد المرأة خلينا نزيدو فحالنا
ميلودة ... " طلقت منو وضارت عندها " ... باش بلا منطول الهضرة ولدي باغي بنتك راه بينهم شي حاجة داكشي علاش كثرة الهضرة مكايناش راه واضح علاش جينا
فاتيحة ... وانا قابلة بيه واخا شومور
مبارك ... شكون ضربك على يديك ونتي غادة معاه گاع بيوتة الدرب دخلتو ليهم عاد بان ليك شومور ... خوديه وخليه يعيش معاكم هنااا
ميلودة ... ولدي و مرتو غيعيشو عندي في الدار ونهار العرس غيكون وهو وخوه عرسان اش قلتي عندي شلا ميدار
خديجة ... " طلقتها بتزغريتة " ... مبارك ومسعود " وميقت فيها مدت ليها الكاس" ... ايوا خودي ا ختي ميلودة نشركو الطعام
ميلودة ..." مدت يديها وخدات من عندها الكاس " ... ايوا نشركو هاد الطعام " دوات تحت سنانها " ... على الله غا مندموش " و تشربت منو
خديجة ..." تتدوي غا بينها وبين راسها ... شربي ا ميلودة شربي وكون تعرفي اش تم " بالصحة و الراحة اختي
ميلودة ..."كملت الكاس تاعهاا وناضت " ... ايوا نوض ا راجل نشدو طريقنا
مبارك ... بلاتي اميلودة نكمل غاا كاسي
ميلودة ... تنوض ولا نخويه عليك " شافت في خديجة " ... من هنا لجوج سيمانات العرس غيوقف ايوا جمعي معايا راسك
خديجة ... ومالي بنت ليك مشتتة
مبارك........"طلع فيها ونزل ".....با با با واش جاا ميجمعك ،
صبح صباح على ميلودة غا تغوت نهارها ماشي بحال گاع النهارات صبحت تبخر وطرطق في لذونها على ولدها ولي شادة فيه شي عين تحيد و لي مخطي شئ كتاب يتفسخ و لي داگين ليه يتفك ... نهار عرسهم وخاص كل شي يدوز بالتاويل كيف كتقول ديما الناس غا شبع ليهم كرشهم يعودو شكرو فيك حتى ليوم المامات ... من دخلها
من الزنقة في الباب لقات مبارك لابس غاا سليبو و يضور ...
ميلودة ..." شدت الباب و مشات ليه " ... والهاتر و اللايح حوايجو امالك صهدتي
مبارك ... متهضري معايا ماتكلمي معايا فين فوقيتي الشيبية
ميلودة ... عطيتها العساس يدفى بيها و زايدون لبس البيضة جديدة
مبارك ... كيفاش عطيتيها العساس انا كنت شاك فيك مصاحبة مع شي حد و تتخونيني
ميلودة ... وا سير نعل الشيطان و تا لدرتها جات معايا تعت ربي فين هو هذا لي غتخان عليه 😒 دوز حيد خليني نوجد اش خاصني نلبس
مبارك ... غاا بلاتي ا ميلودة لما شوهتك وقلتها لعيشة الطيابة تاعت الحمام دير بيك بوق
ميلودة ... صافي دزتي لماليات الحمام .." دازت دفعاتو تا جا مقلش رجليه " ... نوض جمع لفتك راه لوا كثر من الاول و بدل سليبك بغيت ليك الضر
مبارك ... ما لابسوووش و ممبدلش و ماغاديش انا لهاد العرس شي يتزوج و شي ضهرو يتقسم بالصواب الالة ديريه غا وحدك ..." مشا كيخبط في الباب غا بووحدو مخليها وراه حاطة يديها على وجهااا وتشحش وتعطيه
ميلودة ... كنتي تركب فييهم افرك الركابي " هزت راسها السما " ... ياااا ربي تتكون هادي تعيطة لهر و لبس عليه حق الله ..."هزت الصاك لي دخلت معاها و مشات دخلت عليه لبيت تلبس قفطانها لقاتو جالس عليه كمشو ، عرف راسو قفرها بلاما يدوي هزو تحت باطو وقال
مبارك .....نمشي نصلحو ليك ونجي متجي فين تنصلي حوايجك تتلقايني هنا
نصلات وغسلات ومبارك لاهو بان ليه الاثر حتى طلع ليها زعف عاد تم جاي داير ايدو قدامو ولوخرا وراه ، ومن خيبها خبار جايب ليهاا ، لخلعة شاداه وتقفقيفة راكباه هو جلاخة ولايني ميلودة كتحدهم ليه ، حل لباب لقاها في وجهو مجبدة ليك لعينين بكحل بلدي ومسوكة سنان وقنانف ، شافت وجهو صفر عرفت موصيبة وواقعة
_ميلودة .......اش وقع اصگع يا وجه لخطية من نهار تزوجتك مشت النهار لمقاد
مبارك....."دار يديه ورا ظهرو ويتحير براسو " ....زيديني وغا زيديني نستاهل راني منحشمش
ميلودة......."شنقات عليه "....تدوي لااا ، "شافتو مهاز والو وهي تخرج عينيها "......فيناهو القفطان
مبارك ......اشمن قفطان
ميلودة.......مبااااااارك "عيطتها وصلات لدار الباتول وهو داير راسو صمك
مبارك........نعام عيطتي عليا ؟؟
ميلودة.......تا فين القفطان لي ديتي المصلوح
مبارك...."ضرب يد بختها "......هااااااا لقفطان ، "بصوت مغبن مقادرش يخرجها ".....عرفتي لقفطان
ميلودة....."دارت ايديها على جنابها "......ماالو 😡😡
مبارك........"رجع يتحير ويبكي وينووح "......مشااهاااه ودار كسيدة.......وازين لفصاالة وزين ثوب وزين لعقاد ضربو طاكسي مبقى فيه تا خيط صحيح
ميلودة...."جراتو من سروالو مشى وجا زوج نوبات ساستو سوسة لقلب "..تا شكوون دار كسيدة ، فيناهوا القفطان
مباارك......"جبد من جيبو طرف تووب بقى لاصق فيديه ملي جرو ".....هاهوو
"بدات تخبط في جنابها وتهلل وتعيط على لي يغوت معاها
-ميلودة.......واعباد الله نااس محزمة برجااال وانا محزمة بالخلا
مبارك.......لهلا يقلقك نعطيك سيورة سروالي باش كنتحزم تحزمي بيهم
بقات غا تشوفيه تا حسات بعضامها شدوووها تلاحت حدا رجليه تنتف في راسها و تغوت وهو حدا وذنهاا يقرا عليها لي القرأن اش خلاها المثل يقتل الميت ويمشي في جنازتو
مبارك ..." يمسد ليها في جبهتها " ... تسليييييم تسلييييم اميمتي وااا ميلودة ... نوضي نوضي العرس وقف
ميلودة ..." باقا سخفانة و طلع النخسة مرة مرة تتهز حتى كيتهز معاها مبارك " ... قتلتيني ولد الحرام قتلنيني وجيتي ليا على عمري
مبارك ... واتي نوضي لاش مدلية وجهك الدايم الله لا مشا قفطان يجيو عشرة
ميلودة ..." غا سمعت اش قال ناضت شنقت عليه ك ... وريني فين هوما هاد العشرة هاااه ورينيييي فين هوما
مبارك ... اناااا ضرك نمشي لعند الباتول راه في عرس سعيد ولد النجار كانت لابسة واحد النكشيطة تعيط على الوالي و الصالحين
ميلودة ..."ناضت تبكي و تندب على مسنونها ومكتبوها ودخلت البيت وتتغوت " ... سير لبس شراااوطك سربيني خلااااص الله يعطيك غا السالمة ترگدك شهر نتهنى منك ..." دخلات جبدت تكشيطة قديمة من القدامات عندها ما عاجباها ولا حالية ليها ولكن اش غدير العرس و قف وعيب في حقها متكونش في الباب ... كملت اش كانت
كدير و دازت لعند مبارك لبيت لقاتو لبس كومبلي بيض و گرفاطة خضراء " ... على رقبتي غا بلاتي عندي واحد الشال خضر لوحو عليك تعود قبة و لي داز يطيحوه ماليه اش بالك
مبارك ..." خلاها كتدوي وخرج هبط ركب مع جاوبهم عندو هوندا هو لي غيوصلهم لقاعة العرس ... تا تبعاتو تتجري ركبت حداه " ... دابا غا الدرب اش كيشكي نتي لي مشيتي كريتي قاعة فيك غا التصاور المحروگة
ميلودة ... " خاشية في فمها طرف تاع السواك و تتهضر " ... تحميرت وجهي هاديك و أنت اش تعرف ليها ... وزايدون واش خرجتي شي درهم من جيبك
مبارك ... واخا شي يعرس و ياكل الحلوة و مبارك يشدو كريز لااا اختي ولادك هادوك انا موحال واش كنت كنولد
ياسمين من البنات الحرات كيعجبها راسها و تتبغي ديما تهلا فيه الوصفة لي شافت في اليوتيوب تلبقها لوجها وجهاا كيف كتقول عليه هي تشوف فيه وجهك ... معاها مهاا و جيرانها فرحانة براسها و اليوم تكون في الدار الراجل لي تبغي و ديما مدلية من الشرجم غير ليه ... وبفرحتها كانت هي الاولى في القاعة العرس و جالسة قدام
الكوافورة تقاد ليها حالتها و تزوقها كيف بغات
ياسمين ..."ضحكتها واصلة حتى لودنيها " ... ماما جي جي قدامي نقوليك واحد الحاجة
محجوبة ..." داك البياض لي عاطيها الله خلاا داك القفطان في الخضر ملكي كيحمق عليها " ... هاني ابنيتي اش كاين
ياسمين ... داكشي لي وجدت بريوا و الحلوى وداكشي ديال الفطور وجد ...متنسايش احسن طريقة لقلب الراجل هي كرشو و منها نيت العدوزة تكون في صفي
محجوبة ..." ضربت ليها على كتفها " ... بنت مك غا رتاحي ليا نتي كل شي هو هداك ..." مجات فين تكمل هضرتها تا دخلت عليهم ميلودة و موراها مبارك ... حلف تيجي معاها يسلم على الحاجة محجوبة "
ميلودة ..." دخلت و دارت تتحلف على مبارك خافتو غالا يتبعها " ... هاه واا مبارك تبعني نعيط ليك المخزن
محجوبة ..." قربت حداها " ... ختي ميلودة اش خبارك
ميلودة ..." سلمت عليها من الوجه و مشات لعند ياسمين " ... تبارك الله ما شاء الله مرأة ولدي رشيد الزين كون كان بنادم ..." يا الله غتقول الكوافورة تطلق يديها العرس مبقى ليه والو حتى تزلع حداها مبارك "
مبارك ..." مشا لعند محجوبة " ... لالة وزينت العيالات تبارك الله واش هالغلظ والبيوضة خديتها غا تي تقولي سيدي ربي خلقك نتي لي مرأة و لي بقى رجالة
ميلودة ..." نقزت شداتو من قبو " ... اتا اش دخلك لهنا
مبارك ... ومالي داخل حمام العيالات راه غا بيت مجموعين فيه و نتي عارفاني نموت على الجميع ....فين هي العروس
ميلودة ... " نعتت لياسمين فين جالسة " ... تا مشا ليك حتى نضر ماشي غا ..." غمزها و سكتت " ... تبقي الستر
مبارك ..." قرب لوجه ياسمين بانو ليه ليلونتي و كثرت الماكياج " ... فين الدرية لي خطبنا الدري يا ديك المرأة ..." مشا شد ميلودة من يديها " ... حال بحلوفي تنديو بنت لالة و زينت العيالات الحاجة محجوبة
ميلودة ..." نترت يديها منو " ... اطلگ هاه اتا واش تخورجتي في عقلك ها الدرية قدامك
مبارك ..." شاف في ياسمين و رجع شاف في ميلودة عاد دار لمحجوبة .." ...واش عندك شي درية اخرى شفت هادي ماشي هي لي خطبنا لمعفون تاع ولدي ... ولكن نتي تتولدي غا البيض البلدي هك "جمع صباع يديه بجوج " مفگع على رقبتي
ميلودة ..." قربت حدا ودنيه ودوات " ... وراه غا المكياااج الصباغة زعما ... وخرج شوهتيني يا هاد التالف ليه العقل خرج عليا خلاص
مبارك ... " رجع طل على وجه ياسمين " ... ابنيتي غضربيه على شعة تاع ديجانكتور ... عينيك لونهم عاد خنوني
ميلودة ..." جراتو من قبو " ... هادوك عداسات خضرين تا اش وصلك لشبوق العيالات غا قوليا
مبارك ... هااء و سعداتي بهاد السوق غا نتي تبعاني عليه .." حيدي عليا نمشي نعيط لراجل الدرية يجي يديها " طل من الباب على محجوبة " ... لالة محجوبة لحتاجيتيني غا هريني في النقال نجي نجري
ميلودة ..." جبدت سباطبها من رجلها وزفات عليه بيه " ... غا لبقات فيك تعالى حفر ليا هاد الوشمات
فنفس القاعة وفي البيت التاني كانت فتيحةة كتصاايب ومعاها مها لالة خديجة وطالونها لي تقرقيبو كيتسمع من ثلت الخالي ....لابسة ومقادة تغلط فيها هي لعروسة وهادا هو حالها كتبغي تبين راسها كيف ديما هازا تليفونها وتعيط....جيبو هادي عنداك تنسا هادا
دورات وجها لعند بنتها بعد مسمعت " هاني كملت ليها ،كيف جاتك ... كانت طالقة الشعر لي واصل ليها لنص الضهر ... مقادة وممخلياش من حقها من ديما تموت على التزواق ... أما لوقفت غا طولها وعرضها يغطي عليك "......جبدات خظيجة لملحة من جيبها زبدات دورها على راس بنتها
خديجة ....لي شاافيك ابنتي بعينين لغضر بغيت ليه الضر ،
ولي تمنى ليك ابنيتي الحر بغيتو يتحنر ... عين شابة في ذابة وغين عذوزة في بدوزة وعين لعدو فيها دلو
تحنات على ركابيها و حلات صبعان رجلين فاتيحة و دارت ليها فيهم الملحة .." ... شوفي فيا ابنيتي العين خايبة ونتي نازلة قلبي لسانك و أنا وراك و لا تخافيش ....." دارت شافت في الكوافورة " ... ابنيتي خرجي غا شوفي ليا واش العرس بدااا و لا باقي .." صدرات الكوافورة ودارت لبنتها جبدت حجاب ملوي " ... سمعي ليا هاحنا
بدينااا توجاد ديال لمعقوول "مدت ليها لي في يديها ووراتها " ... هاكي شدي هادي تصويرتك و تصويرتو مقادين مصايبين على حقهم غا تبقاي قدامو كي نوارة وعنرو يفكر فيك ولا يفرقك راه خيطناكم ... ولا تنساي هذا راه كادو من عند خاااالتك تورية وعقلي ما تردي ليها
فتيحة.......وميلودة امي اش وجدتي ليهااا
خديجة.......مكاين منتخبى هاديك عاصية ودقتها صعيبة وخاصها لخدمة مسنحة ومكتخرجش خاوية مهم نبدا بولدها يسهل علينا طريقها يالله ضحكي بلاتي نخرج ندردر شوية لملح برا ..." ما جات فين تخطي الخطوى تا وقفت عليها ميلودة ووراها مبارك " ... هاي هاي على لالة ميلودة والحمد الله تا تفكرتينا
ميلودة ... ايوا كيف تعرفي العرس وقوامو كيخصو الوقت و المرأة واقفة ... اش كديري هنا ..." قربت حدا وجها وتشمشم " ... شميت فيك اخويتي شي ريحة ماهياش
خديجة ... ريفدور هداك اخيتي
مبارك ..." مشا قرب حدا عنق خديجة يشم " ... هاححح الله مزينها ريحة " عرا ليها عنقو " ... الى بقى رشيني غا نشمك فيا
ميلودة......"گفضات وقالت ليها "....ديريها مني قلة صواب وفوتيها لهيه ولكن غنقلبك جاتني خبارك
مبارك ....لهلا تعذبي ليا راسك تقلاب خليه عليا غا هي تعابي نبداو بلالة محجوبة
ميلودة ..."ضارت شافت فيه شوفات تاع القرطاس مرضاتش ولا دازت ليها هضرتو قدام خديجة "
مبارك ..." غا شاف الزرب حمار و هو يسخف "
ميلودة ..." خبطت في فخاضها تا تسمع ليهم الحس " ... اويلي على الراجل " هبطت تتخبط ليه في حناكو وهو غا كذب الكذبة و تيقها " ... واااا مبارك وااا مبارك يا تا سخفتي ولا متي
جالسين مجمعين في بيت ومعاهم العدول ميلودة حلفات تا تجمع عرس وضريب صداق كلشي فنهار واحد حگا والواد مزال طامعة في عبد القادر وفاتيحةة يتفاارقو مفخبارهاش بلي تدگو مسامرة وطريق لي مشا منها صعيب يرجع
جابسين العرسان كلا شاد عروستو حداه و قبالتهم ميلودة و محجوبة مع خديجة يتسناو يشهدو ... أما مبارك لي كان منشور فوق الكرسي و شاد كاس تاع العصير قاليك طاح ليه سكر ومن غيرو ميشربش ولا يحط في فمو ... جالس و مقابل مع العدول لي مرة يدوي مع رشيد مرة مع عبد القادر تا ناض ليه يقاد هنا ولهيه
مبارك ... تا واش غنباتو هنا عطي لكل قندوح عتوگتو خلينا نسربيو الشيخات تيتسناو
ميلودة ..."دارت يدها فوق راسهاا حايرة معاها سطاها وخرج ليها العقل "...واتا مالك الشيخات غتشد ليهم الميزان
مبارك ... غا نشد ليهم لميل بعينية
ميلودة ... يا سكت مخيبها فيك قاعيدة
مبارك ... سوووقك لااا واش سوقك ..." دار لعدول " ... وااا شيخ قبت علي الشريف تا سربينا خلاص ..." هز فيه العدول عينيه ناعل الشيطان و مكمل على اش بداا ... جبدت ستيلوه وعطى لعبد القادر هو الاول يسني ...
"ميلودة تگمگم تحت من فمها وتدعي وتصيفط
_انا بغيت ستيلو يفيض عليك امشگة لقدام ، انا بغيت لمداد يجي عندك ويتقادا ازريعة لافار
اما واحد عبد القادر غا يدور يدور ويقول لفاتيحة اليوم نهارنا ، نسدو علينا وسكون قدناا...
خديجةة گاع حجاباتها جبدتهم وعلقتهم ، گاع لملكة رشتها وگاع تعاويدها قراتو متنهدات ورتاحت حتى سناو العرسان وشد عبد القادر فيد فاتيحة ضرسة لعقل باينة ليه
عبد القادر ..." دبل عينيه و قلبهم " ... زَعْزَاعَتْ قلبي واخيرا وليتي فاتيحة بنحمرون على كنيتي " وضرب في صدرو "
فاتيحة ..." شداتو من عنقو و تلحون " ... قوقو ديالييي مبروك علينا
عبد القادر ... عوينات قوقو نتي ..." عايشين في عالمهم وغافلين على العينين و الودنين لي كانو معاهم وهادي هي قاعدتو غا طالقين وذنيه بحال الرادار ...محس بيه ولدو تا تلاح قدامهم "
مبارك ..." كيدوي مع فاتيحة و يشالي بيديه " ... واتي سمعي اميلودة قوقو ... شتي غاا هاد قوقو لي تزوجتي بيه ... نهار سبوعو دابح عليه نعجة و مسميه
عبد القادر ... وغير الدلع ابااا تاا ترخف معانا
مبارك ... "كيدوي من نيتو "...حط ليااا غا گيمة النعجة و تعيط ليك تا خيخااا
ميلودة ..."مشات جراتو من وسطهم " ... يا تا غا بوحدك خاص معاك جوج رجالة يشدوك يدي طيبتيهم ليا بتجباد
مبارك . ..."مداهاش فيها شاف في العدول لي كان مشغول مع رشيد و ياسمين " ... وا سي العدول بنت لالة وزينة العيالات لالة محجوبة ... هادي عطيها كلام خر على هاد الجوج "
خديجة ... ومال بنتي بنت البگرة الكحلة، ا سي مبارك وزن كلامك
زمبارك ... "مشا يطلع فيها ويهبط " ... ماشي كحلة، زرگة و سمحي ليا على هالكلام وديريهاش مني قلت الصواب ..." دار لعند محجوبة " ... شووفي الغلظ و تبطبيط لمن عطاه الله مقادا عبار كي قالب السكاار
ميلودة ..." شدت في راسها و قريبة طيح ليهم تم " ... وااا موصيبة يامي و تااا واش كنت مسخوطة مع وليديا تا ربي لقاني بيك ... وانا كنت غا سيري الله يرضي عليك اميلودة الله يفرشك برضاه ... دوز تركن حدايا راه خراك ميجمعوه شراوط معايا ..." جراتو حداها ثاني و خلات العدول يكمل عطا للعرسان يسنيو وها ميلودة رتاحت
على رشيد أما عبد القادر عاد بدات معاه في مشاكيلو ... كيف كملو طلقتها محجوبة
بتزغريتة ملات بيها البيت .....
مجحووبة......مبروك عليك ابنتي عائلتك جديدة وتهلاي فراجلك وديريه فعينيك ، حمد لله كانت عندي بنية وزادني الله وليد
مبارك......"وشوش ليها "...متفكريش نزيدو الثااالت
ميلودة...."سمعاتو ولجمات ليه لسانو ملي قالت "......وااا بااش باااااش ، زين يحشم على زينو والبارد غا الا هداه الله
مبارك ... "دار فيها صمك ومسمعش اش قالت مرتو ، وقف على العدول وقال " الي كيزوج ملقاش عندك شي ورقة زايدة في داك الكتاب ناوي ان شاء الله نكمل نص ديني ... وراه كيقوليك واش المثل لي هرب الدين هرب الطاعة و الله يقدرنا على طاعت الله
رشيد ..." حط يديه على خدو وتكلم " ... بيمن الواليد باغي تكمل نص دينك
مبارك ... بلالة وزينت البنات لالة محجوبة ... ابدا واش نخليها وحدانية في ديك الدار راه سايرة تشويني في گلبي هناا " وحط يديه على قلبو
رشيد ..." وقف و ناض شد باه عندو " ... اجي الوليد تالمنبعد راه العرس واقف خاصنا نهبطو
مبارك ... " دفع ليه يديه " ... طلق مني أولد الحرام هاااه كلهم تزوجتو و اناا نبقى هك باااير لا حنين لا رحيم ولا ليشد ليا في يدي
ميلودة ..." فقصها و غيقتلها سيفطت العدول وضارت ليه " ... غا نوضو نتوما خرجو النگاقة كتسنى فيكم ... أما هاد الخارج عقلووو انا لي نعرف ليه ، "عنقات محجوبة "... مديش عليه راه دواه لقيتو مقطوع ياختي
خرجو العرسان بالصلاة و السلام محجوبة تغزرت وخديجة شادة قرعة في كمها ومور بنتها و عريسها ترش ... اما مبارك لي فين ما يحل فمو كيغرق و يزيد فيه مخلات معاه ميلودة تهديد مخلات معاه طرطيق اللدون ... لي فيه شي ڤيس راه فييه جات النگافة و قامت بالعرسان ... تبعتهم ميلودة و مبارك موراهااا هاز على صيگانو و
حالف تيخليها عليهم ... حدوو نزل فين كاينين الشيخات ومشا قصدهم
مبارك ..." مشا لعند لكوامانجي " ... وااا حمي الطرح اخيي "شاف في الشيخات كيوجدو الموزونات " ... وخلي الخير يترعد ...
تست الله أَلْوِي ، بدا العرس ولي عندو شي شعر ناض يلاوح فيه ، ولي كارية شي تكشيطة ناضت تمشي وتجي بيها ، مكاينش عيق عليا نعيق عليك كاين غير شتف هيتف ...ميلودة واقفة في رالس القاعة وكتشووف من بعيد وعينيها غا على خديجةة لي باركة وتدردر حتى ركبات فيها تناوي ، العرسان واحد مكرهش يخشي مرتو ورا
كرسي العرس ولا يخرج بلاما يكمل العرس اما لاخور غا مربع يديه ويشوف الا مزعزعتو ياسمين ميتحركش حشمان تا فات لقياس....والا رجعنا لشيخ لعائلة غنلقاوه
" طلع فوق الطبلة و كيغوت " ... وااا عطيني العلوة اخيي العلوة عضامي ضاريني ..." كل شي حاضيه شي كيضحك و شي كيصور أما ميلودة غا حاطة يديها فوق راسها و تويل على مكتوبها حمى الطرح و الشيخات بدا غا الموزون عاطي صوتوو ... نزل من فوق الطبلة و حيد الرزة لواها على نصووو و جلس يهز البوووط
وكيما كدير الشيخة يدير بحالها ... فين ما تجي ميلودة تجرو يدفعهاا تا كتبغي طيح ... شافت تا عيات و خلاتو يشتف كي قاليه راسو ... غا بداو في العلوى وهو يطيح على ركابيه يتحير و يجمع الارض بيديه ... ما ضرو عنقو ما ضرو ضهر بقى على خاطرو تااا طاااح و شد في قلبو ... جات ميلودة تتجري عندو تتسرفق ليه في حناكو
ميلودة ..." هبطت حدا وذنيه " ... انا بغيتك تكون بصح شداتك الموت غا قبر نحفرو ليك بيديز نغرسك فيه ... واللون البيض حتى للبستو راه يطيح النور على الوجه
مبارك ..." غا سمعها وحل عينيه " ... شي جغيمة تاع العصير يعطيك الستر
ميلودة ..." گعداتو من الارض " ... نوض بغيتها تنوض عليييك يااا ربي
مبارك ... شناهيا لي غتنوض عليييا
ميلودة ... الضرسة اودي ا مبارك سير غا تجلس شهمتيني حق الله تا شهمتيني ..." حدر راسو و تم غادي الطبلة غا بانت ليه محجوبة مشا يجري جلس حداها "
مبارك ..." كيتعنگر و يهضر غا بجوج صباع " ... كي جيتك المدام
محجوبة ... لا تبارك الله عليك اسي مبارك .. ايوا نووض راه العرسان غيلبسو اللبسة الثانية ..." ناضت محجوبة و مبارك موراها يحك و يقول ما حكيت ... خرجو العرسان بالصلاة و السلام على حبيب الله ... مشات ميلودة تشوف العرايسات و شنو كيوجدو ... دخلت على ياسمين
ميلودة ... تبارك الله طلعتي امراة ولدي كي لوريدة
ياسمين ..." ناضت باست ليها يديها وراسها " ... لهلا يخطيك عليا اميمتي و الله يدومك ليا فوووق راسي و تفرحي بينا فكل نهار
ميلودة ... اللهم امين ابنيتي " شافت في محجوبة " غنمشي نطل على العروس الثانية و نرجع " ...مشات ميلودة عند فاتيحة حتى دفعت الباب بلا دقان لقات فاتيحة ومها عاطيينها غير الرشان " ... بسم الله الرحمان الرحيم
خديجة ..." معرفت باش تبلات خشات القرعة تحت كمها و ضارت عندها " ... الجنون اميلودة لي كيقولو عليهم بسم الله
ميلودة ..." قربت حتى لوجها " ... اييه عندك الجنون و الكفارة بالله ... غا سمعي جوج كلمات نقولهم ليك ... الى نتي تتأدي انا راه كنفك و الى نتي كتقفي راه السوارت عندي
خديجة ... ميلوووودة راك متقديش عليا خلينا مزيانين
ميلودة ... هزي عينيك فيااا وشوفي شكون قدامك ... ميلووودة لي كيدخلو عندها العگرات و يخرجو حاملات ... ميلودة لي كيدخلو عندها البايرات و يخرجو مزوجات نتي ضربي ضربتك منهااا و انا نشويك من لهيه ...
" شافت في فاتيحة " ... ونتي غنسيفط ليك النگافة تعاونك و سربي خلاص ..." خرجت ميلودة مخلية من موراها فاتيحة وخديجة يتحلفو لبقات فيها "
فاتيحة ... شتي غا هاد الشيبة العاصية بربي لشد فيها شي سحور انا نقوليك
خديجة ... سميتي خديجة مسميتيش فاتيحة باش نخرج من فمي هاد الكلام ... دابا سربي راجلك مبقى غير يدخل .." داكشي لي كان مجات فين توقف فاتيحة حتى تم داخل عبد القادر يتحير غا وحدو "
عبد القادر ... الليلة روبلوووها احبي
خديجة ... ايييه غا شد مرتك بعدا وريب أنت تا القاعة ... " خرجو مشادين في بعضهم إما ميلودة كي هبطت لعند الناس لاحت عينيها تقلب على مسنونها ... لقاتو شاد البراد يقلب فيه و مقشب مع الشيخات هوما يضربو ليه في الكتف وهو يطيح ليهم في الحجر
كمل العرس و العريسات لبسو اللبسة بختهااا من شمالية الصحراوية حتى الفاسية شي فرحان و بالو مرفوع في الشطيح و لي ربي منزل عليه لعنتو حاضي غا ميرش ... أما ميلودة معرفت تحضي راجلها ولا تحضي خديجة لي ما زگات و لا لعنت الشيطان ... مبارك لي كان هواه بووحدو دارو الشعبي تحير عليه و دارو الغربي و لوز
عليه وحتى من الشرقي طاح عليييه ... ما لقى ما يجمعو فييه عضاضمو تهدووو حتى تنشر ليهم وسط عيباد الله و كينش على وجهو ... جات عندي ميلودة ثاني تجري حرر فيها الجلسة و تا العرس
ميلودة ... امالك اناري
مبارك ... ميييلودة تي تا شرقي فيه لمسلمين !!
ميلودة ... شدوك غا انت هاد الساعة و تگعد راه العرسان بغاو يخرجو
مبارك ..." صح واقف على رجل وحدة تمو العرسان خارجين و الجوق تابعهم بالدبكة اللبنانية ... أما مبارك جا وسط منهم و كيشطح غا برجل وحدة مااا طلعو العرسان في طموبيلاتهم تااا ريشت ميلودة راسها و حيدت درتها من فوق راسها ... عاد جا تركن حداهااا
محجوبة....."تعانقت هي وبنتها كيتباكاو ".....انا مك وتا الحاجة ميلودة مك مكاينش فرق الا قلقتيها قلقتيني وضايا من رضااها تهلاي فيهاا وفراجلك وشيخك
مبارك......هاد ساعة باراكا عليا غاا نتي
ياسمين .....باست اين مها وراسها وقالت ....خالتي نديرها فوق راسي عندي منها غا وحيدة الله يخليها ليا تاج فوق راسي
ميلودة.....عاجبها الحال ومن زينها نسووبية لقات .....الله يرضي عليك ابنتي انا مغطياك برضى ومفرشااك
خديجة....."معوجة سيفتها وتعاير "....هاد اللحلاحة تاع مرت لوسك باينة مطورة وعارفة كيف تجيب لعدوزة لصفها ...سمعيني ابنتي وحلي ودنيك راجلك نهار صبوحتيك معاااه جيبي ليااا خرقتوو نهار الفطور وياااك تنساي
فاتيحة ... كوني هانية امييي لكان غا على الخرقة جاتك ..." ودعات خديجة بنتهااا ورجعت اللور تتشوف غا من بعيد المحبة و المودة لي طايحة على محجوبة و ميلودة ... تسالمو و توادعو كلها وشد طريق دارووو ... أما ميلودة كيف وصلت لدارها حلت الباب ووقف في المرح تتشوف باب ولدها عبد القادر مسدود ....وبيت رشيد
مسدودو
ميلودة ..." وقف حداها مبارك شاد ضهرو "....دوزو نسدو علينا بابنا ولا والله ختى نحرمها على كلشي
ميلودة....."جلسات في المراح وبدات تحلف "....نعطيك 3 ايام تاع لباكور ونخليك دوقي الزقوووم من ورااها
ولعبوو عليه هذا خووكم وراه تاع ماليه ... ياااو وا لعبور عليه هذااا قوقو وراه تاع ماليه ..
هكا الصبح الصباح في دار ميلودة صابحة عليها خديجة باللعابات و الغنى و الشطيح ... كانت ناعسة و حداها مبارك لي غير سمع الشطيح ودنيه قشلهم كي السلوووگي ... خرج كيجري غا بسروال قندريسي و كيشتف برجليه ... تبعاتو ميلودة تتلوي شالها على راسها وقفت كتشوووف اش كاين بانت ليها خديجة و حداهااا متعوسهااا غا
ساكت و كيشوف ... تقدمت عندو و لاحت عليه السلام
ميلودة ... ها واحد السلام عليكم ا كيدار اسي براهيم شفتك البارح بقيتي جالس في قنت واحد
براهيم ... مبروك ما دارو الدراري الالة ميلودة.
ميلودة ... يااا مسكين ملجماك العدوة .." قصدت خديجة ووقفتها " ... ا شريفة مكاين غنى مكاين شطيح تنشوف سروال عروووستي و ديك الساع انا نجبد البستيلية و نشتق فوق منها
خديجة ..." قفت اللعابات و عرفت لعبة ميلودة واش بغات دير " ... اييه وعلااش لا دابا نيت نخرجوووه
مبارك ..." كان عايش و كيشطح تا وقفوها عليه و قصد ميلودة " ... وا ميلودة تي شمن سروال لي بغى تسناي ... غا على ولد عبد القادر و مرتو گاع البيوتة دازو عليهم ... السروال راه خرج هذا زماااان غا خلي اللعابات يلعبو ..." ضار لعند العيالات " ... وا العيالات دخلو دخلو مرحبا بيكم زيدو زيدو
ميلودة ..." جراتو من سروالو تا مشا و جا " ... هاااه عليااا بليمين و ما دوز تركن و تمشي دخل البيت يااا تانسيفطك مع خديجة تلغجك تعود غااا تخرا و تبول و قول قالتها ميلودة
مبارك .... قالتها ميلودة .." ما جا فين يدخل تا بانت ليه محجوبة مت ياسمين جاية و هازة معاها الفطور ... دار لعند اللعابات " ... والعيادات حميو الطرح حرشاشت گلبي جااات ..." خرجت ميلودة استقبلات محجوبة بصلاة و السلام و المحبة و الصدر مفتوح "
ميلودة ... مرحبا بلالة محجوووبة
محجوبة ... لهلا يخطيك علينا اختي ميلودة بان ليا الطرح حمى وانا عاد جيت
مبارك ... نتي ما تجيش حنا نجيو عندك و بقاي ليا مرتاحة مهنية
ميلودة ... مزينك بيه صواب سير دخل لبس حوايجك ... دخلي اختي محجوبة و لتديهاش فيه راك عارفاه نص عقيل
محجوبة ... مديريش في بالك راه حنا ولينا عائلة ..." دخلت ميلودة ومت عروستها ياسمين ... فرحانة بيها و خديجة عينيها فيهم و تغدد تا خرجت عندهم ياسمين طايرة بفرحتهااا مشات نيشان لعند مهاا "
ياسمين ... ماما مرحبا بيك عندنا في داري و دار ناسي
محجوبة ... ربي يخليك ابنتي ايوا قولي ليا حمرة
ياسمين ... معلوووم حمرة دابا يخرج عندكم
ميلودة ... ايوااا هااانتوما العيالات بنتي ياسمين مرأة ولدي رشيد حمرة وجه ناسها وراجلها و خلاتني قدام عينين ولدي رافعة راسي ومن ختياري
خرج رشيد حشمان وحادر الراس تقول هوو لي صبح ماشي ياسمين لي كانت هازة سروالها فوق راسها وتلالي بيه ... أما فاتشيحة وقوقو ديالها معرفو ما يقدمو ولا يوخرو تا تم جاي عندهم مبارك
مبارك ..." شد عبد القادر من كتفو "... قالت ليك مك جيب السروال واش العتوگة سال دمها ولا خرجت جيفة
عبد القادر ... " خرج عينيه في باه " .. احم حمرة الوليد حمرة
مبارك ... اييه حمرة غاا شوف راه علال قالك دوز خلصو في كراء تاع البرتوش لي كاري
عبد القادر ... وتا صافي الوليد .." جر فاتيحة من يديها و دخلها البيت " .. اش غنديرو دابا
فاتيحة ..." كتمضغ في مسكتها و البال عندها هاني " ... اش غنديرو تا حنااا نهار شفتك مات المش و تقوليا السروال
عبد القادر ... " ولا يكدد في صباعو كي المرأة و شوية و يبكي " ... عرفتي مي الى مخرجناش ليها السروال اليوم تشوهنااا
فاتيحة ..." ما جات فين تهضر تا دخلت عليهم خديجة وجها غيطرطق" ... مالك امي
خديجة ... مماليش خرجي شوفي لالاك كي فرحانة ومحمرة وجه مها ونتي فضتي و ساليتي معاه شحال هذا
فاتيحة ... ودابا غير قولي نتي شنو الحل
خديجة ..." جبدت موس من كمها " ... شد هاك ضرب يديك و خرج السروال باك راه داير بينا بوووق
عبد القادر ... نضرب يدي لا تالهادي و قتليني
خديجة ..." خنزرت فيه و ضارت شافت في بنتها " ... هذا هو الرعواني باش محزمة .." ضارت شنقت عليه " ... غضرب يديك هي غضرب يديك " يا الله غياخد من عندها الموس تا حل عليهم مبارك البيت "
مبارك ... ديروني مكاينش و ضرب يديك يا بالحمار لاخر
عبد القادر ... الوليد يهديك الله خليني في همي ... " هز عبد القادر الموس ضرب يديه و دارو السروال على القالب و دارت خديجة عند بنتها "
خديجة ... الخرقة موجودة
فاتيحة ... موجودة غير تهناي .." هزت خديجة الصينية و خارجة تغني ... وها هو فوق راسي ولا تقولي فرماسي ...
مليودة ..."شافتها و عرفت كاين شي بلان في الموضوع "...وعلى رقبتي الى دم فرماسي هداك ".... خدات من عند خديجة الصينية و حطتها حدا تاع ياسمين و حماوها الغوت و عيالات الحومة يشقاو و يعاونووو... تا تم جاي مبارك ورا ميلودة يغني و يندب "
مبارك ... وراه جيفة و يا الحليليفة ..." جر ميلودة تا قربت ليه ودوا في وذنها " ... ما تخلعي ما دهشي ما تغوتي شتي غا عبد القادر كي داه كي جابو ... وراه غا دم يديه لفك تصفيرة وجه نسيبتو خديجة
ميلودة ..." ضارت شافت فيه " ... اول مرة دير شي حاجة مزيانة انا لي غنوريها ..." مشات هزت الصينية لي فيها سروال فاتيحة " ... ايواااا هانااا العيالاااات الدم الحمر وحمووريتووو غاطسة العين ..." شافت في فاتيحة " .... ياك امراة ولدي
ميلودة من الناس لي دقتها قديمة تبغي تشوف السروال ودير بيه العادة ... تمت هازة الصينية لي فيها سروال فاتيحة و تخنزر وتشوف في ولدها لي تحتو فزگ غا بالخلعة و بشوفات مو ليه ... عرفها عاقت ومبارك وصل الخبز الفران ما حدو حامي
ميلودة ... " هازة السروال وتشالي وتلالي " .... ايوا الدم نعرفوه غادي الليموني ماشي حمر ناااصع بالحق فاتيحة دمها نقي نقي
رشيد ..." شاف القضية بدات تحماض و الفطور غيعود سحور في السويسي ... نقز على مو حيد ليها الصينية و جرها عندو " ... وا الحنانة واش باغا الشوهة كلامك راه مفهوم و معناه واضح صافي سكتي بلا فضيحة هادشي غيقيصك نتي كثر منها هي.
ميلودة ..." فهمت كلام ولدها وحطت لي في يديها وضارت شافت في راشيد ومشات تا قربات ليه ودوات " ... وهل هي ولد كرشي فييك
عبد القادر ... وراه غا معايا أمي معايا
مبارك ... غا أنت لي تكساب الحجر ياا بالبوهالي لاخر
عبد القادر ... تا الله يهديك الوليد قرطها عندك شوية
مبارك ... راه انا لي كان خاصني نقرطها ونعل الشيطان ديك الليلة الكحلة لي غتخرج منها
ميلودة ..." جرات مبارك وراها " ... سير شطح و لا شوف اش دير وأنت غا خاشي گمگومك ... وأنت يا وليدي عبد القادر غتشووف معايا موكة في قلب الدار ..." خلاتو واقف هو ومرتوو و مشات كملات شنو كانت كدير لقات لالة محجوبة قايمة بالواجب و ترحب و تحط " ... لالة محجوبة الله يعطيك الصحة و مزينها نسوبية معاك
محجوبة ... الله يا ودي يا ختي ميلودة راه حنا عائلة دابا و لي ديالي ديالك و ديالك ديالي
مبارك ..." ضرب يديه بجوج و نقز جوج تنقيزات ودوا وهو كيضرب في يديه " ... ا سيري الله يرحم من رباااك سمعتي اميلودة يعني انا ديالهاا ..." مشا لمحجوبة ..." تي بلا متحشمي غير قوليها مبارك ديالي
ميلودة ..." جراتو من گفاه " ... تا غا قوليا الصگع هاني عطيتك ليها ايييه و باش تنعل الشيطان راه ولا كي جدر البصلة عرفتيها كي داير ياك
مبارك ..." دفع ليها يديها " ... عرفتوو غا حيدي يديك يا وجه الجنايز نتي راك تقفتيني متقوليش ليا لا ..."بقات مشادة معاه تا حشمهاا قدام المرأة ثاني و كلام الصواب تحدو ليها معاه ... أما فاتيحة بقات طلع النفس غا بزز تفقصت و لي فقصها كل ما كدير لميلودة شي حاجة مكتصدق كل شي كيخرج ليها فالصو ... ما حست وهي
ساهية غير بمها واقفة عليها "
خديجة ... گاع لا ضربي نتي الهم دابا يجي نهارها
فاتيحة ... كضحكي أمي على الوقت ميلودة حارة في هادشي و باش غنضربها غير بولدها ... " شافت فيها " ... سيري وقفي حدا الوليد راه عينيها علينا ملي وقفنا ..." حدرت خديجة راسها و كتغدد على ميلودة و شنو كانت غدير ... أما مبارك طالع فوق الطبلة و اللعابات يلعبو وهو شاد ليهم الميزان ... ما كمل الفطور و داك الصباح
على ميلودة حتى شيبها مبارك ... سيفطت ضيافها و جمعت شقاهاا ... ما تعاشات عليها العشية حتى جمعت ولادها و عرايساتها في الصالون ... وقفت عليهم ودارت عكستها فوق راسها "
ميلودة ... ايوا مرحبا بيكم لي مرحب ليه و لي مرحبين بيه غا بزز ..." خنزرت في فاتيحة " ... كلامي موجه ليكم كلكم ... حنا في هاد الدار كلا كيدير حاجة ..." شافت في ياسمين " ... بنتي ياسمين نتي غتهزي راجلك من كل شي و عندك نهار في الشقا ... وهاد الهضرة موجهة حتى حتى ليك نتييي " شيرت في فاتيحة" كل وحدة
غتاخد نهار يعني النوووبة
مبارك ... هاي هاي على القايد بووو رزة لي بلا رزة ناض
دازو ايام قليلة وكيف قالت هضرتها ميلودة لعريساتها دارو بيها لي عندها شي راجل هزاتو فوق كتافهاا ، الحرب بينها وبين مرت ولدها فاتيحة مزال مطولة مو تقول الا مربيتك ودخلت عليك الدرة راني ماشي الحاجة ميلودة ومرتو تجاوب والله وباش كيحلفو رجاال لاكانت ليك ولا ليه اما هوو يخرا خرية هنا وخرية لهيه حاير وسطهم
بزوج يبوس لمو راسها ويدخل لبيت لمرتو يبوس رجليها ويطلب سماحة من لفوق ودارتها السحاارة ، اما تا ياسمين فران وگاد بحومة عارفة كيفاش تسلك راسهاا وتحافظ على بلاصتها ، فمها مخرجها من مصايب بحال شعرها من لعجينة وهكا تكون اللحلاحة
- الحاجة ميلودة ..."عاكسة عكستها بحال ديما وواقفة على ولدها و مرت ولدهاا " ... ا سمع اوليدي يا عبد القادر و شتي غا هاد لبزيزيلة نقطعهااا لي موسطاجك ولا يشطب الدرب و أنت مزال ترضع فيها ... غتزوج هي غتزوج
عبد القادر ..." خاشي شدگ تاع الخبر حنك عامر بيه و الحنك لاخر خاشي جوج تاع فرماجات و كيدوز باتاي وكيدوي " ... وااا مي تي باغا تسيفطيني الغباقية هااا فاتشيحة الفورمة وزين ونگدة غاا تتنوض قلبي كيترعد الحنانة سيري ضربي ليك ضويرة عند الجارة راه فاطمة بغاتك ديري ليها اللدون ولدها سخف البارح
ميلودة ..." غا تتسمع حس اللدون كيبان ليها الفلوس قدامها " ... هداك راه شاداه الزعطة المسخوطة ،كثر منك
" تمت غادة هزت جلابتها لبستها و دارت شالها وضارت عندو " ... ا شووف هاه بنت الحاج محمد راه باقا عزبة و جد ليا راسك غذا نخطبوها وكركب عليا هادي.." شافت في فاتيحة " ... ا والله لا بقى ليك داري خنزت بخرقتووو وولا مراوي قدامك " جبدت ليها الوشمة لي دايرة في لحيتها " ... غا لا عمر ليك فراشك تعالي حفري
ليا لحيتي ..." هزت يديها وراسها الفوق " سير اوليدي رشيد الله يرضي عليك غا أنت لي مزوج أما هاد زيادة طياح الضو غا حط ليا موصيبة خلاص
زادت خلفة مع طريق حاتية على جلابتها تلبسها في زنقة ومخلية وحدة كتهز وتحط وراها
فتيحة......."تضرب في صدرها وتقول مضربت "....ياااك اخويا ياااكااا
جوبها شيخها مبارك من بيتوو داير فيها كيتفرج وهو وذن قدام تلفازة ووذن وسط ولدو ومرتو .....
مبارك......يخوي ليك ضراس كل ليلة صوتكم للعلام ..."هبط راسو لبين رجليه وقال مخسر صيفتو "... مخليني كنتحسر على لي دلا وسالا ليه الجهد وجايا دروك تقوولي ليه خوويااا...
فتيحة......" علات حاجبها تا شوية ويفوت جبهة......".....ايوا حربووش تطاوع مك وتزوج اوليدي ا عبيقة والله خرااك ميجمعووه شرااوط معايا ولي عندي انا قلتو ....
وحلات ليه الدغمة ودخلات لبيتها مكيقدش يجاوبها ملجمة ليه اللسان ومخلياه يدير ليها الحسبان ... "ناضت تتخبط في الارض و في طريقها ضارت شافت بيت ياسمين لي متسول اش طاري ولا اش داري دخلت لبيتها و خبطت الباب ... إما عبد القادر لاح الدغمة و تبعها كيجري
عبد القادر ..." عنقها من جنبها " و صافي اجي عطيني بوسة
فاتيحة ... اويلييي باااك كيسمع " و طلقتها بضحكة تا وصلات لطبل مبارك "
مبارك ... وااا خاويه خاويه بغيت ليكم الضر تريكة عوجة أنت توح وح من هك و خوووك يهرنط من هك ..." أما ياسمين كانت اخر وحدة تفيق و
نعسات و تمرحات تا فات الحال عاد ناضت ... لاحت عليها بينوارها وخرجات المرح لقات مبارك جالس و ناشر رجليه غا بسروال قندريسة ما يحيدو ولا ينعل الشيطان و يقول وبادي تزوجو نتستر .."
ياسمين ... عمي مبارك صباح الخير كيف صبحتي خاصك شي حاجة نوجدها لعميمي دابا تكون عندك
مبارك ... جيبي ليا غا مك انا راضي عليك دنيا و اخرة
النهار كولو و هي مجلية من دار لدار و على حساب كلامها خدامة و تفك في العيباد ... تعاشات العشية و رجعت لدارهاا وكيف حطت رجليها فيها لقات مبارك شاعل التلفازة وهاز عكازو وكيتريني ... حطت لي في يديها و تقابلت معاه حاطة يديها على خدها
ميلودة ..." مخيبة سيفتها و تطلع و تهبط فيه " ... وتاا شساير دير ا الراجل
مبارك ... مكتشوفيش كنتريني
ميلودة ... وفين هي الصحة تاع هاد كنتريني تا واش تيقتي راسك
مبارك ... حيدي اش تعرفي راه قالك الصحة في الجسم و انا متأكد عودي غيرجع غا بهك
ميلودة ... حاشة واش يكون عاود لا تا حمار راه مبريين منك ... تا شوف حالتك كلك تجلدتي ولويتي فين غيتگعد هاد الميمون
مبارك ..." لاح العكاز وتقابل معاها "... انا متأكد متقفيني تعالي طرطقي ليا عليه اللدون
ميلودة ... غا قوليا ونقولك شكون بغى يتقفك ما عندك فلوووس ما عندك زين ولا تبوديرة غاا بوجعران و كيدوي ..." خلاتو غير كيشوف ومعرف تا باش يجاوبها ... مشات ووقفات في قلب الصالون و طلقت حلووقها " ... يااااااسميييين و طياااااحت الصباح فينكم
فاتيحة ..." كانت يا لاه بدا يديها النعاس تا سمعت ميلودة تتغوت ... صحت واقفة و تتكدد و تحك في عبد القادر ..." اسمعتي مك اراجل وليت طياحت الصباح
عبد القادر ... ونتي دابا فهمتيها صافي احبيبتي اجي عندي وخليك من كلام مي
فاتيحة ... حيد عليااا بالاك لهيه نخرج نشووف مك اش موجدة لينا ثاني ..." خرجت من بيتها و تتهبط في بيجامتهااا ومبارك حاضيها غير وصلت عندو وهو يطلقها بضحكة
مبارك ... اتبارك الله على النمر المقنع خاويتيه ولا خاواك
فاتيحة ... بجوج اعميييي بجووووج ونعل الشيطان
مبارك ..." لاح العكاز وتم قاصدها " ... نعلووووه نتومااااا لي توحويحكم تقب ليا طبل وذني
ميلودة ... وراااه راجلها يا هاد الموصيبة الكحلة
رشيد ..." لي كان ناعس وفايق تيحك في عينيه خرج لقاها شابكة " ... قياس الخير يا هاد الناس مالكم على هاد الغوات
مبارك ..." ضرب يد مع ختها " ... زيديك ا ميلودة زيديك تي شووفي ليا الحنوووك كي تنفخو عااطيها غا التهرنيط و الماكلة
ميلودة ..." جلست فوق الصداري وعطاتها النديب " ... وهياااا بوووويا و هيا خويا و هيا دار خوالي وصحابي زوجت ولادي باش نتهنى عاد باهم غاير منهم ..." شافت فيه " ... واش تنعل الشيطان ودوز تركن واش غنولي هازة ليك الهم لهاد الهبال تاعك تا مبغيتيهمش يقيسو عيالاتهم استغفر الله عليها كلمة
أصبحنا و اصبح الملك لله فاقت فاتيحة على غير عادتهاا و هاد المرة مصبحة مع بو صبوووح لبست جلابتهاا وعطات رجليها لريح في طريق دار مها كي وصلت بلا ما دق و لا تحرك باب حلت بساروت ودخلت ... لقات مها موجدة الشمع مع المجمر زاااند و تا من تصويرتو مخيطاها ليه من جيهت الفم
خديجة ... " سلمت على بنتها " ... كي درتي تا خرجتي ياكما شافت ديك الحاسة براسها
فاتيحة ... مشافني حد حتى عبد القادر خليتو ناعس و جيت نجري ... غير هو خاصنا نسربيو باش نرجع بحالي قبل ميحسو بيا
خديجة ... راني ضاربة الحساب داكشي علاش وجدت كل شئ قبل متجي ..." قربت ليها المجمر عافيتو شاعلة " ...لوحي خرقتوو حرقيها " و مدت ليها ليها التصويرة " ... وهاكي التصويرة لوحيها معاه ... عمرو يا ميمتو لگعد الراس
فاتيحة ... " ضحكت و حطت يديها على جنبها " ... ايوا هادي خدمة نقية أمي ..." شافت في ساعتها " ... الوقت هو هذا هاني مشيت تندير خرجة اخرى .." خرجات فاتيحة و رجعات لدار راجلها لقات ياسمين مكفضة على يديها و رجليها و تحك في الدار ... كي دخلت طلعت فيها وهبطت و تمت دايزة " ... صباح التيساع
ياسمين ..." ضارت شافت فيها بعينيها " ... تا التيساع راه رحمة ..." بدات كتشمشم " ... شهاد الريحة فيك كنتي كتشوطي الريوس
فاتيحة ..." تبسمت ليها تبسيمة صفرة " ... لااا كنت كنحرق واحد التصويرة ديال واحد بنت الحرام ما بغاتش دخل سوق راسها
ياسمين ... ايوا عنداك العافية تشد فيييك وتعودي نتي وتصويرة في خبر كان ..." مجوبتهاش فاتيحة خلاتها وراها ودخلت لبيتهااا لقات راجلها باقي جابد عليه ... أما ياسمين لاحت الكراطة من يديها و مشات تجري الكوزينة لعند ميلودة ... لي لقاتها كتوجد في الفطور"
ياسمين ... خالتي خالتي
ميلودة ... بسم الله عليك ابنيتي غطيحي مالك
ياسمين ... " وقفت حداها " ... شوووفي نتي راني حاسباك ميمتييي و لي ضرك ضرني و عبد القادر حاسباااه خووويا وولد ميمتي منبغيش ليع الادية
ميلودة ... الفار بدا يلعب في شوني ابنتي دوي خلاص
اري ليا ودنيك اميمتي
ميلودة ..." عرات وذنها ليها " ... ها هي وذني
ياسمين ... فاتيحة اليوم خرجت الصباح مع بو نبور عاد تمت داخلة دابا و فيها ريحت الشياط خااانز
ميلودة ..." صغرت ليها عينيها " ... كي دايرا هاد الريحة لي شميتي شبهيها ليا بشي حاجة
ياسمين ... وشغنقوليك اخالتي بحال ريحة الريوسة مشوطين ..." ما جات فين تجاوبها تا دخل عليهم مبارك "
مبارك ... باغين تفطرونا بلحم الراس تا هذا نظر " تمت عادي و دوا " ... ميلودة لتنسايش ليا مزاود الحار الله يسخط عليك
ميلودة ... سير احنيني سير " عقلها بقى مرفوع مع اش سمعت و عرفت فاتيحة اش دارت " ... ياسمين بنتي نووضي حطي الفطور رجلي عند العطار و نجي
ياسمين ..." داكشي لي دارت هزات الفطور و ستفاتو فووق الطبلة ومبارك جالس كيساين في لحم الراس يتحط "
مبارك ... اتي فين لحم الراس فمي عواج
ناشر رجليه و جابد تنفيحتوو يسطر و يعطي الراس يغني ... الطبلة قدامو تتعمر وهو كيتسنى فلي مشهيه و ريوگو نازلين عليه ... كي حطت ياسمين الفطور وجلست حداه تقلب اتاي وهو يقفزها
مبارك ... اتي فين لحم الراس فمي عواج
ياسمين ... بسم الله عليك اعمي شكون جبد لحم الراس
مبارك ... دابا دايريني ضحكة و لا بغيتو تهاوشني ااه صافي وليتو تحاماو عليااا
ياسمين ... استغفر الله اعمي أنت هو كل شي في هاد الدار وغير نوورك حامدين الله وشاكرينو بيه تهدن
مبارك ..." طلع ليها فوق الصداري و حماها الغوت " ... ياااا ليييهود متقولوش لحم الراس وهو مكاينش فين هي ديك الكافرة بالله
ميلودة ..." لي كانت سمعت غواتو من التحت و كي حلت الباب نصلت جلابتها ووقفت عليه " ... اااا طرزااان هبط دابا طيح من الشرجم ولقاو راسك مغروس في الارض
مبارك ... جيتي فين كنتي جبتي معاك اللحم الراس
ميلودة ... ا لاااا جبت الفاسوخ باش نمحي ريحة اللحم الراس
مبارك ... قولي غدا تبخريه عاد تحطيه ماشي مشكيل غير كتري فيه الكامون
ميلودة ... حيد عليااا من هبالك تا انت " ... ياسمين جيبي المجمر زنديه وتعالي قدامي
ياسمين ... هي الاولى يا عمارة هاد الدار
ميلودة ..." جلست فوق السداري ودارت عسكتهااا و عطاتها الغوات " ... عبددد القاااااااااااادر
مبارك ..." كان جالس و عاطي وجهو الحيط غا غوتت وهو يقفز تا طارت ليه التنفيحة من حجرو " ... ارسووول الله ..." أما عبد القادر لي كان يا الله كيتكسل و عينو في فاتيحة غير سمع صوتو موو طار و نزل " ... اميمتي ميلودة غوتت
فاتيحة ..." كانت تتبدل في حوايجها " ... و الى غوتت اش فيهااا زعما شي حاجة جديدة راه ديما تتغوت
عبد القادر ... بلاتي احوباي هاد الغوتة كتعلن على حرب ... غنشوفهاااا " كي خرج بلا مبارك حداها مدلي عليه رزتوو أما هي حطت المجمر في وسط الدار و كيف جات عينيها في ولدها طلقتهااا بتبخيرة تا خلات مبارك حداها جااايف "
مبارك ... جفت العدوة جفت
رشيد ... الوليد غير فوتها راه ماشي في وعيها اجي حدايا
مبارك ... فين مرتك هي لي تجي حداك خليني عليييك نشووف اش غدير مك اليوم تهجج قوقو و مرتو فوفو
طلق من ولدو ومشا ربع حداهااا وهي تجدب و تطلق التباخيرة وعبد القادر جايب فاتيحة قدامو وهو موراها ... فاتيحة غير. شافت اش كدير طلعو ليها أحواش كيشطحوو و قريبة تلوح حوايجهااا بالفقصة
فاتيحة ... " شمات الريحةة وعرفت نوع التبخيرة و علم بالها بلي لي دارت مشا مع الواد ... حطت يديها على جنبها و تتحلف وتدوي غير من تحت نيفها " ... واخا ا ميلودة التبخيرة الخانزة و غا لبقات فيك ها وجهي ..." ضارت في راجلها " ... حيد عليا تا انت
ميلودة ..." غير عينيها عليهم تا تمت نايضة وجرات عبد القادر من شعرو تااا جابتو فوق المجمر و غير طلعت معاه بدات حجرة الفك تتطرطق وهادي لي زادت كملت على فاتيحة تا هزت رجليها وخبطتها مع الارض "
مبارك ..." غا سمع داكشي كيطرطق كيصحاب ليك الفاخر طلع معاه " ... وااا رشيد جري خوووك ماعنو طرطقو
أما عبد القادر قريب يديرها في حوايجو غير بالخلعة مو عينيها تقلبوو و بقات تغوت تااا طاحت تركل و تجيف
مبارك ..." مشا شدها من حناكها بقى عليها غير بالقرص و هي تتلكع فيه من التحت " ... دليتي وجهك ثاااني شكووون معايا و شكون لي حضر شكون نتا فيهم
ميلودة ... " زادت كملت في لادوز و ولات تنطق باغا توصل لولدها بلي فاتيحة تتسحر ليه ، دوات بصوت غليض قريب لراجل " ... انا مييييرااا و هاديك الانس تعدات لينا على هاد الخشبة
مبارك ... وهي بصح خشية اختي ميرا غير هو شنو باغا منااا دابا وكان
ميلودة ..." هزت مرفقهاتا زواتو " مرأة ولدها صغير تسحر و تبخ و تعيط لشافي مولانااا ... و ريحتها عطات عندنا
مبارك ..." شاف في عبد القادر " .... وا المراوي سمع راه خوخو تتسحر ليك ..." رجع شاف في ميلودة " ... ملي نتي اختي ميرا كاينة كاينة واش انا عودي غيرجع و لا ندفنو وندير عليه وريدة ونسقيه
ميلودة ... قطعوو أنت مبقاش خدام
مبارك ... " لاح ليها راسها تا جا في الضس وناض لولدو " ... و بقى متبع فاتيشحة تتولي هازو هاو ضور في السادات
رشيد ..." شد في خوه وقربو لعند موو " ... شد ليها في يديها و عطيها وذنك وترزن ولا نشتت لخويا مخو
عبد القادر ..." شد في يد موو و هي تزير عليه " ... هاني امي
ميلودة ..." حلت عينيها فيه و طرطقتهم ليه في عينيه " ... شغلك كيتلعب بييه عطيني الراس و الأمان نفكك
عبد القادر ... وراه فاتشيحة ديالي امبوووستاحيل تأدي حبهاا " ضار شافيها " ... وا حشيشت قلبي قولي ليهم هادشي كذوووب
فاتيحة ... ايوا غير لبغيتي تيق راه قدامك
عبد القادر ... "طلق من يد مو و مشا عندها كيبوس ليها في راسها " ... انتي راك العروق ديال قلبي لي كيضربو
مبارك ..." مشا لعند ميلودة و تحنى عليها حط يدو على راسها ودار فيها راقي "....فكي ليه لخدمة وفكي ليا معاك الله ينجيك من لما طايب
ميلودة...."كذبات الكذبة وتيقتها، "....انا انا غنفكو ، بلاتي نجيب موطوري ، راه دفناتو في روضة المنسية "هزات يديها دارت راسها صايگة وفمها معاونها كيكسيري ".....عننننننن عننن تييت تييت ،انا وصلت ، انا كنحفر " شدات ايدها بدات تحفر في الارض وهي تهز ايدها لسما بمعنى لقاتو ".....هاهوو فكيتوو ، ولي جاو هنا مرا وبنتها اثرهم كاينة ، زرقات كي دنجلات وعاليات وعامرات كي لعوداات ، بغاو يخليو ولدكم تاالف
عبد القادر ..." الخدمة عطات مفعوولها ومزال العاطي يعطي "...انوضي الواليدة تا منكونش نعرفك ، لواليد هنينا راه واخا تكون هاد فتيحة خراا الله يطليني بيه
مبارك جر ميلودة من حوايجها
نوضي غا نوضي ربيتي الخلا و جلا ..." بانت ليه كاسرونة عامرة عسل و زبدة فوق البطلة وهو يسف عليه الراس خلاه كولو. كيتلسق " ... ولحسيه احشيشت قلبووو ... هاد المرة وكليه سليبك .." شاف في ياسمين " ... شوفي بنت مولات الخير متحني ما دني زينة زينة و مها خلاص ..." شد عبد القادر مرتو و دخل هو وياها البيت و هي تنوض ميلودة نيشان لمبارك ... أما هو غا شافها و تم هربان ما جا فين يوصل البيت تا جراتو من سروالو " ... ادوي أولد الحرام جبتي ليا راسي مقلقل مع الارض باغي تصفيها ليا
مبارك ... اناااا طيحتك انااا فين كنت شادك انا گاع هاديك راه سميتها ديك المرأة ميراااا اييه
ميلودة ... " طلقت منووو وتتحلف " ... ميرا بغيتها ضربك نشاعلاه ... " وشافت في بيت ولدها " ... ايوا صبري عليييا امو گروون لمااا جات توبتك على يدي مسميتيش ميلودة
مبارك ..." طل ليها على وجها " ... لا راه سميتك ميلود وموسطاجك يشهد
داز نهار بلا اله الا الله ، كلها سد عليه بيتوو , ياسمين عمر عينها نظرات لي وقع قدامها دخلتت هي ورشيد وبدات تماوت عليه ودير فيها مصدومة وناري تخلعت وخفت وبقا حدايا ، اما فتيحة گنس قصيف مولفة بالمضاربات جرات عبد القادر جيهتها وسدو عليهم بابهم واخا كلو كيتلصق بالعسل ، اما مبارك متلاش دار حداها خايف على شوية لكرامة لي بقات ليه لتجفف من جديد ،ميلودة راس زند عليها حزماتو وتحزمات غادا جايا فدار ولدها ضاع من بين يدها وكتشووفيه ، شافت تا عيات وگفضاات هازة تصويرة ولدها دالعرس ودخلات الكوزينة تحط التصويرة وتحط المهراز فوق منها ودوب اللدون وطرطق فينما تهزو تقراه تندب على مصايب ولدها ولي موال غتصيبو
~~
نهار جديد فاقت فاتيحة هي الاولى و نهارها هو لي فيه النوبة الشقى و معاه النقى و مي ميلودة تبغي الحاجة تتقن ... كيف حلت عينيها جمعت حوايجها و هزت السطولة و مشات الحمام مخلية موراها روينة تاع الدار حالفة متجمعها و لتحط يديها في الما ... فاقت ميلودة متلفتتش وراهاا غير لبست جلابتهاا وخرجت دايرا مع شي مرأة طرطق ليها اللدون ... أما مبارك غير فاق عينيه لاسقين و منفوخين تقول واكل العصى
مبارك ..." كيتحسس عينيه " ... الليل كولو وهي تحزق عليها عينييا صبحتهم ليا كي ترمت لالة محجوبة ..." ناااض هز فوطتو ودخل الطواليط يقضي حاجتو وتوضى وخرج الصالون جبد تنفيحتوو يحل الراس عاد يصلي ... عندو الدين بالمقلوب ... كي سالا اش كيدير و كمل صلاتو حماها الغوت على الفطور ... تا تمت خارجة ياسمين من بيتها تتفوه "
ياسمين ... عمي صباح الخير مالك ياك لباس علاش كتغوت
مبارك ... لااا ماشي انا لي كنغوت راه كرشي لي ماطيحاش فيها النعمة فيها الجوع البارح النهار كولو و حنا في مسلسل الخليع تاع فركوس
ياسمين ... علاش فاتيحة موجدت والو اليوم راه نووبتها ..." ما جات فين تكمل كلامها تا جاوبها عبد القادر "
عبد القادر ... فاتيحة مكيناش مشات الحمام الصباح
ياسمين ... اييه ما فيها باااس تغسل عضامها اخويا
مبارك ... هادي راه تتغسل الدنوب ماشي وسخهااا من صبحية ربي سير بطر براسك الكامبو
حدرات راسها ياسمين ودخلات لكوزينة توجد لفطور وكتوجد الخطاب لي غتلقي قدام ميلودة ....مع حطات صينيا تمات داخلة ناصلة جلابتها من لباب وتشمشم كي دوبيرمان
ميلودة.....اتبارك الله دار مقلوبة لمخاد ملقين ليا في باب الدار ، "وقفت قدامهم دايرة يدها على جنابها "...زوج عيالات فدار ومال دنيا مزال هاكدا
ناضت يلسمين قافزة خدات من عندها جلابة علقاتها وبحلاوة لسان كلات ليها العقل
ياسمين ....جلسي بعدا اخالتي "مدت ليها كاس اتاي "...وخودي ليك هاد كويس ردي بيه لمجاج ، الدار دابا تجمع مكاينش لي يخصر خاطرك ... شافت في عبد القادر مخنزرة ، مرتك فينها ياكما نوجد ليك صينيا تدخل ليها لفطور لداخل
مبارك...."هضر تحت نيووفو داير فيها مسيكين "....مشات لحماام تغسل ذنووبهاا
ميلودة.....هاهاااااااه "طلقتها بضحكة استهزاء "....تبارك الله وصلاة على النبي على مرت الولد ولات دير لي قاليها راسها ايوا خليها تا تجيني ونكسلها من جديد
عبد القادر ... " جلس وكب ليه و بدا في الماكلة " ... واش فيها أمي لمشات الحمام غتفنى الدنيا
مبارك ... لا غنفناو غا حنااا ..." وغمز ليه جيهت مو " ... اليوم خراكم ميجمعوه شراوط
وصل وقت الغدا و لالة و كحلت الكراوع مزال مدخلات ... يا الله غتلبس ميلودة جبلابتها و تخلط عليها تا تمت داخلة بتقرقيب السطولة و غير دخلت مع الباب لقات قدامها عسكر في القشلة
فاتيحة ... بسم الله عليك
ميلودة ... قولي بسم الله الرحمان الرحيم اختي هذا كولو حمااام
فاتيحة ..." ميقت فيها ودازت " ... باغا نبيااااااض
مبارك .... وكون كان الحمام يبيض كون بيض قبابو لي زرق كيبقى هكاك زرق
ميلودة ..." مكتجي فين تجاوب حتى كيسبقها " مبارك تجمعها لااا
مبارك ... وراه جامعها في سروال قندريسة
فتيحة....."كتدوي ببرود باغا تفقصها "...يا غا راجلي ضربيه عليا
مبارك....."كيتعاطا معاها "....وحتا علامن نتحسبو ، هاك هاك على بلارج ، هاك هاك على عوجات ركاابي
فتيحة.... ..."هزات ايدها قدامو "...عمي خليني محتاارمك ...
مبارك.....صبعان عندك ولا رجلين دجاج
تمت ياسمين مقدمة عندها مخلية ميلودة و مبارك وراها وحاضيينها اش غتقول
ياسمين ... هاد المرة و شديت عليك النوبة مرة اخرى مغنعقلش عليييك
فاتيحة ... كيقوليك لي وجه تمارة باينة فيييه و هادشي بلا منوريها ليك
ياسمين ... تمارة وحامدين بيها الله أما تمارة الذنوووب ربي ساخط على مولاه و ما عندو تا فين يرتاح
فاتيحة ... ا شوفي يا ديك الدالية المهزوزة بالخشب يا الطويلة المعلگة بالخشب ... حدك شديه عندك بلا منسد ليك فمك بطريقتي
مبارك ..." جا ورا ياسمين و يدوي " ... تي طيري عليها ريشيها راها عودة و تغفلك طيري عليهااا..... ميلودة ..."جات وسطهم محامية من ياسمين...
"....اسمعي الشَّرْعَة ، شفتي هنا كاينة غاا انا
مبارك ...." كينعز فيها و يدوي " ... غير خشيني في الهضرة الهيبة غتمشي
ميلودة ..."دفعاتو عليييها " تا حيد فين هي هاد الهيبة هي كانت بعدا " ورجعت كلامها لفاتيحة" ...الا تهربتي من لغدا كيتسناك لعشاا ثوبتك على يدي ابنت خدوج والا هي معرفاتش تربيك كيف لالياتك "كتشير لياسمين انا نعاودهم ليك
هز مبارك يديه يدعي ويصيفط
مبارك....سيري يا لالة محجوبة الله يخليك ديما لفوق الله يخلي ليه مسعووددة انا بغيت ناس يكحالو ونتي عاد ما تبياضي
..لي تهربات منو في صباح خلفاتو ليها في لعشية حتى من عبد القادر لي تحاما بيه مكاينش ، حطات ليها ميلودة دجاج وخلاتها تطيب وهي مقابلاها لتحط ليها بيه شي حاحة ثقة مبقاتش دايراها فيها ، شي ساعتين وهي تعوج في يديها مكملات حتى غفر ليها الله ءنووب ، ذراعها خاوي وملقات متجبد بسيف كانت ظل تخيط دروبة هي ولد ميلودة
ميلودة....."كتشوف في دجاح لي كلو تفرتت ومبقاش صحيح "....تي ماال هاد دجاجة لوات وترخات
فتيحة....."حتى هي نقايمية كثر منها "....قتلها الصهد اخالتي وسخفات
مبارك ...." جبد كاس ولتح فيه سكرة وعطاها بالخف "....هاكي ها الما وسكر عطييه ليييه
صبح الصباح عادي داز على كل وحدة فيهم ياسمين من طيااااب و فاتيحة من شقى و جميع و ميلودة حازمة راسها وتابعها لتركن ليها شي حجابات ... أما عبد القادر صبح معيط ليه خووه لقى ليه خدمة صبح طاير لعندوو ... ميلودة بقوة م تشغلات في الدار نسات موصيبة حياتها و فين عطى بيه الراس هزات تليفونهااا و عيطات لييه
مبارك .." لي كان جالس حدا مو الهندية و يسيفط حتى حس بهرة " ... اححح يا خويا و على هرة طلعات معايا
- ياكما تليفونك اسي مبارك
مبارك ...." لاح الموس من يديه " ... اييه هوو " وقف هز جلابتو و خشا يديه في سليبو لي كان داير ليه جيب و كيخشي فيه فلوس و تليفون " ... الوووو الموصيبة اش بغيتي
ميلودة ... " السبيراتور خدامة و تتغوت " ... وتاااا فينك أولد الحرام
مبارك ... واااش قتلوووك ودابا كيريشوووك و الله يرحم ا ميلودة كنتي راجل ونص
ميلودة ..." ما جات فين تدوي تا سمعت غا الريح قطع عليها و خلاها غتنتف راسها " ... غا لبقات فييك يا نص شبر تعالا حني لياا ..." ضارت البنات " ... يااااسمين وااا فاتيحة انا خارجة تنرجع لقاكم جمعتو عليا هاد الروينة "... خرجت ميلودة هازة جلابتهااا وتحلف على مبارك لابقات فييه ... اما العريسات كملو اش كيديرو و عمرو براد .. وجلسو في البيت "
ياسمين ..." حطات الصينية قدامهاا تتراجع فيها " ... فاتيحة اجي تشربي اتاي
فاتيحة ..." طلعت فيها و هبطت " ... كبي كبي يرجع ليا مخي
ياسمين ..." عرفت راسها مغتشد ليها فااتيحة تدير معاها هدنة " ... فاتيحة سمعي نقوليك اختي أنا هنا بحالي بحالك و كنضن خاصنا نكونو خواتات مدام غنعيشو هنا حياتنا كلها
فاتيحة ... واش بغيتي نقوليك ا ياسمين راك شفتي كل شي بعينيك العدوزة محرراها فيا
ياسمين ... خوي عليا قلبك راني بحال ختك و لا لا بجوج بينا عرايسات هناا
فاتيحة ..." حسن براسها قلبها عمر و مبقاتش قادة تزيد كثر " ... اش غنقوليك اختي انا اه بنت خايبة و منسواش كنسحر ولي قاصني كنعوجو ... وراجلي عبد القادر مو لي مبغاتنيش فنضرك اش بغيتيني ندير ليه و لا ليهاا
ياسمين ..." عطات ودنيها ليهاا و حلات معاها دماغها " ... ومالك اختي عليها ضاربك شي حد ليديك لي مبغاكش متبغيهش ولي بغاك بغيه ... و نقوليك داكشي راه مكيدومش مكيدوم غا المعقول وخوديها نصيحة من عند ختك ياسمين ..." هزات فاتيحة راسها فيها و بقات كتشووفيها " ... كوني اكيدة هاد الناس محاملينيش
ياسمين ... ايوا خليهم يحملوك بزز منهم ..." يا الله غتكمل كلامها تا تمت داخلة ميلودة و شانقة مبارك وهو تيتگرع بالضحك"
مبارك ..." كيخبط في يديها و يضحك " ... على رقبتي تا سمعت مكينة تاعت ترياش دجاج قلت راك في جهنم تتشواي
ميلودة ... جهنم هي لي غتكون فيها يا ولد الحرام اش واكل
مبارك ... واكل حب و تبن ميلودة تي شفت سيفتك عراضت متكونيش غا مبدلة من راجل لمرأة
ميلودة ... لا الراجل واكل شي حاجة ..." داتو و جابتو حتى تمخض وهو غا كيضحك "
مبارك ... و عااارفاااني مزوج وتسيفط ليااا بلعانيييي و عارفاني مزوج و تگولياااا ابيل ماااااا ... وانا واخا مزوج گليبي ما هنانننيييي
ميلودة ..." عطاتو تصرفيقة تا خرج عينيه " ... تا اش واكل
مبارك ... جوووووج هندياااات
ميلودة .... اش شربتيييي
مبارك ... الماااااااا و الصلاة عالنبي
ميلوووودة ... تا اش مطلع لداك المخ تا هرب ليييه الفرخ
مبارك ... تنفييييحتييي حبيبتيييي ..." ضار شاف في فاتيحة و ياسمين " ... و هياااا خيرك و هيااا زينك راني في الجنة اش هاد الخير ..." ضار شاف في ميلودة " ...غاا ابو لهب مكيكونش في الجنة
جراتو ميلودة من جلايلو هبكات ليه وجهو في لافابو تكب عليه لماا ، تغسل حتى تغسل ومن تهزو ليه يبدا يغني ليها وديك بينده كوكوكوكو
ميلودة......ديك بينده يالله نزل بق بق ليك شوية "عود هبطاتو لما كيبقبق ووالو واش السيد ستوعى شافت حتى عيات وطلقت منو بالتلفة جاا يخرج من لباب خرج في الحيط
مبارك ......"مقابل مع الحيط ويغوت "....وحلي عليا الباب اميلودة خلي لاش سدينيه
ميلودة ..." تگرفصت و حطت يديها على الحيط " ... هاي هاي هاي على كوكوكو و لكان الحال هك الطلع السطح ودير اجر فيق الناس الفجر.
مبارك ... هالعار و بزيزيلة لالة محجوبة شوفي فيا وجه الله راني كنصلي
ميلودة ... اويلي استغفر الله الراجل جهل ..." حلت عليه البال و شداتو من قرفادتو" ... قووووليااا اش جغدرتي
مبارك ... لوحي عليا الأمان ونقووووليك
ميلودة ... عليك ستة وستين اماااان
مبارك ... دابا كيشيتي براهيم السفاقجي داك لي كيغني العلوى و نبقى نجد عليا تنطييح ... عرفيييتيه ياك
ميلودة .... واااا تااااا طلگني خلااااص
مبارك ... كان دايز و هاز في يديه شي كلاط على مزيناتو تشوفو المحمة يطيح ليها التيلاد و عطاني طرف منووو ... تا ولاو گاع طروفة يبانو ليا كبار جيت حتى لوجهك و عراض
ميلودة ..." خبطت في فخاضها " ... اويليييي حي كليتي الحشيش
مبارك ... مالي بهيمة
ميلودة ... وراك بهيمة تاع بصح ..." جبدت تيو لسقاتو في الروبيني و خشاتو ليه في فمو ... خلاتو يشرب و يتبوع تااا طاح حداها ... هزاتو هي و البنات و داوه الصالون مرخي جابت اللبن و عطاتو يشرب حدو توگض و هو ينقز وفق الطبلة "
مبارك ... اسمح ليا ا سيدي ربي راه ميلودة لي بنت الحرام ديما جاراني معاها ... انا مزاوگ رجعني الجنة هادي راه كفس من جهنم
ميلودة ... حق لي الحق و ما تهبط من فوق الطبلة يا تندفعك الزنقة
مبارك ... " شااافي ياسمين و فاتيحة " ... دابا نتوما الملائكة لي تتقيدو السيئات " شاف في ياسمين " ... شهدي و قيدي ليا حسانتي ..." وضار لفتيحة " ... ونتي قيدي لعلال القايد سيئتو و يا ربي تقدرني على فعل الخير
تعاشات العشية وگاع لي كان فشي بلاصة هادا رجوعو لدارو و فاتيحة بحال گاع العيالات المزوجات شافت ساعتها عرفت هذا رجوع راجلهااا ... ناضت الكوزينة هي الاولى باش خدمتها تخدمهااا في راحتهااا ... حطت المقراج يطيب و جبدت ليقاما تاع اتاي ... هزات حبوبو و حطتهم في الگدم تاع صبااااطهااا ... و خلات تا الما طاب و حطات النعناع عاد زادت عليهم الحبوب و حطاتو يتشحر
فاتيحة ... ايوا اوليدي عبد القادر الزنقة مافيها ثيقة و معرفتك بيمن تلاقيتي ولا شكون شفتي ... " يا الله غتهز صينيتها حتى دخلت ياسمين "
ياسمين ..." شافتهااا اش كدير و خلاتها حتى سالات عاد دخلات " فاتيحة وجدتي كاس كروط اخويا عبد القادر راهم دخلوو و مشا لبيتكم ... ولكن اش كديري ثاني اصحبتي نعلي شيطانك
فاتيحة ... شيطان اختي هو الراجل راه ما فيهم ثييقة و قبل ميشويني نشووويه ونخليه لايح حوايجو ... جربيي و تعالي جاوبيني
ياسمين ... " دارت ليها نفسي بصبعها " ... لا لا اختي انا هادشي خاطيني ومالو راجلي منور عليا حياتي نووض نكويه وراه قلت ليك مكيدوم غا المعقول ... سيري اختي عطي راجلك ياكل تانا نوجد لرشيد مياكل جا عيان حبيبي مسكين. ..." حركت ليها راسها و تمت خارجة من الكوزينة مخلياهااا دير اش بغاااات و دخلات هي لبيتهااا لقاتو كيحيد في حوايجو "
عبد القادر ... حشيشت قلبي توحشتك اليوم
فاتيحة ..." مشات تعلقات فيه وتتلعب ليه في صدرو وهادشي غير باش تشمشم واش فيه شي ريحة تاعت العيالات " ... اجي تاكل شبع كرشك بعدااا
عبد القادر ... شفت الوليد و الوليدة مكينينش فين هووما
فاتيحة ... باك اليوم ترفع بالحشيش وراه داتو الفرمسيان تاخد دييه شي دوااا
كبات ليه لكويس مداتو ليه وكتسنى ايمتا يشربو ، فتيحة لغجات عبد القادر وعرفات كيف دارت ليه ولا مقادش يهز فيها راس واخا تضربو ،ولا يبغيها بسيف عليه وكلامها دارتو سريفة على عنقو فحين ياسمين عكسهااا عارفة كيفاش تلعبهااا قبل ميدخل رشيد لبيتو كانت هي سكسفات على الحالة وقاداتها داكشي خفيف ظريف مهم متبانش ليه ناشفة وبحال گاع ليام تغيير واجب ولي يشوفو برا يلقاه فدار ، غير حل لباب تلاحت عليه بتعنيقة معرف باش تبلى وكملتها ب توحشتك كانت كفيلة تنسيه فتمارة لي دوز نعار كامل راجل بطبعو مكيبغيش لمرا النگارة لي سارطة كاسيطة لا باغي لمرا تكون زوينة وحادگة وداخلة سوق راسها وعاهرة ورقاصة وطباخة وغير الواعرة اللحلاحة ولي تقول اناا لي تعرف ليهم كاملين ...
رجعات لبيتها هازا سطل فيه ما دافي وملحة غادا وتمايل عليه لقاتو حيد سباطو وبارك ينصل تقاشرو
حطات سطل حداها وهزات ليه رجليه خشاتهم ليه فيه وبدات تمسد ليه تا نوضات عليه الراگد
ياسمين....هانا ازين ديالي درت ليك ما سخوون يحيد ليك لغيا بنما وجدت ليك كاسكروط
رشيد.....لهلا يخطيك عليا اعمارة داري ، نهار على نهارر كنحمد الله ونشكرو حيت مزوج بيك
ياسمين...."باستو في لهوا "....ربي يخليك اراجلي لعزيز ، يالله رتاح ليا انا راجعة
وجدات لي مياكل وذاتو ليه كلات معاه ووكلاتو وحتى من عقلو ذاتو وولات كتبان ليه غير هي لي كاينة فحياتو
من كاسكروط ندوزو للعشا غير هاد المرة كلشي كان مجموع على الطبلة ووسطهم مبارك لي عاقد راسو وينين حدها حركاتو ميلودة باش تعطيه لحيمة وهو ينوض قافز فوق سداري وكيغوتتت
مبارك......وا زنزال زنزااااااال
مبارك ملي ضرب الحشيش وهو عقلو مضروب غير لي حرك رجليه يصحابو زلزال و لي تم قاصدو يقوليك بغى يقتلو ما تفاكات معاه ميلودة تا تنعس عاد بردو ليها الودنين ... تا من عشاهاا دارت منو بناقص غا بسبابو
أصبحنا و اصبح الملك لله فاقت ميلودة قبل من كل شي و جلست حدا راس مبارك تتقلب ليه في السخانة .
مبارك ..." ناعس و شايع نعاس واخا تجيبي ليه البومبية لافاق لييك ... حس بشي حاجة فووق منوو و هو يعطي لفمو ينطق " ... هكاك ا لالة محجوبة حكي ليا تم تم و اجي بوووسي عمك
ميلودة ..." هزت يديها تا هزتها و عطاها ليه لحنك ناااض واقف "
مبارك ... وي موسيو لاجوودان واش بداو بالحرب هي نوضو ليهم
ميلودة ..." معيبة سيفتها فيه " ... بغيتها تنوض عليك يا هاد الماسخ تگعد غسل وجهك و دوز تفطر
مبارك ... " حل عينيه فيها وهو يرجع لفراشو " ... لا لا راه كنت كنحلم واحد الحلمة واااهلييييي
ميلودة ... اش شفتي
مبارك ... كنت كنطوف في الكعبة و بقيت نصلي نصلي و صوووتي مرفووووع داكشي بحال يوم الانبعاث
ميلودة ... مسختي و مبقى ميتزادك نحمد الله انو داك الفم عندك كيدوي حتى وأنت ناااعس ... تنوووض و لنجيب لكيس و الصابون البلدي نحك ليييك تعت بصح ..." خرجت و خلاتو شوية و يندب "
مبارك ..." هز يديه السما " ... سيري اميلودة انا بغيت غا عصابة تخطفك وكي يشوفوك يفرقو ليك الراس على المفصل
ميلودة ... مبببباااااااااااارك
مبارك ...." لبس صندالتو و قصد الطواليط " ... وااااا كنبووووووول بغيتي تسمعي تعالي حطي وذنك على الباب ..." كملت على اش كدير تا دخلت عندها ياسمين "
ياسمين ..." سلمات عليها و باست ليها راسها و يديها " ... صباحو الحب كي صبحتي و عمي مبارك كي صبح
ميلودة ... راه كي العود غا يدردك هادي يديرها و الاخرى تسناه ..." يا الله غتجاوبها حتى دخل عندها "
مبارك ... هاني خارج ا ميلودة متسناينيش الغدا عندي شي مشاغيل زعما اليوم معندي كي نحك راسك
ميلودة ..." هزت موس و جات قدامو " ... ايييه وفين كاينين هاد المشاغيل
مبارك ... في الصالون اخويا ميلودة غا في الصالون هبط المضى دابا تجرح راسك ..." يا الله غيمشي حتى وقفت عليهم فاتيحة لابسة جلابتها " .
فاتيحة ... صباح الخير عليكم انا غادة عند مي و غنتغدا معاها عاد نجي
مبارك ... ربي غادة غادة " حيد ترازتو من راسو " .. عطي لمك هاد الترازة وقولي ليها قالك عمي مبارك شوفي لييه شي بمادة نعود ندهن ليها عودي باش يتنسح و يتبورض محتاااجو وواقف عليه .." ضار شاف في ميلودة لقاها عقدت غباشتها و هزت يديها لفوق راسها " ... هاني غادي نجلس
ميلودة ..." مدتهاش فيه و ضارت لفتيحة " ... ونتي ابنيتي غتبقاي غا خيطي بيطي لعند مك هذا راه ماشي قانون
فاتيحة ..." يا لاه بغات تجاوبها وغمزتها ياسمين " ... لا اخالتي با مريض و شنو منمشيش نشوفو
مبارك ..." جاوبها من الصالون " ... و سيري سيري و لتنسايش اش قلت ليييك و الله يقدرك على فعل الخير راه لفكيتوني راه غتمشيو بعينيكم مغمضين الجنة و خلي شي ناس راه غا جهنم و موحال تقبل بيهم
خرجات فاتيحة و طريقها عند مهاا و كلام ياسمين كيضور ليهت في راااسها ... أما ميلودة كي خرجت فاتيحة دخلت لبيت النعاس ديالهم و جلست تقلب و گاع القنات لي شكات فيهم قلبتهم جبدت غير العجب المتعجب ... من حجابات و قراعي تاع الرشان ... خرجت لعند ياسمين و تتغوت
ميلودة ... واا ياسمين لبسي جلالتك زيدي يا الله معايا
ياسمين ... " خبطت فخاضهااا و غوتت " ... اويلي اخالتي اش هادشي اعوذو بالله من الشيطان الرجيم ... " هزت جلابتهااا و تبعتهااا " ... يا ربي دير شي تاويل في هادشي ديال التخربيق
ميلودة ..." مشات لمبارك " ... شووف أداك نص عقل عليا بليمين و تخرج يااا تندحك و نگرضك وكل طرف يلقاوه في بلاصة
مبارك ... " خرج عينيه فيها " ... هاناري و ديني معاك لاش تخليني وراك انا مزاوگ
ميلودة ... راني غادة لسيدي اليابووري و نجي ساعتين ونكونوو هناا الى جاو من ورايا متقوليهم تا كلمة ا مبارك هاني دويييت
مبارك ... كونييي هاااانية جيبي ليااا معاك غير ميهة تاع الباروك ..." خرجت ميلودة و ياسمين وهازة معاها داكشي لي لقات ... مشدتها غير الطاكسيات متسنات ترام و لا طوبيسات ... نص ساعة تاعت الطريق تا لقاو راسهم قدام السيد و حداه البحر وغير المنظر تدعو يخليك فاهي فيه فمك و في البلاصة لي جا فيهاا
ميلودة ... " بقات طالعة هي و ياسمين و غير كيشوفوو في الدنيا أما ياسمين حمقها المنظر و عجبها " ... بنتي ياسمين لوحي شالك عليك
ياسمين ..." لاحت شالها عليهاا " ... و بلاصة زينة هادي اخالتي
ميلودة ... حنا مسلمين و طالبين التسليم أسيد اليابوري ..." و غير دخلت مشات عند واحد المرأة تتعرفها مزيان من الناس الحرار و عارفين الورقة غير من شكلها ... وغير شذت داكشي لي عطاتها ميلودة فرتتاتو بيديها و بدات تبخ عليييه ... هزت شي ماء لونو من لون القطران و ريحتو من ريحة اللميعة ... غسلات داكشي و مداتو لميلودة "
... شتي هادشي غتمشي لديك الحفرة تلوحيه فيييهااا ... و سيري لداك البير غرفي منو وهزي منو وخوي في الحفرة ... يا لاه ا ميلودة راني مغنوريكش اش ديري ... وفكي ولدك راه دقة صحيحة
ميلودة ..."تلاحت ليها على راسها " ... رضاك الالة الباتول رضاك ... وراه غنشعل شي شميعات
.... الله يرضي عليك راك مرأة مزيانة وهادشي ماشي صعيب يخفى علياا ... أما لي دايرة لي الضربة لبغيتي نهنئك منها هنا تلقايني
ميلودة ... مخلياها لمولاها غير هي تعمر و انا نخوي ..." ناضت ميلودة دارت داكشي لي قالت ليها ... و زادت سگات من البئر و عطات لياسمين دخل و سط العيالات و تكب عليها داك الما ... شعلت شمعها وطالبة الرجا من الله ... هزات الما دارتو في بادزهااا و خدات من لالة الباتول داك الما ... ورجعت بطريقهااا لدارهااا حالفة اليوم ولدها تينعس و بعقلو في راسو
ياسمين ..." طول طريقها معاها و گاع لي شافت بعينيها حط تسؤولات كثيرة في راسها " ... خالتي بغيت غا نعرف منين تتعرفي هادشي كولو
ميلودة ... وراه ابنيتي لتشوفيش مك ميلودة و تحگريها راني سناني ريبتهم في هادشي و الله يجيب الشفاء غا هو مكأديو حد
وصلات ميلودة هي و ياسمين الدار و اول حاجة دارتها ميلودة ... عمرت سطل التيساق بداك الما و جففات الدار بييه و طالبة من الله العفو من عندو ... أما مبارك لي كان قلت البطاطة نصها حرقها ونصها في الارض ... في الاخير جبد عليها بنعاس و خلا الدنيا هكاك مرونة .... كملات و جمعت روينتهاا و مشات ليه
ميلودة ... وا مبارك يا ويلي تا مال ديك الكوزينة درتي ليها ديك الحالة كنتي في حرب
مبارك ... " غا سمعها ناض وقف " ... جبتي ليا الما ندخل نتوضى بييه دابااا على الله يجي العفو من عندو على هاد الما
ميلودة ... الناس في الناس و الحمق في تدلاك زنطيطو ... دوز جمع ديك الكوزينة عاد نعطيك لي بغيتي
مبارك ... ودابا انا مرأة و لا شنووو
ميلودة ... تعت ربي اش الفرق والوو غاا عندك المسؤول ولكن لااوي دابا دوووز تجمع الدنيا ..." في وسط كلامهمم قاطعتهم "
ياسمين ... خالتي خليه مرتاح انا غنجمع الدنيا و نوجد لكاس كروط الربعة هادي مبقى غداا
مبارك ... سيري الله يعز لي رباتك ابنيتي راه الحب عرفت تربي
ميلودة ... بغيت لييك الحبوب فيه نشاعلاه ..." خرجت و خلاتو كيغوت غا بوووحدووو ... وياسمين دخلت جمعت ديك الروينة و حطت لكاس كروط يوووجد ... عمرت اتاي قادة الصينية و مشات تحطها فوق الطبلة مجات فين تحطها تا تمو داخلين الدراري ...ميلودة غير شافت عبد القادر طارت عليه "
ميلودة ... زيد دخل الدوووش زيد
مبارك ... لاواه ا ميلودة الدري ماعنووو يصرفقووو عود
عبد القادر ..." لي ما عرف باش تبلى " ... الحنانة مالك العار راه جيت عيان ربي لما خليني عليك
ميلودة ..." هو كيهضر و هي كدفع فيه الطواليط غير دخلاتو و عطاتو داك الماء " ... شووف اوليدي و سمع ليااا ما دير صابون ما دير ما عادي غير هاد الما غتهز منوو ودير الوضوء الكبير و الصغير ... ومن بعد خويه من راسك حتى لرجليك و عيط ليا دير النية ولدي انا مزاوگة فيك " ... داكشي لي دار عبد القادر ... هز الماء و توضى بييه و غير كما لوا علي فووطتو و عيط ليها .. أما قلب الام حارقها على ولدها جالسة في الباب و هازة معاها داك الما ... كيف عيط ليهااا دخلت عندو و القريعة في يديه "
ميلودة ..." هزت داكشي غللات ليه الملغيغة ديال راسو و من ورا ودنية و في نيفو .. وعطاتو ليه يشربووو ... و غير حطووو في معدتو و بدا يتقيا داكشي صفر و كولو خيوووط واكل و موكل ... حس براسو شوية و يسخف وغير حبس منو داكشي شاف في مو " وليدي شوية
عبد القادر ... " طاح على رجلين مووو تيبكي " ... ميمتييي العار لما رضاي عليا و سامحيني
ميلودة ..." كيف سمعت كلام ولدها و هي طلقها بتزغريتة " ... وعلى سلاااااامتك اولدي
مبارك ... " كان خاطرو دنيه و كيسمع غير سماها متزغرت و هو يخرج عينيه " ... ورااااع مختن الصگعة مختن نااااري طيراتو ليييه و خلاتووو مخلوي
ميلودة من العيالات لي تزوجو زواج تقليدي ... مشافت راجلها ما شافها تالنهار تجمعت معاه في بيت واحد ... حياتها دازت عذاب من عدوزة لي كانت قاطعة يديها من رحمة الرحمان ... الما تجمدو و الطير لكان يطير فوق منهااا يطير حداهااا ... كانت لي تكون صحة سلام تعود عاگرة متولد ... ولي والدة يطيح ليهااا و لي عندها علام الفرح يتكفس ليها ... سحورها كان صعيب و كانو الناس يجيوها منين و منين ... أما ميلودة لي كانت خبز ربي في طبگو ما عرفة سحور و لا تفساخ لقات اللوايسات كي سوسات وغير كيلكعو فيهاا ... مرضت و طاحت و بكات ... نهار طاح ليها رشيد في كرشها مشات السبيطار و حطات راسها تبكي و تعيط على لي يبكي معاها ... وهنا كان ربي سيفط ليهاا دواها و لي غيفكها من العدوزة ... منها غتهز طرطيق اللدون و فعايل قرايتوو واش ديري ... أما العدوزة نهار مرضت و بغات ربي يعفو عليها سيفطها ولدها الحج ... لي غير حطت رجليها في الطيارة عمات و مبقات كتشوف والو ... ما طافت ما صلاة مع الناس ... وفي رجووعهاا و كيف طلوعها لطياري رجع ليها البصر ... وهنا عرفت ربي غاضب عليهاا و اخرتها جهنم و بئس المصير
•••••••••••••••••••••••
عبد القادر بعد ما تقييا و حس براسو و عضامها خفاف غير خرج من الدوش مشا لبيتو نيشان و جبد عليها بنعسة ..
ميلودة ... " خرجت تتبوس في الارض و تحمد الله " ... حمدتك يا ربي و شكرتك تا رجعتي ليا وليدي
مبارك ..." مد ليها رجليه " ... ملي نتي تتبوسي تتبوسي هاكي هااا رجلييي بوسيهم وخودي الرضى
ميلودة ... أنت لمشيت تا حطيت يدي فيك غندي السخط حيت من هنا غنخشيك في قبر
مبارك ... " تم غادي و عاطيها بالضهر و يگمگم عليييها عاطيها غا المعيور من السمطة لتحت و ياسمين تغطي في وذنيها "
رشيد ..." عنق حداه مرتو " ... وااا الوليد يهديك الله راه المدام واقفة حداك
مبارك ... غا أنت لي تزوجتي وولات عندك مدااام بفمك عوج تقول فيها
ياسمين ..." مشات باست ليه راسووو " ... أنت غير لي طلبتيها حنا نفدووها لعمي
مبارك ... عطيني غااا مك گاع رضايا تديه شتي غا مك تمشي قدامي و تجي ميموني يتگعد بلهلا يطريه ليه ..." شاف في ميلودة " ... راه تعلكت بالدنجال مشوي
رشيد ..." مشا جر مرتوو من حداه و جابها في جنبو " ... عمارة داري جلسي حدايا هنااا راه الوليدة غتجمعك معاه
مبارك ... تتحرشها يا ولد الدنجالة ..." ما جا يكمل كلامو تا حس بصندالة جاتو الملغيغة "
ميلودة ..." طاح سخف ليها تم " ... وااااا قتلتني قتلتني اليهووودية واااا رشيد جري عند البوليس جري عتق باك
ميلودة ... و دوز لعند لفقيه الجامع معاك قوليه يجيب معاه الغسالة و يوجدو راسهم الجنازة
رجعات لالة حنا تخروع في رجليها لقات كلها شاد قنت وحط يدو على حناكو تقول واقف عليهم ملك الموت وهي كتحيد جلابتها
فتيحة.....امالكم اش واقع هنا ، فيناهو واحد عبدوو واش مزال مجا
مبارك.....ايييه تجيك في الگنة انيف السبسي
ميلودة ..."شافت في ياسمين "..جيبي الله يرضي عليك ديك صينية من الكوزينةة
ياسمين....."وقفت بالخف "...هي اللولة اخالتي ..." زادت خلفة ياسمين الكوزينة مخلية وراها فاتيحة تطلع و تهبط في كل واحد جالس على ديك الطبلة .. دارت شافت في رشيد "
فاتيحة ... أنت تتبان بعقلك على هاد جوج قوليا فين راجلي
ميلودة ... وگعدي خلاص ونتي كي عاصي ربي حضر مع العصر
تحطات الصينية مكاين غا قلب شقلب فتيحة عرفات موضوع فيه إن فينما تبغي تهضر تغمزها ياسمين بغات تدخل لبيتها وقفتها ميلودة
ميلودة...جلالبتك عطا الله فين تحطيها خلياك البيت مسدود وتركني خلي الكاس يدوز على خير
فتيحة....."عيات تصبر "...ياك لاباس اخالتي مالك اش كااين
مبارك...."داير كي طيابة الحمام "...يكونك في كانون
نعلات شيطان وصقلات مخلية لعشية تكمل وغير بدات ميلودة كتناول في البراد تم جاي عبد القادر خارج من بيتو و كيتفوه ... بانت ليه فاتيحة جالسة معاودش دور عينيه ليها
عبد القادر..."بلا ميتكلم معاها ولا حتى يشوف فيها خاطب الام ديالو ..." الوليدة شي دكيكة ديال أتاي يرجع ليا مجاجي
ميلودة ..."ضربتها بضحكة من الودن حتى لختها..."هي الأولى انويويرتي
فاتيحة ..."ما عجبها حال الراجل و ماعرفت اش بيه..." اولد موو واقيلة مبنتش ليك جالسة هنا
عبد القادر..."مجوبهاااش " ... مراة خويا حداك داك المسمسن خوك ميت بالجوع ..."مدت ليه ياسمين المسمن وتتشوف في فاتيحة لي غير تتخنزر و عينيها مكيبشرو بالخير. "
فاتيحة ..." غوتت حتى قفزو لي جالسين "...راااانيييي دوييييت واقيلة
عبد القادر ... سكتي شوية صوتك تيضرني في راسي زمييييه
مبارك ..."غا سمع ولدو وهو ينوض لمياودة ضرب ليها التحية ..." الله يبارك في عمر سييييديييي ها لبوجور ديالك
صار يشطح ويهز لبوط بلا موسيقى كي شيخة الصمكة ، شتو غا انا لي مزوج ناس محزمين برجال وانا محزم بمرتي
ميلودة ..." جراتو من بوطووو تا جا قدامها " ... تا جلس اليوووم طيح روووح الزغبييي
مبارك ... ايواااا نوضي نطرگو لالة عيشة نباتو عندهااا راه بنت الحرام مهااا گمزت فيااا كيشتي راه ولات تبغيني و انا گاع مكنديها فيهااا و نولي انا لي ميت ماشي ولدك
ميلودة ... الله يجعلك تسبقو أولد الهاترة و المسطية
فاتيحة ركزات و مزيان في ميلودة لي كانت باين على وجها النصر و الربح و بلي ولدها فاق و عاااق ...
فاتيحة ..." جمعتها بوقفة وتمت غادة لبيتها " ... عبد القادر تبعني
عبد القادر ..." ركز عينيه ف اللا شيئ و خبط الكاس مع الطبلة و تم غادي عندها البيت و ناوي على خزيت ... غير الدخل البيت زدح الباب تا وقف مبارك "
مبارك ... كنتي تركب فيييه يااا ولد الخانزة بغيت ليك مووو عريگ في اليد
ميلودة ... ا بغيتها تجيك ...حيد نوووض نحط وذني على الباب ..." خلاهااا حتى وصلت الباب وحطت وذنيها وهو يغوت "
مبارك ... وااااا قوقو مك تتصنت عليكم في الباب
رشيد ... الوليد تا يهديك الخالق وا ما حليتنا لدوك الجوج ولا ليكم غير قوليا
مبارك ... سوووقك ندرك نوووض نضلقم بووووك قدام بنت لالة محجوبة
ميلودة ..." تمت راجعة ليه " ... انا غنعيط دابااااا لولد حادة نقوليه مبارك كان غيعلم بيك تتبيع الحشيش ..."غا سمع اش قالت ليه و عرفها قادة ديرها و هو يجمعهااا ... أما فاتيحة لي كانت تتآكل في لحمها و غتموت غير بالفقصة ... دارت لقاتو وراها كيطلع و يهبط فيها "
فاتيحة ... ياك لباس اخويا شتك هزيتي بادرك عليااا وبديتي تنفخ شبر شبرك أولد مووو
عبد القادر ..." ما حس براسووو حتى شدهااا من عنقها " ... بربي تنقتلك ابنت مولات الراسطة و نمشي عليييك الحبس و هااااانية ندخل راجل و نخرج مهنييي البشرية من وحدة بحالك ونتبع ليك مك
فاتيحة ..." عينيها خرجو و ودنيها تصمكو ومن شنو كتسمع و بدات تحكب ليه في يديه ... كون ما ياسمين طارت على الباب و حلاتو عاد طلقها "
ياسمين ..." مشات هزاتها من الارض " ... خويا عبد القادر كل شي كيتحل غير بالعقل يعطيك الستر اخويا لما خرج انا مزاوگة فيك
عبد القادر ... لو ما هاد البنت لي عتقاتك كنتي غتكوني دابا في جهنم و كيقلبو اشمن طبقة غيحطوووك
ميلودة ..." طارت ليه على يديه كتبوسهم " ... انا مزاوگة اوليدي واش باغي ترزيني فيك و تمشي الحبس
مبارك ... " داير يديه في جيبو و كيشوف " ... ومال الحبس كيمشيو ليه الرجالة الشلاغيييم
ميلودة ... ولدي رشيد دي خوك يبدا ساعة بخرا ..." وضارت خنزرت في مبارك " ... وأنت سير شوف ما تقضي
مبارك ... عليا بليمين لتحركت من هنااا راني شاهد على جريمة قتل
ميلودة ... مكاينش غير كم غيموت هنا ا مبارك ..." ضارت لعند البنات " ... ياسمين انا برااا
ياسمين ... واخا اخالتي خودي راحتك ..." نوضت فاتيحة لي بقوة ما مصدومة محستش بحر القجة ... جلستها فوق النموسية و معنقاها " ... ختي فاتيحة ديريني بحال ختك و عطيني وذنيك راه داكشي مكيدومش و انا قلتها ليك ... شوفي من حالك راه مكاينش لي غيخسر من غيرك ... شحال قدك تقادي في داكشي راه ربي كيشوف اختي عفاك ديري عقلك و كسبي ناسك وراجلك بعقلك مهم غنخليك ترتاحي دابا تنهضرو من بعد ..." غير خرجات ياسمين ناضت فاتيحة طارت على تيلفونها عيطات لمها "
فاتيحة ..." كلها كترعد " ... الوووو مامااا انا مشييييت فيهااا صافي ضعت ضعت
خديجة ..." لي كانت كتنقش و مكيناش في هاد العالم غا سمعت بنتها وقفت " ... خبار الخير اش عندك تم عطيني الموفييييد
فاتيحة ...الموفيييد هووو سيدي عبد القادر فاق من الگلبة وولا يضربني يا لالة
خديجة ... يضربك ايواااا هااااااك على مقسوم الراس .. ايوا الى مگرووو فيه مجااااارم نشوفووو كرشو اش غتقولييييه .... سمعي نقوليك متجيش عندي غدا غنخليك ليك شي أمانة عند مول الحانوت و من بعد نقوووليك اش ديري بيها ... " قطعات مع بنتها و بدات تحلف" ... ايوا الى محمقتك اوليدي راه مسميتيش خديجة مولات الراسطة ... عطيتك الدرية عدتي ضرب فيها كنتي توجع بيهااا ايوا هااا هييي فيييك
فاتيحة الوجه لي شافت من عبد القادر ما شافتو وهي صاحبتو و لا اش دوزت معاه ... حست بالشمتة وغير كل ساعة تخبط يديها مع الحيط دخلت عليها ياسمين البيت لقاتها رجليها تترعد وفمها تتكد فيه
ياسمين ..." جلست حداهااا " ... يهديك الله اصحبتي نووضي بدلي ساعة بختهاااا وتعالي اختي حطي دغمة في فمك ومنها نييت عرفي كيفاش ترجعي ليك راجلك
فاتيحة ..." وقفات غادة و تتخبط في يديها " ... تي راه ضربني عرفتي شناهياااا ضربني
ياسمين ... ضربيه بمحبتك و وجيبيه عندك بفعايلك لي دوبووو و إلى عندك شي شهيوات في راسك اختي ديماريهم هذا الوقت ..." ناضت تمت خارجة " ... هاني خرجت و تبعيني ..." خرجات ياسمين مخلية وراها وحدة انانية تتفكر غير في راسها "
فاتيحة ..." حاطة يديها على فمها و تهضر " ... ابيه علاش لاااا نهدن الوضع دابا باش غدا نركعك قدام رجلي اوليدي يا عبد القادر ..."خرجت عندهم و حادرة راسها دايرة راسها انها حشمانة وندمانة وغير سمحو ليااا ... " ... أنا جيت اليوم نطلب منكم السماحة الشيطان لعب بيا وغير الخوف يخليني راجلي خلا يديا تمشي في داكشي ..." مشات لعند عبد القادر تكات حدا ركابيه " ... عمري نويت نأديك عارفني كنبغيك وهادشي علاش درت هادشي
مبارك ..." غا كيشوووف في ولدو و مصغر عينيه " ... وااا قوقو تا بوووسها صافي الدرية شادها زعيط المزاليط بوووس بوووس ما حدك صغير
ميلودة ..." قرصاتو من فخضووو تا طلع وهبط " هنينااااا
مبارك ..." دوا في وذنها " ... اللهم الحلال و لا الحرام ايييه خوديها مني نصيحة ..." دار لعند ولدو " ... وااا عبد القادر تا بوووسها صافي
عبد القادر ..." متلفتش عند باه " ... سمعي ت فاتيحة وها هي غنقولها ليك قدام دارنا نشوووفك تديري شي حاجة من داكشي مغنعقلش عليييك و سيري معايا غا بنت الناس راني نهزك بسناني " كيضرب في صدرو" ... مترضينيش كامبووو وراه مكيدوم غا المعقول
فاتيحة ..." مع اخر كلمة قال ضارت شافت في ياسمين لي غمزتها " ... غير سمح ليااا هادي و توبة ... " جلست حداااه و خلا ليها بلاصة فين تاكل قلبوووها ضحك و غير مبارك يدوي و ميلودة تغوت ورشيد ينعل في الشيطان ... غير هو الشيطان جالس حداهم و كيلعب في لعبتووو و غير كملات شدات عبد القادر من يديه وتمت قاصدة بيتهم "
فاتيحة ... " شاف فيها و غمزاتو " ... تصبحو على خييير
مبارك ... غادة تخاااويه " ضار لميلودة شدها في يديها وتم تا هو نايض " ... تصبحووو على خيييير
ميلودة ..." جراتو تا جا مربع فوق السداري " ... ايييه و بااااش
مبارك ... بالقران أبنت الحرام بالقران
هي منواتش تأديه هي كتبغيه و باغاه ديما يبقى ليها وميفرطش فيها ولكن فكرة ديال گاع الرجال بحال بحال رباتها فيها مها من صغرهااا ودارت بكلامها لي كتقول فيه كويه وشويه قبل ميشويك و يلوحك في زنقة بلا موجب الشرع ، لي شافت منو البارح خلعها كيفاش دغيا قلب عليها ودارها مكايناش قالت بينها وبين راسها غدا ولا بعكو يقوليها الباب الحباب وكيف دخلتي تخرجي خافت على راسها منو ليسمح فيها ويزيد
غا صبح صباح بالحزارة نوضاتو لخدمتو وغير سد الباب ... هزات تيليفونها معيطة لمها
فاتيحة ... اش تم امي فين الأمانة
خديجة ..." تتشرب في الما " ... يا لاه كي دخلت دابا الدار ... هبطي جيبيها غتلقايها عند خونااا ...و منوصيكش هادشي كيدار في الماكلةً
فاتيحة ... كوني هانية " قطعات مع مهاا ولاحت عليها جلابتها وتمات خارجة تسلت
مبارك....." كان على لقرص مقرد في صالون داير النفحة في طرف يديه وبارك يشتنشق ويعطس "....افين دالحة تاني أَوْ متجلسيش دايرة كي صفارة الكوكوط
فاتيحة ..." ضارت عندو تتبسم تبسيمتها الصفرة " ... غادة الحانوت نجيب شي حاجة تتخص العيالات
مبارك ... صبري لبس بلغتي نجي معاك يضربني البرد
فاتيحةة ..." خرجت عينيها فيه " ... لاواه اعمي بلا ما تحشمني غنمشي دغيا ونجي ..." حلات الباب و خرجات قبل ميجاوبهااا ... شدتها بجرية حتى لعند السيد لي قالت ليها مها ... وغير قالت ليه بنت خديجة مد ليها الميكة خشاتها في قبهاااا ورجعت تتجري الدار ... ومن حسن حضها قلب الدار مكان فيها حد .... دخلت تتجري لبيتها و بقات فيه تيجي راجلهااا وتعرف أش دير معاااه
عيطو ليها لغدا كلات وعقلها مسافر لعالام اخور
عارفة راسها بلاصتها في جهنم ولكن شيطان لعب لعبتو عليها وتصاحب معاها وولا مگيدها والممنوع ولا عندها مرغوب
دخلات حطات راسها تحسب ليه الوقت وغير حسات بيه غيدخل ناضت لبسات وتقادات وتربعات ليه فلبيت
و غير دخل وجات عينيها فيه ... تعلقت فيه تعنق و تبوووس
فاتيحة ... تعطلتي عليا امولا داري و توحشتك
عبد القادر ..." لي قلبو مزال ما صفى و باقي هاز من جيهتها ... حيد ليها يديها من عنقو جلس تقابل معاها " ... يتوحشك الخيير ... غنعس عييت اليوم
فاتيحة ... رتاح احبيبي دابا يكون عندك احسن براد ديال اتاي رجع ليا بيه المجاج و رتاح ليا مع راسك
دخلات لكوزينة كتر وسنانها يشطحو شعبي خايفة لتحصل وتمشي فيها كفتة قادات براد ودارت فيه دقتها لي غتجيب ليه تمام وتمات غادا ليه بيه ... وغير حطاتو ليه قدااامو و رجعاتو ليه ... كبات ليه الكاس ومداتو ليه
فاتيحة ... هاك اعمري و بالصحة و الراحة راه كيف كتبغي
بينها وبين راسها من هنا لقدام مكاينة غا انا ومغتشوفني غا اناا وكلمتي لي غتكون
سعدات لي يخاف مولاه وداير بحسابو ليوم البعث ... أما لي قاطع يديه من الرحمان غا غسل عليه يديك و خليييه يدير ما بغى و يغرق في ذنوبووو و كيقلك كل شاه كتشد من كراعها ... فاتيحة من بعد ما قراتها ياسمين و عطاتها الطريق الصافية ضربت فيهاا و شد يديها في اليد الشيطان الله ينعلو و يخزييه ... تبعت كلام مهااا و بلي الراجل غيبقى خاتم في يديك ... أما عبد القادر لي كان مهلووك بتمارة و عيان باغي غير يحط راسو و ينعس ... فاش لقى مرتوو واجدة ليه و قال ما فيها باااس نحاول نسا واخا القلب عااامر
عبد القادر ..." خدا الكاس كيشرب و يمسد في راسو من الحريق لي فيه " ... ولهيلا عيييت اليييوم جابو شي سلعة و الدراري تا حد ما كان وأنا بوووحدي لي خدمت و تنحس بضهري غيتقسم
فاتيحة ... ندير لراجلي مساج يرتاح بيييه
عبد القادر ... " حيد حوايجو و تلاح على كرشو " ... هي الى درتيها دابا نيييت ..." حيدات بينوارهااا و جبدات الزيت لي كتستعمل ... وبدات دير ليه في مساج و تلحون علييه خلاتو يترخى و عقلووو يهرب ..
عند ياسمين لي لا علاقة لها بفتيحة خيك مخليا شيطان يتحكم فيها اما هادي مخدمة عقلها كيف دخل رشيد ناضت من عند حدا ميلودة بعد مقادات ليها براد اتاي بقوامو وخلاتها مع سي مبارك ودخلات لعند رجلهاا
ياسمين ..."تعلات سلمات عليه من الوجه "...كيف داز نهاارك ، جلساتو في بلاصتو وبدات تدلك ليه في كتافو "...باينة فيك عياان وماليك جهد اش نديير لراجلي لحبيب
رشيد ..." شدها من ورا ضهرها مقربها لييه " ... باغيك غااا نتي
ياسمين ... وأنا ليك وديالك احبيبي ..." باستو في راسو " ... دقيقة نوجد ليك ما تاكل وأنا معااك
رشيد ...."خدا ايدها باسها من لكف والظهر ".....لهلا يخطيك علييا يا نوارة هاد الدار ... " خرجت ياسمين فرحانة براسها و براجلها توجد ليييه وتقول ما وجدت ... دارت ليه القهوى و حطات ليه مسمن سخووون و دخلت عندو لقاتو في بلاصتوو كيتسناهااا وجابد تليفونوو و كيقلب فيه " ... حبيبي هاني جيييت
رشيد ..." جلسها حداااه و معنقها عندووو " ... هاكي شوفي هادو
ياسمين ..." خدات من عندو التليفون وتتقلب ومحدها كدوز في التصاور و عينيها كيبريو " ... هاد البراسليات فنين و لكن غاليين بزااااف ..." عطاتو تليفونو " ... انا كيعجبني نشوف غا من بعيد دابا هاكا تاكل و رتاح ليا اعمري ...." ناضت قداموو تتبدل في حوايجها ... أما هو كان دموندااا على لي حطات عليه العين و رجع تيليفونو في جنبو "
رشيد ..." كيهضر غا بين راسووو و تم نايض ليها " ... تا حاجة متغلى عليك ..." عنقهاا من خصرها " ... زعما منشبعش بيييك نتي
ياسمين ..." دارت تعلقات فيه " ... ونشبع منك حتى اناااا ..." يا الاه غيبداو تا سمعو الدقان في باب بيتهم و مبااااارك يغووووت " ...
مبارك .... واااااا زريعة القنب عليا بليمين لبقى واحد فيكم في شي بيييت هكاوااا غا جيتو و تخزنتووو كنتووو في لاندوووشين اخرجوووووو هاه
ميلودة كانت ناعسة في راحة الله و دايرة قيلولتها تا سمعات الموصيبة كيغوت ومنوض حيحة في قلب الدار ... ناضت تتجري ليه
ميلودة ... امالك ا سايط ليه الريح في مخو مالك حااااميها علينا ياك لباس
مبارك ... ابربي لبقى واحد فيهم ناعس في شي بيت
ميلودة ... وعلاش اخويا ياك مع عيالاتهم وراه كانو خدااامين خلي عليييك الدراري مرتاحين
رشيد ..." لي خرج هو و ياسمين بعد ما سمعو الغوات " ... ياك لباس الوليد محتااااجني
مبارك ... محتاجك غا تجلس في داك السداري و متنوضش
رشيد ... غا هكاك تا نجلس راني عيان الوليد ويلغي نعس
مبارك ... قلت ليك جلس هي تجلس لبغيتي السخط دخل
ميلودة ... السخط هو لي غتديه بهاد الصداع و التحرمياااات
مبارك ... " دفعها من قدامو ومشت لبيت عبد القادر يدق ويعاود يدق و تقول واحد فيهم جاوب " ... هاااا ها هي كتخاويه ثااااني..." بدا يخبط في الباب على محر جهدوو " ... وااااااا الشرييييفة راه معندناااااش دار دعاااارة هناااا
فاتيحة ..." لي كانت جالسة فوق الناموسية وحداها عبد القادر لي ملوي على عشرة و كتحرك فيييه و مكيجاوبش " ... ناري ميمتيييي مااات وا ناري مشيت فيها ..." ناضت حلات الباب و دارت راسها تتفوه وخرجت عندهم " ... نعم اعمي رآه عبد القادر جا عيان و نعس
مبارك ... عيان شووفي الكذووب باين في عينيك
ميلودة ... " مشات جراتو من دراعو " ... يا تا واقيلة هرب لييييك ..." يا الله غتبدا تغوت عليه تا سمعات عبد القادر كينين ... شافت في فاتيحة " ... مال عبد القادر واش مريض
فاتيحة ..." بدات غا تخرج في الهضرة ووجها تزنگ " ... هااا لااا غير جا عيان اليوم وخلاص
ميلودة ..." من يوم يومها مكتيقش فيها و محملاهاش تكون مرأة ولدهاا وغير بزز منها خداتها ليه " ... حيدتها من قدامها و حلات الباب و دخلان عليه ... لقاتو صفر و كيتقطع بالوجع و زاد كمل عليها بدا يتيقى فوق الفراش وغير شافت داك المنظر وهي تغوت غوتة خلات رشيد خوووه يطير طيرة وحدة عليه "
رشيد ..." مشا هز ليه راسو لقاه مرخي ووجهو صفر " ... خوووويااا وااا خويااا حل عينيك وااا عبد القادر مالك اخوياااا
ميلودة ..." طاحت حداه تخبط في فخاضهااا وتبكي و تغوت " ... واااا ولدي مااااات اعيباد الله و عوينتيييي مااات
مبارك ..." دفعهااا تا جات مليوحة على ياسمين لي كانو عينيها خارجين و غير تتشوف " ... متفااايليش على الدري حيدي من حداه ..." مشا كيقلب فيه" ... ولدي عبد القادر فيييق شوف فياا شوووف ..." مبارك بحكم اش دوز واش عارف و اش مر كانت كدير كاسب خبرة كبيرة في هادشي " ... رشيد هز خوووك السويسي دري واكل شي حاجة مسمومة
ميلودة ..." ضارت لفتيحة لي كانت شادة على فمها وتبكي " ... نائبي السباب ابنت الحرام اش عطيتيه تا غتقتليه اش عطيتيه
ياسمين ..." جراتها عليها " .... خالتي باقين ما عرفنا اش عندو دابا لبسووو جلالبكم و يا لاه نتبعوهم ..." وداكشي لي كان لبسو عليهم و تا فاتيحة مشات معاهم ... موصلو السويسي حتى ميلودة هبطت گاع وجها بالدم
طايحة تتبكي و جيرانها كيصبروو فيهااا تتحس بقلبها خواااا و مشوية فييه ... دور و كلمة وحدة في فمهااا ولدي كبيدتي تشويت فييييه وكي ندير نعيش و كي ندير لدار و هي بلاااا بييه ..." طلقت غوتتها لي تتخليك تحس انهااا ماتت من الداخل " ... وااا ولدي عبد القادر خليتي عليا الدار خاااوية واااا كبدتي و علاش شوتيني و خليتينييي واااااا ولدييييييي
ميلودة ..." مع اخر غوتة ليه حست بشي حد كيزعزعها ... نت ناضت قافزة مخلوعة " ... فين عبد القادر
مبارك ... خلعتي الحيوط مالك تهرنطي كي الحمار .. راه عبد القادر في بيتو ناعس خدا دواه ورتاح
ميلودة ..." شدت في قلبها وكلها تترعد " ... الله على وليدي الله وشنوو بييه لا طبى لا دواء فادو
مبارك ... يعلم الله اش لغج بالكلب لاخر غا حال فمو كي الضبع شابه مو
ميلودة ... مك هي الضبعة .." لاحت عليها الغطى " ... نووض نطل علييه و نمشي عند عيشة نشوفها
مبارك ... سيري و لتعطليش لتم راجعة ثاني ديك الهرمة هي وبنتها
ميلودة ... يخخخ من نهار حطو رجليهم عندنا و حنا اللور ... محد ولدي مريض خليهم بعيدين علينا ما نتيقش في مها و باش تبقى دير لينا السبة ببنتها راني سيفطتها ليها ..." ناضت ميلودة تجري لعند ولدهااا ... لي كان ناعس ومغيب وجهو كان صفر بين ليلة وًنهار تبدل "
ميلودة ..." جلست حداه تتقلب ليه في راسو " ... وليدي عبد القادر كي بقيتي
مبارك ... وااا الهم تگعد ونتي كي الركوة خلي الدري ينعس فين سمعك هو
ميلودة ..." ناضت و تمت غادة خارجة من البيت و هزت جلابتها " ... مبارك رد البال لولدك تنرجع ..." بدات لياسمين " ... يااااسمين وا بنتي ياسمين
ياسمين ..." لي كانت غارقة في الكوزينة تتوجد في الحلوة لناس لي غيدخلو يشوفو عبد القادر " ... نعم احالتي هاني
ميلودة ... هاني ابنتيي خرجت نمشي نشوف خالتك عيشة ونجي وجدي ليهم مياكلو الله يرضي عليك
ياسمين ... كوني هانية راني نصبت طاجين على ما يجي رشيد يكون طاب
ميلودة ... سيري الله يرضي علييك .." حلت الباب و خرجت قاصدة دار صاحبتها ولي تتخوي عليها قلبهااا ... وصلت عندهاا لقاتها كتنسى فيها غير وقتاش توصل "
عيشة ..." غير حلت عليها الباب طارت عليها ميلودة تتبكي و تقول ما بكيت " ... دخلي اخيتي دخلييي وصبري
ميلودة ... " دخلت ميلودة و جلست في الصالون و جلست في جنبها عيشة " ... يا خيتي عيشة وليدي متشوفيش فيه
عيشة ...ياتي هاد الدري عاد كان مزيان صحيح فصيح تي شبغى يكون كلا هاد الصگع
ميلودة ... هانتي تشووفي الطبيب دگ ليه برا و خرج ليه الدوا قالك كلا شي حاجة مسمومة غا هو وليدي في نهار تقوليه ميت
عيشة ... وا فيقي معايا اصحبيتي وفهمي كلامي و اش قصدت بيييه ويلي ماشي ديالك هادي اميلودة
ميلودة ... تي شتقصدي غا قولي ليا راني الراس عندي دايخ
عيشة ... تندوي على التوووكال ا ميلودة التوووكال و متكون غا دقتو
ميلودة ... التووكال ومنين جااا تا مرتو متتخرجش
عيشة ... انوضي جمعي راسك و نتي ترخيتي نهار جات في ولدك لويتي... هاديك راه فاتيحة بنت خديجة مولات الراسطة راه تا حاجة متصعاب عليهم
ميلودة ..." حطت يديها على خدها وغير تتشوف " ... غدااا انا عند الفقيه في عين عتييق و لكان شي هم غنشوفوه
عيشة ... والله يفكو يا ربي ديك اللفعة هي و بنتها ميخافوش الله
ميلودة ... ودابا اخيتي خليني نووض نمشي نقضي لكاين ما يتقضى
عيشة ... سيري اختي الله يكون معاك ..." خرجت ميلودة ورجعت لدارهااا وكي دخلت لقات مبارك لابس غا سوفيطمة سميطات و سروال قندريسي و كيطل من الشرجم ولي دازت ينگ عليها "
مبارك ..." بانت ليه بنت جارو دايزة " ... هاي هاي على بنت الحاج العربي كبرت و كبرت معاها الخير
ميلودة ... اويلي على ولد الحرام بغى يشوهني مع الجيران
ميلودة ملي رجعت من عند جارتها وهي غا حاطة يديها على خدها تخمم و تفكر في حريرتهااا ... ما حطت دغمة في فمها و لا دازت ليها ... غير حاضية ولدها لي شد ليها الفراش و تبكي ... حتى من نعاسها نعست حداه وغير طلع النهار لبست جلابتها وقصدت جارهم لي دقت عليه و طلباتو يديها لعند الفقيه ... رحب بيها وقاليها مرحبا و الخير في المساعدات ... رجعت لدارهاا تجري فيقت رشيد من نعاسو
ميلودة ... ولدي رشيد زيد عاوني لبس خوك غنديه عند الفقيه لي في عين عتيق
رشيد ... وشكون غيديك امي
ميلودة ... علال جارنا الله يرحم ليه بيها الوالدين مخسرش ليااا
رشيد ... واخااا اميمتي غنمشي معاك ..." دخل رشيد هو ومو بدلو لعبد القادر لي فاق و لكن الرجلين عندو خاويين ... مهضر ما تكلم تبع مو وحدر راسو ... تمووو خارجين تا بان ليها مبارك كيلبس سروالو واتبعهم و داير الگرفاطة "
مبارك ... اتسناو يا اليهودي خارجين بلا بياااا
ميلودة ..." ضارت لعندو تا شافتو اش لابس " ... ا فين غادي ا الراجل
مبارك ... غادي معااااااااااك .."وطولها"
ميلودة ... راه غاديين غا لعند الشيخ تا شتك لابس كومبليك مالنا معرسين
مبارك ..." تم سابقهااا هابط " ... اش تعرفي زيدي زيدي ..." هبط ركب القدام و خلاهم مقاتلين بجوج مهبطين عبد القادر وهو مبندر جالس ... يا لاه حلو الباب باش يطلعو وهو يضور مخنزر " ... مالكم تعطلتوو
ميلودة ..." ضارت شافت فيه " ... والله يلعن غا لي ميحشم ..." طلعت و سدت الباب و شدو طريقهم لعند الشيخ ... الطريق كلها و مبارك يهضر تا تبخ ليهم راسهم ما وصلو تا كانت غتلوحو ميلودة من الطموبيل ... غير وقفو و تم هابط كيقاد في گرافاطتووو و يمسح في سباطو ... خرجت ميلودة شادة في ولدها و رشيد من ديك الجيه ووقفت عليه "
ميلودة ... نعرف غا لاش جاي معانااا
مبارك ... " ضار شاف في الجامع فين كاين الفقيه " ... عضاااامي ملويييين
رشيد ... الوليدة زيدو خلاص يا لاه محدو خاوي .
عبد القادر ... اي امي ضهري كيضرني
مبارك ... توما شدو الدري مقاد ونتوما تليواو
ميلودة ... ولدي غير صبر هاحنا وصلنا .." دوات مع رشيد " ... ولدي رشيد الله يرضي عليك هزو على ضهرك
رشيد ... " تحنى وهز خوووه على ضهرو و تم داخل بييه ... وغير دخلو لقاو الشيخ كيقرا في الرقية الشرعية ... مشات قصدت البنت لي تتشد المواعيد "
ميلودة ... بنتي الله يرضي علييك ولدي مهلوووك ومريض الرجلين معندوش انا مزاوگة حاولي دورينا حنا اللولين
... " طلات ليه على وجهو " ... واخا دوزووو نتوما لللولين و الله يشافيه ليكم ..." دخلات هي ورشيد و مبارك تابعهم ... كان بيت في جامع كبيير و مقصوووم بيزار كبير بين العايلات و الرجالة ..."
مبارك ... هاو هاو هاو حور العين مجبدين هنا
مرضت عبد القادر خلات ميلودة ما عارفة اش دير وكأنها عمرها عرفت اش دير ولا اش داكشي ... واخا هي مولاتو و تتفك عيباد الله منوو... نصيحتها لگاع ناسها نهار ديق بيك دير الرقية الشرعية ... وهادشي لي دارت ختارت تجي عند احسن واحد في هادشي و كيخاف الله ... تمت داخلة شادة في ولدها هي و رشيد ومبارك وراها غير كيضور في راسو
مبارك ..." كيهز في سنسلة سروالو " ... هاي هاي على حور العين غير منشور ..." مع اخر كلمة مع حس برجل جاتو نيشان المعلم تا شد فيه و طاح على ركابيه " ... وهيااااااااا بوياااا محاتو محاتو ... " ولا يدمع ليها " ... وكون تخليه ليا غا ديكور العدوة
ميلودة ..." ضارت عندو تتمسح في فمها زعمة سكت وحلف لا سكت وعاد ما زاد فيه و يغوت حتى تم خارج عندو الشيخ و نزل عندو بركابيه "
.... مالك الشريف باش تتحس
مبارك ... اش غنقوليك اسي الفقيه نصي التحتاني سافر ومعاود رجع و اليوم مات في مرة
... غير تفضل معايا و غيكون خير القرأن ا سيدي راه دواء لي داء
مبارك ..." صح وااااقف و گلس يدردك و شاف في ميلودة " ... اليووووم نبيت زينت العيالات عندي ونتي هبطي تاكلي العشب مع الغنم ..." دار من حداهم كيضحك و هاز منخارو خلا الشيخ غير كيلعن في الشيطان ... اما ميلودة كانت قريبة تسخف على الشوهة لي دار لييها ... ضارت ليه و حلفت فيه لبقات ... عاونهم الشيخ تا دخلو عبد القادر و جلس وجلسو قدامو ... وباش يقرا عليه الرقية الشرعية وعبد القادر غير حال عينيه و مرخي ... نزل ليه الشيخ بيديه لكرشووو و برك عليه بجهد هنا عبد القادر غوووت حتى حلقو تجرح و بدا يتگرع ... هبط الشيخ شم ليه فمو و شم ريحة لي خايبة بزاف ... استعاد بالله وناض لعند ميلودة ..
... " مد ليها قرعة لبين يديها " ... مزيان ملي جبتيه بكري .... سمعي ا لالة ولدك عندو التوكال وحاشة واش يكونو هاد الناس يخافو الله ... هو صعيب شوية لكن باذن الله مغيبقى عندو والو .. هاد البيدوزة فيها اعشاب خاصين بهادشي وراه مقري عليه ما تيسر من القران ... هبطيه التحت يستفرغ ومن بعد طلعو عندي .
ميلودة ..." تلاحت ليه على يديه باستهم ليهم " ... الله يرحم ليك الواليدين ..." شافت في رشيد لي كان في الجيهة ديال الرجال جالس حدا باه غير شاف في مو ناض كيجري عندها عاونها في عبد القادر حتى هبطو لبلاصة الاستفراغ .."
رشيد ... اش قال ليك امي
ميلودة ... ولدي واكل التوكال العدوة بغات تصفيها ليا الولد و تخليني حمقة ..." حلت البيدوزة و دارتها ليه الفمو " ... بسم الله اوليدي
شرب عبد القادر و الجغمة كدوز ليه بزز و غير كيشرب كيهبط يتقى داكشي خانز و كحل ... بقى على ديك الحال حتى قرب يحط مصارنوو
رشيد ..." شد ليه في راسو " ... خووويا شووف فيااا و دوي معايا
عبد القادر ..." شافيه وتكلم كانو عينيه طايحين وتحت منهم كحل " ... خوك كيحس بالهوى في كرشو ... غا تهنى راه مغنموتش ونخلي ليك ورث مبارك
رشيد ..." ضربو على راسو " ... يا ودي غا فيق ليينا
عبد القادر ..." شاف في مو وباس ليها يديها وهي تتبكي " ... وتي غا مسحي دموعك تتزوجيني ولا مبغيتيش زعما
ميلودة ..." تلاحت عليه تتبكي وتنحط " ... غا نوض ليااا اوليدي غا نوض ما بغيت والو ..." رجع تكى على مو و خوووه و طلعو عند الشيخ ... شافهم وتم جاي عندهم ... شاف في عبد القادر "
... كي كتحس ولدي شوية
عبد القادر ... شوية اللهم لك الحمد
.... تبارك لله عليك " تكلم مع ميلودة " ... غنزيدك بيدوزة على هاديك يتبعها عشريام ... وعليك بحليب الناقة
ميلودة ... اييه اسيدي نديرهااا اييه
... الله يجيب الشيفا ..." تمو خارجين تا تفكرت مبارك "
ميلودة ... ويلي رشيد بااك فين هو
رشيد ... "ضار لفين كانو جالسين لقاه ناعس" ... راه فين مجبد ناعس شدي عبدو مزيان نمشي نفيقو ..." مشا عندو ولدو ما فاق ليه تا كان رشيد غيخبط راسو وهو ينوض ليه "
مبارك ... فين كنتو اولاد الحرام
رشيد ... نوض الوليد نمشيو راه سالينا ..." ناض تم غادي مع ولدو تا وقف وسط عيباد الله "
مبارك ... وااا سي الفقيه اش درنااا في عودي شتك ما قريتي ليا عليه ما عطيتيني دوا ... واش مغنسرجوهش خلاص
طول الطريق كلها و مبارك ينگر غا تحت منو وميلودة غا شادة في راسها قبل متنطحو فقصهااا وسالا معاهااا موصلوو الدار تا حلقها حست بييه نشف ... غير حطت رجليها في الدار وهي دور ليه
ميلودة ..." شداتو من گرفاطتوو " ...واش هبلتي ولا ضار لجد مك لانطير لشي قنت... وحلفتي انت لا لعنتي الشيطان اويلي وحدي ديت معايا الراجل صدق ناعس هووو تا الرقية مداها في راسو و لاااش غادي اخويا لاااش
مبارك ... " عينيه خرجو وولا يتركل غا برجليه عاد طلقات منووو " ... ونتي سووقك ها سوووقك غادي اختي على شغلييي شغلييي
ميلودة ... غا قوليا اش باغي تنوض قدك راه مكمش يصلي و يعبد الله
مبارك ... الالة مسووقكشاي نتي دايرا كي العودة دكي و دردكي اختي انا باغي ندير وليدات ونكمل نص ديني غا نبقى غا تابعك سيري ديري النفس وبعدي مني منصلاحش ليك
ميلودة ..." حطت يديها على فمها خلاها غا تتشوف " ... انت راه خاصني نزورك ..." يا لاه غيجاوبها حتى سمعو الباب كيدق مشات ياسمين كتجري حلات الباب ... ما بانت ليها غير فاتيحة و مهااا واقفين في الباب " ... ياسمين شكون جا
ياسمين ..." دخلت وتمو تابعينها من اللور " ... احم فاتيحة ومها
ميلودة ..." غير شافتهم تقول شافت الشيطان " ... اياك لاباس ا مولات الراسطة شنوو عندك هنا تا حطيتي رجليك في قلب باب داري
خديجة ... راجل بنتي مريض وواقيلة الدرية منهار جات عندي ما شفتو فيها و لا سولتووو جااا وقت فين ترجع تقابل راجلها
مبارك ... راه ميقدر يدير معاك والو السيد لاوي
ميلودة ... اسمعي ا لالة غتشدي بنتك في يديك و الباب الحباب مرة اخرى تعاودي تجي ميكفينيش فيك مخزن
فاتيحة ... هادي دار راااجلي الحاجة وواقيلة خاصني نكووون معاه و في جنبوووو
ميلودة ... راجلك من اين جيه اختييي من جبهة السحووور و تركان الجنااابي
مبارك .... نسيتي اميلودة راااه نهار صباحهااا غا الكلب جرح يديه
فاتيحة ... علاه شكون مولايا من غيرو انا عمرني قاصني شي ولد المراة
ميلودة ... اسمعي نقوووليك هاد الهضرة غير كوووليها و زيديها فيك اختي انا محضرتش ليك معاه باش نتيق هو موولاااك ... اختييي هذا الله نتي ومك درتووو لياااا خدمة غاااا نتوما تسحرو و انا نفسخ كووون بغيتي راجلك ابنت الناس غضربي في مك و تبعي طريق الله
مبارك ... هكاااااك اميليدة زيديهاااا زيديهاااا
خديجة ... ميلودة هاد الهضرة اناااا ما عندي ماااا ندير بيييها ودابا البنت خاصها تكون مع راااجلها مغنخليش الجيران يهضرووو
مبارك ..." وقف قدامها حاط يديه على جنبووو " ... علاه زعما مكيهضروش عليك غا دي بنتك واهم هاضرين هاضرين
ميلودة ... كلمة تسمعيها منيييي عبد القادر نهار ربي غيعفو عليييه و يصح غيتزووووج وهاد المرة انا لي غنزوجووو و سيري بلطي البحر و شوفي السحور فاش فااادك دابا
فاتيحة ... تنقوووليك هادي دار راجلي وهناااا بت نبت ليييك هنا و الى قدرتي زووجيه
عبد القادر ..." لي كان متكي في فوق الصدارة وگاع الفيلم دار قدامو تكلم وهو باقي على حالتووو " ... بنت خديجة شدي في يد مك و گلبيهااا وتسناي براتك غتوصلك ومتخافيش غنخلصها ليييك
مبارك ..... اتوووما صلييييو على نبييييي هاااااه
خديجة بعد ما سمعت اخر كلام خرج عبد القادر شافت فيهم شوفات المووت ... اما فاتيحة تلاحم ليه على رجلييه تبكي وتزاوگ فييه
فاتيحة ... اما مزاوگة فيك ا عبد القادر راني كنموت عليييك
عبد القادر ... وانا تنموت على المعقول .." خسر فيها سيفتو " ... فاتيحة تگعدي شدي في مك و خرجي بلا منخسر الهضرة و بقاي بعضامك صحاح ... حيت لمشيت حتى درتك في راسي راه تندمي على شفتي في هاد الخليقة ، من نعار عرفتك وكنقزل غتقادي صايگاني كيف لبهيمة بغيتي زواج تزوجنا ولاش مزال تابعة مك وداك لويل ايوا دابا سيري حداها تخلعك ولا ضبري لمخك
خديجة ... ميلودة هاد الكلام عجبك و خلاص مزيانة دابا اااه اش تقولي لله ، لبنت كتموت عليه ومكتشوفش غيرو شنو بغيتيني تكرض ليا نبدا نزورخا السادات
مبارك ... علاه اختي نتي تعرفيه لغجتي ليا الدري كنت غادي نتبعو..." دار لعند ميلودة " ... صافي مزيان ياك ولا نزيد شي حاجة بلاتي استناو "حل لمجر عطاها شميعات " هاكي شعليهم ليها ومع الخرجة غتلقاي سنسلة مربوطة في بيكالةةديها معاك ربطيها لتهرب
ميلودة ... " جراتو وراها " ... خديجة هزي بنتك والباب و تسناي ورقتهااا و منعاودش نشوف تا وحدة فيكم ولا البوليس نيشان و بلا منوريك اش غنوريهم
شافت خديجة تا عيات وعرفت هادي الاخيرة شدت في يد بنتهااا وزادت خلفة ... اما مبارك غير خرجات مشا يجري شعل السجالة و طلق العلوة و طلع ليهم فوق الطبلة يهز البوط و ميلودة تزغرت ليييه
ميلودة ... هاديك النحيلة هاديك
مبارك ... هانتي ميلودة الترعييدة هاااااااااه
عبد القادر لي كان سهى شوية ماشي حبا في فاتيحة و انمااا في الدنيا و كيف لعبت بييه تا لاقاتو بگنس ما يخاف الله ... بغى يعيش حياتو و يشوف وليداتو و يفرح بيهم ... شاف في فمو وعيط ليها
عبد القادر ... الوليدة اجي عندي واحد الدقيقة
ميلودة ..." جات عندو و تحنات علييه " ... هاني اوليدي قوووليا
عبد القادر ... شوفي ليا شي محامي الحنانة فكيني منهاااا
ميلودة ..." ضارت عيطت لرشيدة " ... وليدي رشيد شووف اخوك شي محامي على الطلاق
رشيد ..." خبط ليه على كتفو " ... وايلي صافي قررتي وعولتي
عبد القادر ... وحالتي اخويا توريك فين وصلت معاها ... شوف اخويا حمد الله و تهلى في مرتك بنت الناس و حادرة الراس ... و علقها خفيف و ضريف
رشيد ..." شاف في ياسمين و عيط ليها ... تا جات عندو و شد ليها في يديها " ... الناس كيشكرو فيك المدام
ياسمين ..."جلست حداهم " ... لهلا يخطيكم عليا راكم نتوما عمارة الدار و ضوها ..." جا طاير عليهم مبارك كي العجاجة "
مبارك ... وااا بنتي ياسمين جيبي ليا غا مك تسكن عندنا ديك الساعة تدي الجنة
ميلودة ... واااا حشم اراجل
مبارك ... و الخير الخير مشتت عندها راه البنة تم
هزا ايديها قدامها وكتشوف في لبراصليات لي جاب ليها رشيد فرحات قداش وبغات تحماق عليهم دور دور وتشكر فيه
ياسمين......لهلا يخطيك عليا اعمارة داري ، واخا راه نتا كلك بنسبة ليا كادو من عند الله لي واخا ندور تا نعيا ملقاش راجل بحالك ،كبرتي بيا الله يكبر بييييك حمقوني ارشيد .. شوف شوف جاو معايا
رشيد ..." جالسين جنب ناموسية كان معنقها ".....نتي لي جيتو معاهم وتستاهلي ما حسن منهم شحال عندي منك غا مرا وحدة ....وهازا راسي قدام عائلتي راه انا لي كنحمد الله بيك عمرنا شفنا منك شي حاجة خايبة ماشي بحال ديك ختنا بغات تقتل ليا خويا
ياسمين...."جمعات ايديها وقررات تقوليه حيت بين راجلل ولمرااا مكاين ميتخبى "....رشيد انا كنت عارفة فتيحة سحاارة ... وشحال نصحتها وبغيت نرجع ليها عقلها ووالو ... هي بفمها قالت ليا بلي رجال هالي كيليق ليهم ولكن مقدرتش نقولها لخالتي خفت من مشاكيل ، اما داكشي لي دارت لعبد لقادر لخر نحلف ليك مقالت ليا عليه والو
رشيد..."طبطب على ظهرها كيتنهد " صافي نسات مشات لحال سبيلها ضبر راسهااا دابا تحاسب ، راه لا يفلح الساحر حيث اتى
ياسمين ...."ضحكات ضحكة لي كتذوبو وتنسيه عيا لخدمة ".....عندي ليك شي حاجة معرفتها غتفرحك ولا لا
رشيد...."رفع حواجبو كيتسنى فيها اش تقول "...شنو هي
ياسمين.....قريب نشرفو عمي مباارك ويولي جد وخالتي ميلودة تولي جدة
رشيد....."فرحتو متعطى الحد وشكون كره هاد النهار جلس على ركابيه يبوس ليها في يديها ويرضي عليها ويمدح ".....كيفما فرحتيني الله يفرحك لواليدة غتفرح بزااف
ميلودة غتفرح وتعلگ لعلام ولكن مبارك غينصب لخيام ويدير گنازة
كان خارج من طواليط ومع وذنيه كيف رادار غا يدورو سمعها اش قالت... طلقها بغوتة الا سمعتها الموحمة طيح لي في كرشهاا
مبارك.....واااااهياااالعلوة ...واناس غتولد لولاد وتدگ لوتاد وانا عودي زحف مبغى يتشرج وعلامو ميبغى يتهز .....جلس الارض وصار ينذب ".....واااا هاااااا عودي من نهار تجوجتي ميلودة مبقى بان ليك الاثار وااهااا عودي
ميلودة....."شيرت عليه بعصى كتحك بيها ظهرها "...نوض يعطيك عقل علاه دوك لولاد منين جاو بيضتهم ولا لقيتهم تحت ناموسية
مبارك......."حاك يديه على صدرو ويتحير براسو "خنيني غااا خنيني ، انا انااا لي مضروب بالمزود مااشي نتي
ميلودة.......وراااك مضروب بيه نيت نصيص عقيل ، تا داك اللفت لاوي تبكي عليه عنبوك درتي الضحك فراسك
جمع النوضة ومشى لرجليها يمسد فيهم
مبارك....ميلودة انااا مزاوگ هاا عار ليالي لي جمعونا ودم لي سيلت وداكشي لي شركنا الا ملقاي ليا شي حل
ميلودة.....بغيتي الحل ..."هز فيها راسو كيضور فعينيه لي شافو يحلف عليه مسيكين "...حل واحد هو حيد ديك نفحة هي لي بوشات ليك لعروق وسدااتهم وخلاتك مكتديماريش
مبارك... شناهوا الااااا حك جر متجبديهاش على فمك ، لهلا نديماري الالة غا خنيني مكولي كنعجبني
دازو شهور ومشات ختهاا ... عبد القادر بعد ما كان طل على الموت موو جرات و جرات معاه دواتو ووقفات بجنبو وكانت مرا وگادة مخلات باش عالجتو حتى من بول ناقة شرباتو ليه ... فكات ولدها من السم القاطع لي كان فكرشو وتا لي كان فحياتو و لاحت عليه فاتيحة وكيف حلفات وفات جابت ليه لالاها...
صبح الصباح عليهم كلهم فايقين وكيفطرو و عبد القادر موجد راسو ... هبط عينو لمگانتو لقاه هادي وقت المحكمة
عبد القادر ... الوليدة هذا الوقت .
ميلودة ..." تگعد مسحت يديها " ... وتسعشهور وحنا مع هاد لويلة يا ربي و جاه النبي تا انت تهز عيطتي وتكون هادي الاخيرة مع هاد الموصيبة الله ياخد فيها الحق هزت... جلابتهااا وتمت خارجة مع الباب تا بان ليها مبارك و راهاا كيلحس في صباعو "
ميلودة .. افين غااادي
مبارك ... معاكم فين غنمشي
ميلودة ... عليا بليمين و متگعد تركن يا تنحيح عليييك اليوم ... جلس تسنى لييا عيشة غدوز عندي على قبل الخبطة تاعت عبد القادر ومرت ولد متخليهاش وحدها
مبارك ... " شاف في ولدو لي كان مربع يديه و شاداه الضحكة " ... اييه اوليدي انت لي جات معاك وحدة ها هي تكركبت و غدا تعمر بييتك تا قلت انت لي غتفهمني وتونسني
عبد القادر ..." تفرگع عليه بالضحك و باس ليه راسو " ... انت راه هو لي كاين في هاد الدار
مبارك ..." هضر ليه في وذنو " ..ودوي مع مك تجيب ليا غا داك الخير تاع محجوبة وانا نبوس ليها راسها صباح وعشية
عبد القادر ..." تم غادي و تيدوي معاه " ... غنجيب ليك شي وحدة من المحكمة الوليد كون هاني
مبارك ..."تبعو الدروج " ... وتكووون بيضة و غلييضة و ركز في الصيگان اولد بااااك وخلي عليك الزرگة تاعت مك تسوس ..." هبط عبد القادر تبع موو و ماهي الا ساعة تا كانو قدام المحكمة ماشي بزاف الوقت جلسو حتى دخلو و بدات محاكمتهم و حيت فاتيحة وافقت وغير بالتهديد بعدما عيات ما طلوط عليه و مخلات ما دارت باش يرجع ليها ... هددها توافق و لا يحط القاضي اش كانت دير ليه ... داكشي علاش كيف سولها القاضي حذرت الراس و عطات الطوع ... نص ساعة دازت عليهم تا كان عبد القادر مهني و محيد عليه هم كان فوق تكافو ... خرجات ميلودة على برا معنقة ولدها من الجنب و تزغرت اما فاتيحة كانت غير حاضياهم و عاطياها البكاء وخديجة مخزرة و تصبر فيها ... شحال نصحات فيها ياسمين تبعد من طريق المعقودة وتشد طريق لمقادة ولكن هي راسها قاصح تربات على سحر وغتبقى تا تشيب عليه
ميلودة ..."شدت طاكسي هي ولدها وتمو راجعين لدار " ... ياسمين بنيتي متقلة مسكينة ماعرت اش دارت
عبد القادر ... بنت الناس هاديك غاتلقايها مهنياك وتتوجد
ميلودة ..." شارت لمول الطاكسي باش يوقف خلصاتو وتمو هابطين " ... هاديك اوليدي حلوة تحط فوق القلب ..." شافت فيه بنص عين " ... متخافش حنان بنت سي علال هاديك راه السكر محطوط
عبد القادر ..." باس لمو يديها " ... هاد المرة نتي لي ختاريتي اذا انا مرتاح ..." وصلو الدار و طلعو لاقى ياسمين تتغوت شادها الوجع و مبارك حداها عاض في فوطة وكيقوليها زيدي عضي تقول هو لي كيزحم
ياسمين ... وااااا مييييي غنموووووت اوووووف
مبارك ..." شد كرشو حداها و كيغووووت " ... وااااا و شهاد السخط نزل عليا ... شووفي شدي ولدك عندك عنداك تهبطيه توكان يجي لي دار ليك هاد الحالة ..." دخلت ميلودة لقاتو مشاد معاها جراتو من قبو تا جا مقلش رجليه اللور .. غير شاف عبد القادر ناض ليه " ... فين البيضة مولات الصيگان واقفة التحت ياك بلاني نهبط نجيبها ارا بلغتي
عبد القادر ..." باس ليه يديه " ... ويهديك الله الوليد غير بلاتي نشوفو ختي ياسمين
ميلودة ..."شدت في ياسمين " ... صبري ابنيتي ونوضي عاونيني نديوك لسبيطار
ياسمين ... شي حاجة غتخرج ليا من التحت
مبارك ..." بدا يريش راسو و يخبط في فخاضو " ... غير بغات تمشي لبيت الما يمكن كرشها طايحة علييها
ميلودة ... " ضارت ليه " ... واش تسكت لااا تا واش انت لي غتولد ولا هي
مبارك ... لاواه واخااا شحال مديماريت ولكن راني راجل ..." ضرب في صدرو " ... اما عبد القادر كان مشا جاب طاكسي و وصلو حدا الدار وطلع عندهم كيجري هزوو ياسمين و جراو بيها ... في طريقهم عيطو لرشيد لي كان غارق في الخدمة و غير سمعها خلا كل شي و مشا يجري عندهم
ولدات ياسمين وجابت وليد لي خلا كل شي طاير ليه بيه العقل ... دوزات تليتام و خرجات نهار غادي غيتزوج عبد القادر و يدير العقد ديالو ... مشات لدارها لقات ميلودة و مها موجدين ليها البلاصة و حالفين حتى ينفسووها على حقو و طريقو ... الدار كانت عامرة بفرحة خروجها و بالولد و بعبد القادر و مرتوو ... لي كانو مشاو ضربو عقدهم و جاو لدار ... دخلات حنان عندها و غير شافت التربية بدات دير حركات بوجهااا و بفمها ليه
حنان ..." سلمات على ياسمين و جلست حداها " ... على سلامتك اختي تتفكيتي على خير
ياسمين ... العقبة ليك اختي ومرحبا بيك بيناتنا غير هو تهلاي ليا في خويا عبد القادر
حنان ... بلا متوصي اختي راه في قلبي ملي كنت صغيرة و بدعاوية هاني معاه راه هو العين ليا
ياسمين ... ايوا هكاك نبغيك ا لالة ... يا الله غتجاوبها حنان تا سمعات الدقايقية على برا "
حنان ... غنمشي نشوف و نسجل ليك ڤيديو غير رتاحي ..." ضحكات معاها ياسمين اما حنان فكانت ميلودة دايرة ليهم مفاجأة و جابت ليهم الدقايقية و برزاتهم في قلب الصالون الدقايقية محيحين ومبارك شاد في عيالات الدرب و يتحير
مبارك ... واااا هياااا العود هو هو. ..." تحزم و جا الوسط كولو كيترعد و يهز في البوط ...دور عينيه بانت ليه لالة محجوبة حاضياه تصفق طلعوه لگرايد
مبارك.....واا طيحتها والله الا طيحتها .. تقابل معاها يدردك ويشتف برجليه تا طاح هو والميدة "..... ميمتي كنت في الموطور وليت في لمرود
تعاونو عليه جلسوه شاد ظهرو وجاب البجكي على لعيالات وداكشي لي بغى بسيف ميلودة ممسالياش توريه كانت مشغولة و فرحتها ما عاطياها لحد مشات لعند ياسمين عونتها في تربية ووكلتها شوية عاد ونوضتهااا تشوف شوية و تحضر لعرس عبد القادر ... وقفات هي وياها في قلب المرح و كيفقصو بيديهم
ميلودة ... بنتي ياسمين انا راضية عليييك راك بنت الناس و داكشي علاش ربي سهل عليك
ياسمين ... " بااست ليها يديها " ... لهلا يخطيك عليا اميمتي ... شافتهم حنان وتمت جاية عندهم و كي وصلت عند ميلودة طاحت ليها على يديها و راسها "
ميلودة ... الله يرضي عليك ابنيتي
حنان ...الله يطول ليك في العمر اخالتي
مبارك ..." جا شاد على سلسولو ووقف وراهم وقال لحنان " ... تا انتي غتخاويه
ميلودة ..." جراتو من سروالو " ... لااا غتولدو دوووز تبرك خليك عليك لبنت في التيقار
حنان ....غا خليه اميمتي راه بحال لواااليد لي قالها سمن وعسل
مبارك ... "بدا يهز فراسو وقالت لمياودة ".....ربي فكك من سحارة وتزادتك لحلاحة اخرة ايييه قالوها ناس زمان اللحلاحة غلبت السحارة " دفل في حوايجو " ... بسم الله الرحمان الرحيم
النهاية
نتمنى القصة كانت خفيفة على قلوبكم وراه ميدوم غا المعقول ساحر عمرو يفلح لي بغات تكسب راجلها عليها بحلاوة لسان لسانها هو سلاحهاا دووزو بخير
Post a Comment