معاناتي مع شبحة
فالمعهد ديال التكوين المهني خارج استاذ من القسم ديالو و طفى وراه الضو يالاه كان خارج تزدح مع شي جسم هز راسو شاف عينين كيبريو كبار و شفارهم كثاف قالت بصوت شبه منخفض سمح ليا ا استاذ نسيت دفتر تاعي و خرجات كتجري مشات و خلات صوتها الرقيق كيتعاود فوذن الاستاذ و عينيها لي خلاوه مرفوع لعالم اخر .. خرج ركب طوميبلتو و هو كيفكر شكون هاد مولات العيون لي هربات بلاماا يعرف وجها .. بقا غادي تا صونا تيليفون ديالو كان جلال صاحبو
جلال: فين ا اخي فين غبورك ؟
ياسر: غير الخدمة راك عارف بداية العام هادي خاصني نقاد بلاصتي و انت صاڤا ؟!
جلال : لاباس حمد لله ناقصني غير نشوفك راني توحشتك
ياسر : هي الاولى هاني جاي عندك ، انت فالدار ؟
جلال :لا انا فقهوة لي تنجلسو فيها ديما ..
ياسر:واخا هاني جاي عندك
بينما وصل البطل ديالنا اجي نتعرفو عليه ؛ ياسر شاب فعمرو 27 سنة استاذ فالتكوين المهني فشعبة الالكتروميكانيك شاب زوين بزااف طويل و انيق فلباسو هو عايش بوحدو فالمدينة لي خدام فيها ، مكيعجبوش يخلط بين حياتو العملية و الشخصية و ما عندوش مع العلاقات بزااف عندو صاحبو جلال هو الوحيد لي عشيرو فهاد المدينة.
وصل البطل ديالنا للقهوة و هو يشوف صاحبو جلال شاد طبلة فلاطيغاس مشا عندو تسالم معاه و جلسو كيهدرو و جلال مرة مرة كيشوف ياسر غير ساهي و تيفكر و هو يزعم يسولو ....
جلال: ياسر واش عندك شي مشكل شفتك ساهي
ياسر كان مزال ساهي اكيد عرفتو فاش كيفكر .. كيفكر فمولات العيون الكبار لي قلبات ليلو نهار و باين هاد الليلة محال ينعس .. حرك جلال يديه على وجه ياسر يالاه فاق من الگلبة و هو يعاود يسولو
جلال : مالك اصاحبي خلعتيني عليك ، اش واقع ملي جيتي و انت غير ساهي عاود ليا مالك ؟
ياسر: اش غادي نعاود ليك شي حاجة ما كايناش كاع ( بدا كيعاود ليه اش وقع ) اش بان ليك ؟!
جلال : 😂 دابا هادشي لي خلاك بلا عقل غير عينيها و شوف اش دارو فيك عساك كون شفتيها كاملة هادي جابت ليك التمام
ياسر : عاودت ليك باش تعاوني ماشي طنز عليا 😒😒
جلال : وا اش غادي نقوليك اصاحبي هادشي عندك فشكل و صعيب تعرفها من عينيها
ياسر ( بخيبة امل ) : عندك الحق 😓
جلال: بلاتي بلاتي قلتي كان داخلة للقسم ديالك ضونك تتقرى عندك !!
ياسر : اه عندك الحق 😍 كيفاش ما فكرتش فهادشي
جلال :الحب عماك ليك المخيخ اسي هادي غير بعينيها و رجعاتك مكلخ 😂😂
ياسر : انا انووض غدا مقري فالصباح
جلال :وا عليه باشما كان رد عليا الخبار اسي الاستاذ العاشق 😂😂
نخليو ياسر يمشي لدارو و اجي نشوفو البطلة ديالنا ..
ملي صتادمات مع الاستاذ خرجات بالخف تلاقات عشيرها زياد كيتسناها مشات عندو و وجها مخطووف فيه اللون شافها و هو يسولها
زياد : بسمة مالك ؟! مال لونك مخطوف بحال الى شفتي جن ؟!
بسمة: غا سكت نيت واقيلا جن 😶 ماشي مشيت نجيب دفتر و تزادحت مع شي حد فالضلام 😢 طاح مني النص تا سمحت فالدفتر و جيت تنجري
زياد : اودي يا ودي على رجوولة صافي تحدو ليك
بسمة : اشمن 😡 زيد زيد طوبيس راه مشا علينا
مشاو زياد و بسمة للطوبيس خلصو و ركبو و زياد بقا حاضي بسمة لي لونها باقي مخطووف ..شاف فيها و قال : بسمة واش باقا مخلوعة ؟!
بسمة 😒: وا بالسيف ما نتخلع علاه ماشي داك المعهد مبني فوق مقبرة قديمة
زياد : بشااخ باقي كتيقي بحال هاد الخرافات
بسمة : اه و تحرك هبط راه غادي يفوت بلاكتك و تبقى تنگر تاني😑
هبط زياد من بعد ما سلم على بسمة و تحرك طوبيس ما هي الا دقائق حتى هبطات بسمة ،هي و زياد عشران من الليسي مكبتفارقوش و جمعاتهم الاقدار تاني فالمعهد هاد العام زياد معروف عليه الضحك و التقشاب و راجل وقت الشدة و هو لي يقدر يخلي بسمة تضحك (دابا نشوفو واش غادي يبقى غير هو ولا غادي يتزاد شي حد اخر ) زياد شاب طويل عندو فورما واعرة حيت تيلعب الحديد😂 و غزاال كاع البنات كيموتو عليه و كيغيرو من بسمة لي كضل هي وياه ...بسمة يا بسمة يا مولات العيون يالي خليتي الاستاذ بيك مفتون هههه بسمة بنت عادية جدا لابسها عادي و زينها تا هو عادي كدير الفولار و شعبية و معروفة عند كلشي و كلشي كيبغيها ...😍
وصلات البطلة ديالنا للدار سلمات على واليديها و دخلات لبيتها و بدلات و مشات توضات و صلات و كلات شوية و هزات تيليفون كيتبقشش فيه و هي تلقا الگروب ديال القسم راميين الاشاعات ديال الجنون على المعهد و هي تقفز و تفكرات الموقف لي طرا ليها و هي تقول مع راسها : دابا انا دخلت فشي حد زعما انس ولا جن ؟؟ بلاتي وراني قلت ليه استاذ 😱 زعما يكون استاذ هداك ولا جن استاذ 🤔 وااااع 😵
بقات تتخربق بوحدها و حطات تيلبفون و مشات تراجع و كل مرة تسمع شي تقرقيب فالدار تقفز و تبدى تغوت 😂 سالات و صلات العشا و مشات تنعس حيت غدا قاريا فااصباح بكري
عند ياسر 😍
من بعد ما تفرق مع جلال مشا لدارو بدل و قاد قهوة و جبد طابليت و دار بي ان سبور و بقى كيتفرج فماتش و مرة مرة يطيحو عيون بسمة فبالو 😍 كمل الماتش هبط شرا سندوبش كلاه غسل سنانو و نعس و هو كيفكر
طلع الصباح لي كلو حماس و تشويق 😍 فاق الاستاذ الانيق غسل و فطر و لبس تريكو صوفة فالكحل و سروال كحل و سبرديلة نايك كحلة و هز وراقو و خرج
خرج ياسر من الدار و هو كلو امل يعرف مولات العيون الكبار لي خلات ليلو نهار و طيرات عليه النعاس 😍 مع كان داخل للمعهد زگل ما يدخل فواحد البنت لي بالخلعة فقدات التوازن و كانت غادي طيح كون ما يد صديقها تمدات ليها و هزاتها ..
عند بسوومة 😍😍 (نخليوها تهدر شوبة )
فقت فالصباح و انا محطمة حيت البارح منعست مزيان بسبب دوك الكوابيس لي تنشووف فقت غسلت وجهي لي داير بحال شي مقلة 😑 كولو ولا كحل بقلة النعاس ما علينا توضيت و صليت و لبست حوايجي لبست كابيشو كحل طويل شوية مع سليم كحل و سبرديلة بيضا و فولار كحل و درت فوندوتان و ماسكارا و هزيت طابلية العدوة اللدودة ديالي 😓 و خرجت بلاما نفطر مشيت ركبت فالطوبيس و شوية طلع زياد و بقينا غاديين و حنا نهبطو ضربت على الساعة كان مشا الحال بديت كنجري بلا عقل تا كانت واحد طوموبيل داخلة للمعهد اتضربني 😱 كنت غادي نطيح كون ما زياد لي هزني دغيا ، درت نشوف شكون راكب فاللوطو تا خرج واحد التيتيز اااح 😍😍 كان لابس بحالي كلشي كحل 😑 صباح كحل هادا جا قاصدني هزبت عيني نشوف فيه شاف ليا مباشرة فعيني و حلف ولا رمش قلت نشد معاه الضد و منرمش تا انا 😓 جاب ليا الله بحال الى لاعبين جمد 😳 بقيت حالة عيني تا جاتني البكية هبطت عيني و جريت زياد لي بقا تا هو حال فمو و عينو و كلشي 😂😂 شكيت يكما يكون تزعط
من بعد ما دخلات بسمة و زياد ، ياسر تا هو رجع للوطو ديالو و دخل دغيا و بطا عليه ايمتا يوصل للقسم ، دخل للقسم لقا بسمة كتجبد دفاترها و باقي ما لبساتش الطابلية .. شاف فيها و هدر بصوت لي كلو حدة و خشونة : انت امادموزيل جبتي ديك طابلية تلبسها شكارة و لا شنو !!
شافت فيه بسمة بعدم موبالاة و هزات الطابلية و لبساتها و حنات راسها و قالت: سمح ليا ااستاذ
ياسر مع قالت سمح ليا ا استاذ تفكر ليلة البارح فاش تزادحات معاه و قالتها بنفس الطريقة و نفس الحنية ... بقا كيشوف فيها مدة و تدارك راسو و بدا الدرس و بسمة وقتما تبغي تشارك تيقمعها و مكيديهاش فيها تخنقات و بطا عليها غير ايمتا تخرج .. سالات الحصة و بسمة جمعات ادواتها دغيا تا كانت اتخرج و سمعات صوت وراها
ياسر : لي فات الباب قبل ما ندير غابيل ايتقيد غائب 😏
رجعات بسمة مهزاتش الراس و جلسات و زياد شد ليها يديها حيت فهمها ، ياسر شاف داك الديكور جنون لعبو ليه فوق راسو تمالك نفسو و بدا كيعيط بالاسماء بلعاني بدا بالبنات كاع البنات قالو حاضر و سمح ليهم بالخروج بقات غير بسمة عيط على دراري و خرجهم و بقات بسمة و زياد لي واخا سمع سميتو مبغاش يخرج جا نايض هو و بسمة و هو يوقفو استاذ !!
ياسر : واش سمعتيني قلت سمبتها ؟! عيط ليك انت خرج ..
زياد : ها هي قيد الحضور و خلينا نمشيو راه طوبي..
باقي ما كملهاش قاطعو ياسر : مقلتش ليك عاود ليا قصة حياتكم خرج حسن ليك لنصدق مقيدك انت و هي فالغياب و فكوها
زياد تزاد معاه الزايد 😂😂 و هو يغوت 😡 :منقدرش نخليها بوحدها حيت هي كتخاف فهاد القسم واش سمعتي !
ياسر مافهموش اش بغا يقصد و يالاه كان ايهدر نطقات بسمة : صافي ازياد خرج تسناني هاني جاية شافت فيه بحال الى كطلبو يخرح. . مشا زياد و هو كافر و خلى ياسر اينفاجر و ضار عند بسمة و قال ليها : وااش انت جاية تقراي و لا معشقي هاا ؟! بدا كيهدر و كيتحرك حتى وصل اللور ديال القسم و خلى بسمة حدا السبورة بغات طلقها فحوايجها من الخلعة هي واخا النهار كتخاف 😢 ضار شاف جيهتها و لقاها باقا فبلاصتها كتشوف جنابها و باينة مخلووعة مشا عندها و هز ليها راسها لقاها كتبكي و كلها حمرة و كترعد و شد فيديها و هي تقفز و بدات تتهدر
بدات تتهدر بلا فرانات : عافاك ااستاذ الله ارحم والديك ( هزات يديه باستها بلاما تشعر ) خليني نمشي راه مكنحملش هاد البلاصة عافاك 😢😢 عزات عبنبها فيه و حرك راسو ب اه زعما سيري و خرجات تتجري و نسات تيليفونها فوق طابلة اما ياسر بقا مصدووم كيفاش خلا العيون لي سحراتو تبكي من النهار الاول تنهد و عاتب راسو : كبفاش غوت عليها ؟ علاش غوت عليها اش نكون تا نغوت عليها اعععع 😡 ( ضرب واحد الكرسي ) تفو عليك اياسر مكتسوااش
جا يخرح و هو يشوف تيلبفون هزو شعلو بانت ليه صورتها معنقة واحد قطيطة 😍 بانت كيووت و كانت فوطو بلا فولار 😁 هز تيليفون و خرج كيجري يتبعها ساعة ما بان ليها اثر رجع ركب طوموبيلتو و زاد .
عند بسمة لي غي خرجات من المعهد و هي تقطع شانطي بلا عقل خلات الطريق مرونة وراها و كلشي تيعايرها ( تفو ولاد الحرام ) 😑 قطعات شانطي تا بان ليها زباد لي غي شافها و هو يجي عندها دغيا عنقها و بقا كيدوز يدو على راسها 😢 قال ليها بنبرة حنينة : بسمة مالك واش دار ليك شي حاجة ؟! شوفي فيا و جاوبيني عافاك !!
هزات راسها على كتفو و قالت بنبرة مخنوقة بالدموع : لا ولكن تخنقت تخنقت بزاف 😢
شد ليها زياد يديها و شد طاكسي باش توصل دغيا ترتاح طلعو و حطات راسها على كتفو و بقا غاديين مكيهدروش تا وصلات لدارهم هبطو خلص زياد و وصلها تال لدارهم حلات ليهم مها الباب لي غي شافت بنتها طاح فيها النص .
لالة مليكة : اويلي بسمة مالك اش وقع ليها اولدي زياد !!
زياد بقا كيدور فعينيه و قال ليها : والو اخالتي غير جاتها السخفة حيت ما كتاكلش مزيان 😁
دخلات بسمة للبيتها من بعد ما خلات ماماها كتقنع زياد يتغدى معاهم ساعة هو ما بغاش و قاليها مرة اوخرى ستأذن و مشا و دخلات مليكة على بنتها لقتها تالفة معرفت علاش كتقلب ؟؟
نمشيو عند ياسر ( نخليوه يهدر ) ...
من بعد ما خرجت من المعهد كنقلب عليها ما لقيتهاش رجعت ركبت فاللوطو ديالي طريق كاملة و انا كنشووف فالتليفون فديك التصويرة لي كتبان فيها بحال الملاك 😍 وصلت للدار دخلت نيشان للدوش بقيت تحت الرشاشة كنحاول نستوعب داك الموقف لي كانت فيه ديك البنت 😓 بسمة اه سميتها بسمة سميتها زوينة بحالها 😍 كملت الدوش ديالي خرجت لبست كيطما خفيفة للدار و هبطت شريت بوكاديوس باش نتغدى حيت قليل فين كنطيب فالدار ساليت الماكلة و انا كنتسنى التيليفون ديال بسمة يصوني ... يالاه غادي نوض تا صونا رجعت بالخف هزيتو لقيت ماماها لي كتصوني ( مسخوطة دايرا صورة و مبدل وجها ب وجه غاضب 😡 ) هه ضحكت و جاوبت حاولت نبدل صوتي قلت : الو و هي تجاوبني بصوتها الرقيق لي كبدخل للقلب نيشان ( اتبارك الله على الطريق السيار ) 😂 قالت : سلام عليكم خويا
ياسر : عليكم السلام اخالتي 😂😂
بسمة : سمح ليا انا ماشي ماما انا مولات تيليفون
ياسر : اه انت بنت خالتي احساب ليا خالتي 😂
بسمة في نفسها ( يخليك بالخلا ): اه اخويا عافاك قوليا فين لقيتي تيليفوني و فينك نجي نجيبو
ياسر : شكون قاليك انا بغيت نرجعو ليك ؟!
بسمة : عافاك اخويا رجعو ليا راه ربيت عليه الكبدة منقدرش على فراقوو 😢
ياسر ( جابت ليه الضحكة ): لا ما غاديش تاخديه يا صاحبة القطط 😂
بسمة ( طلع ليها الدم ) : واخا و قطعات عليه 😳 خلاتو مصدوووم ما عرف باش تبلى بقا حاضي تيلفيون على الله تعاود تعيط و مع كانت دايرة الكوود مقدرش يدخل للتيلبفون 😑 فقد الامل و عاق براسو بلي زاد فيه و مشا لبس جاكيط ديالو و خرج يتقدى ...
عند بسمة لي غير قطعات معاه و مشات لبسات مونطو فوق بيجامة و فولار و هزات سوارت و الفلوس و خرجات شدات طاكسي قالت لبه العنوان و وصلها
وصلات البطلة ديالنا للعنوان لي بغات و هبطات كدور و هازا طابليت فيديها و تابعة الخريطة تا وقفات قدام واحد الباب و بقات تدق تا حد ما جاوبها بقات واقفة تماك شوية بقات تتعلق باش طل من ديك الشقة لي كيدخلو منها الرسائل تا حسات بيد تحطات على كتفها ضارت دغيا و خرجات عبنيها على جهدهم 😱
🌸عند ياسر 🌸 من بعد ما تقديت و كنت راجع للدار تا كنشووف واحد المرى واقفة قدام بابي و تتنقز بغات تطل مشيت قاصدها حطيت يدي على كتفها و هي دور عندي 😍 بسمة !!!!!!! شفتها تصدمت بقيت تنشوف فيها لي هي مصدومة كثر مني 😳 قلنا فدقة وحدة !! بسمة : انت ؟! ياسر : انتي !!! 😱
بسمة : اش كدير انت هنا ؟!
ياسر ( بغباء مصطنع ) : كنفرق القزبر 😑 انتي اش كديري هنا راه داري هادي !
بسمة ( بدهشة ) : دارك ؟؟! 😳 يعني انت لي سرقتي ليا تيليفوني يااك
ياسر ( تعجب كيفاش عرفات و لكن نكر ) : اش سرقت ؟! عاودي ما سمعتش ؟!
بسمة : وا داك القزبر لي تتفرق نقي بيه وذنيك 😡 انت سرقتي ليا تيليفوني و غادي تعطيه ليا دابا و بلاما تحاول تنكر ..
ياسر : حتارمي راسك راك تتهدري مع استاذك 😑
بسمة : بالبعابع استاذ لهيه فالمعهد اما هنا راك شفار .. انا تبعت GPS و جابني لهنا 😑 و دابا ارا ليا تيلبفوني
شاف فيها ياسر و بقا ساهي فهاد البنت لي قبيلة كانت ضعيفة و دابا تتخرج فعينيها و قال ليها: واخا تسناي هنا 😏
مشا دخل و هي واقفة كتڤيبري حدا الباب شاداها بيبي 😂😂 خرج عطاها تيليفون و شافها بقات واقفة وقالت ليه ببراءة : عافاك قول لماماك تسمح ليا الى صدعتها قبيلة بالدقان راه تا كانت جاية تحل الباب و رجعات واقيلا سمعاتك جيتي !!
شاف فيها ياسر بتعحب 😳😳😳 و لكن حاول ميخلعهاش حيت شافها قبيلة كانت مخلوعة و قال :كوني هانية ...
بقا كيشوف فيها و هو معجب و قالت ليه ببراءة ممكن ندخل طوالبط ديالك 😢 سهى فيها و فهدرتها الطفولية و حرك راسو باه و دخلات تتجري للطواليط ، خراجات و لقاتو واقف قدام الباب شافت فيه باستغراب 🤔 وقالت : علاش واقف هنا كيبحال العساس ؟؟
قال ليها : كيفاش عرفتي بلي الطواليط هنا ؟؟ و جيتي ليها نيشان !!
بسمة ستغربات حتى هي وقالت ليه : معرفت لقيت الباب محلول و دخلت 😝 على العموم شكرا ا استاذ
خرجات بالجرى شدات طاكسي
عند ياسر لي باقي مصدوم من هادشي لي وقع هنا و مقدرش يستوعب و قرر يعيط ل جلال صاحبو ، هز تيليفون و دوز النمرة جاوب جلال بعد مدة ...
جلال: واقيلا مات شي يهودي فالملاح !! كي طرا تا عيطي ؟!
ياسر : جلال ممساليش للملاغة ديالك ! محتاجك ضرووري و خاصك تجي عندي !
جلال : واخا اصاحبي ها ني جاي دابا 😕
قطعو المكالمة و جلال ركب طوميبلتو و تاجه لمنزل ياسر في حين ياسر بقا غادي جاي وسط الدار بحاال الى فيه الوجع سمع صونيط و مشا حل و دخل و خلا جلال وراه مصدوم !!
جلال : ياسر صاحبي اش واقع ؟؟ مال حالتك هكا ؟
ياسر : باقا هناا
جلال ( بعدم فهم ) : شكون هادي ؟!
ياسر : هاديك المرا لي كنت تنشووف فالليل راه باقا هنا ما مشاتش واخا كاع داكشي لي درت ما مشاتش !!
جلال حل فموو مصدووم 😨😨 : واش عاودات خرجات ليك ؟! فين شفتيها ؟!
ياسر : لا بسمة لي شافتها كون ما جيتش انا كوراه وقعات ليها شي حاجة !! 😥
جلال زااد حل فموو 😂: كيفاش بسمة ؟! اش قرب بسمة لدارك ؟!
بدا ياسر تيعاود لجلال شنو وقع بالتفصيل ! كمل ياسر هدرتو و شاف فجلال لي تجمعو فيه الالوان و تزاد معاه الزايد ! و رجعات بيه الذاكرة لستة شهور قبل !
فلاش بااك 🎬
هادي قبل ستة شهور ملي يالاه جاو جلال و ياسر لهاد المدينة كراو دار... ملي سكنو فيها و هما كيسمعو الجيران تيقولو ليهم هربو حسن ليكم قبل لا يفوت الفوت ...واحد النهار كان جلال سافر و خلا ياسر بوحدو .. نهار لي رجع فيه جلال من السفر دخل للدار و لقا واحد البنت فاتنة فالجمال جسمها منحوت و كل حاجة فبلاصتها ستأذن منها جلال و قال : سلام !! شافت فيه شوفات حقد و هي تمشي للبيت و سداتو فهاد الاثناء دخل ياسر لي شاف جلال و جا عندو يسلم عليه و لكن دفعو شاف فيه ياسر باستغراب !!
ياسر : جلال مالك اصاحبي اش واقع ؟!
جلال : شووف انت اش واقع ! ياك تافقنا عمر البنات ما يدخلو لدارنا علاش جبتي هاديك ؟!
ياسر مفهم تا لعبة بقا كيدور فعينيه و قال : اشمن بنت ولا راجل اصاحبي !! رجووع الله !
جلال : اياه و ديك لي كاينة فالبيت مي هاا 😡 ؟!
ياسر مشا جهة البيت و حلوو و ما لقا تا حد !! ولكن لاحظ بلي البيت فيه ريحة ديال البنات !! ضار شاف فجلال زعما اجي تشوف ! جا جلال كيجري ما لقا حد دخل للبيت تيقلب و ملقا والو طاح منو النص ! شاف فياسر لي باقي ما فاهم والو ..
جلال : كنحلف لي بالله تا شفتها و دازت من قدامي و دخلات هاد البيت
ياسر : شكون هادي اصاحبي !! انا راه و لله ما جبت شي وحدة لهاد الدار !!
جلال : لا لا شي حاجة ماشي تال تم !! اوو هي انا كنتخايل
ياسر: بحال والو 😂 راك شحال هادي ما كويتي 😂
دغيا الدراري قلبو الموضوع ضحك واخا الداخل ديالهم كيتسائلو شكون هاديك !!
بقا عايشين بيخير تال واحد الليلة كانو فالصالون كيتفرجو تا سمعو صوت الضحك ديال ال*حاب جاي من بيت ياسر !! شافو بعضياتهم و زعمو ناضو حلو الباب ملقاو والو و لكن الفراش كان مخربق !!
جلال مشا للصالون و تبعو ياسر لي باقي مدهشر !! بقاو كيشوفو فبعضياتهم 🙄 حتى نطق جلال
جلال : لا لا هادشي ما عاجبنيش بزاف على الصدف !!
ياسر : اش بغيتي تقوول !؟
جلال : راك عارف اش بغيت نقول !! هاد الدار ماشي نورمال ! ما غاديش نبقاو فيها مزال !
ياسر : و فين غادي نمشيو بالسلامة ؟! حنا بالسيف باش لقينا السكنة قريبة للخدمة !
جلال : قول لي بغيتي دابا !! انا ما غاديش نبقى فالدار
ياسر : بقا معايا غي تال غدا و يحن الله
ياسر قنع جلاال و مشاو للصالون قررو ينعسو فيه هاد الليلة ! فرشو و نعسو اولا نقولو كيحاولو ينعسو ! دازت مدة من الوقت ياسر كيحلم بلي شي مرا كبيرة شادة واحد البنت عريانة و كدورها على الرجال شوية شاف الدار كتحرق و دبك المرى كتقطع قدامو ! فاق مفزووع من الحلم و غوت تا ناض جلاال قافز من بلاصتو !
جلال : ياسر بسم الله عليك اصاحبي اش شفتي تا غوتي هاد الغوتة
بقا ياسر كيلهت و كلو عرقان عاود جلال على الحلمة ! هاد الاخير لي طار عليه النعاس خصوصا ملي قاليه بلي نفس الدار لي هما فيها هي لي كانت تتحرق !! بقاو فايقين ها لي مشا يقرا القرآن هالي مشا يصلي !! بقاو هكاك تا طلعات الشمس عاد قدرو ينعسو !! ملي فاقو كان العصر كيأذن مشا ياسر كيقاظ الغذا و جلال مشا يدوش تا بدا كيحس بشي يدين حنان كيدوز على ظهرو و صدرو غسل وجهو دغيا و حل عينيه لقاها قدامو كلها عريانة شاف فيها بشهوة و غمض عينيه و حلهم و هي تختافي كمل الدووش ديالو عادي بحال الى ما وقع والو !! خرج لقا ياسر وجد الغدا جلس و تغداو عادي تا نطق ياسر : كمل و يالاه نسولو داك لي كرا لينا الدار على الماضي ديالها
جلال حرك راسوو باه و خرجو فاتجاه منزل الراجل لي كرا ليهم الدار .. دقو و خرج ليهم نيت هو و رحب بيهم ...
بقاو كيشوفو بعضياتهم ت نطق ياسر : سي عمر سمح لينا على هاد المجية و لكن حنا بغينا نسولوك على ديك الدار لي كريتي لينا !! شكون كان ساكن فيها قبل ؟! و شنو هو الماضي ديالها !!
السي عمر غير قاليه هاد الهدرة و هو يبدا يضور فعينيه و ضربها بنكرة 😑 : هاديك الدار السي الاستاذ كان ساكن فيها واحد العسكري هو و مراتو ايوا جاه الانتقال و مشاو للداخلة ... علاش كتسول السي لاستاذ ؟!
جلال شاف فياسر و نطق : لا ما كاين والو غير بغينا نسولو و صافي شكرا السي عمر و سمح لينا
سي عمر : الله اودا الاستاذ مرحبا بيكم
فهاد الاثناء كانت بنت السي عمر كتطل عليهم و سمعات هدرتهم و شافت بلي باها عاود ضربها بنكرة كي ديما حيت خايف الدار لا تبقى ليه خاوية تسناتهم تا خرجو و تبعاتهم بالجرى شافتهم دخلو للدار تسنات شوية عادا دقات علبهم .. حل ليها ياسر الباب و بلاما تهدر دخلات بالزربة و سدات خلات ياسر غير كيشوف فيها خرج جلال من البيت و لقاها شاف فياسر باستفهام و هي تنطق : انا حفصة ( تحية لصاحبتي حفصة 😍) بنت السي عمر لي كنتو عندو دابا !
جلال : ايه اشنو بغيتي ا حفصة ؟! يكما توضرات ليك مونيكة ديالك هنا 😏
حفصة : زيدني و عطيني انا لي باغا نعاونكم و لكن سري ها انا غادة
يالاه كانت غا تمشي و هو يشدها ياسر : بلاتي عافاك ما ديش عليه هو هكا داير قولي ليا اش باغا تقولي لينا
حفصة : 😍 تيتيز و ضريف و متواضع ماشي بحال شي وحدين 😒😒 شافت فجلال و خنزرات و رجعات شافت فياسر و شداتو من يدو و جلساتو فوق سداري و جلسات حداه و قالت ليه : بابا غير كذب عليكم هو فينما يجي يسولو شي حد على الدار تيقول ليه نفس الكذبة ...
ياسر : يعني داكشي لي قال باباك كان كذووب ؟! و علاش كذب ؟!
حفصة بدات تتلعب برجليها و شافت فياسر و قالت ..
حفصة : قول لصاحبك يجيب ليا شي شريبة تكون باردة و ديك الساعة نهدر 😈
ياسر شاف فجلال و ناض بغا يمشي و هي تشدو : لا بغيتو هو يجيبها 😇
ياسر ترجى جلال بعبنبه و مشا جاب ليها الما و عطاه لبها بالزعافة و بقات تتشرب فيه بالشوية عليها ، تعصب جلال و قال : غادي تسربي تهدري و لا نووضي ت*ودي من هنا يالاه 😡😡
( صراحة غزا فيها انا و عصباتني 😒) ناضت حفصة مقلقة و مشات قاصدة الباب و جا عندها ياسر كيجري : عافاك متديش عليه هو راه عصبي عافاك سمحي ليه و اجي قول لينا اش كاين
جلال : اش عارفاا اش غير برهوشة هادي 😡
حفصة : هيييي حدك تم راني دايرا غير بوجه هاد تيتيز 😍 اما كون وصلت دارنا اش اربح معاكم انا غير بقيتو فيا و قلت نعاونكم اما عمري عاودت هادشي لشي حد 😏
ياسر باس ليها على راسها : العار لاما سمحي ليه و قولي لينا اش كاين !
حفصة : حتى يبووس ليا على راسي عادا نهدر 😇
جلال طلع ليه الخرا للدماغ 😂 جا هزها و داها للكوزينة ربط ليها يديها و فمها و بقا كيغوت عليها : بغيتي نبوس ليك راسك هاا ؟! انا اندير معاك المزيان و نغتاصبك كااع اش بان ليك 😡
ياسر جا كيجري و لكن جلال سد عليه الباب : جلال حل اصاحبي واش غادي دير راسك فبرهوشة ؟!
جلال شاف حفصة بشهوة : لا ما برهوشة ما والو .. شوووف الفوورمة تبارك الله و الزين
حفصة طلعات معاها السخوونية ( متعوووودة 😂 ) و بدات تبكي و تطلب فيه : عافاك عافاك متقربش ليا غا كنت تنضحك معاك !! انا غادي نعاود ليك كلشي 😢😢 جلال حل الباب لياسر لي دخل شاف حفصة بديك الحالة و مشا حل ليها يديها نوضها داها معاه للصالون و قال لبها: سيري للدار دابا من بعد و عاودي ليا واخا ( ااححح شحال ضريف 😍 ) ....
شافت فيه حفصة بعينين دامعين و بدات تهدر : انا غادي نعاود ليك هادي سبع سنين كانت ساكنة واحد المرا هنا كيقولو لبها الحاجة هنية ساعة هي ما كانت لا حاجة لا والو كانت غاا ( بقات تتشوف فجلال و حدرات راسها ) ق ق ق
جلال ( تعصب ) : ق ق ق بغيتي تبيضي ؟! وا طلقينا خلاص 😡
حفصة : قوادة 🙊 كانت تتجيب البنات بزاف كل نهار شي مرات كيباتو معاها شي مرات لا .. واحد النهار كنت جاية من مدرسة و شفتها جارا واحد البنت زوينة بزااف مدخلاها بزز انا ماديت ما جبت .. واحد المرة مشيت للحانوت و طليت وبانت ليا ديك البنت مرمية فالارض و كلها عريانة و واحد فوقها و ديك الحاجة تتشووف فيهم 😳 ( هزات راسها فياسر لقاتو ولا حمر كثر من مطيشة بالحشمة 😂 ) كملات هدرتها : دازت الايام تا نهار لي كنسمعوو فيه الغواات خرجنا لقينا الدار شاعلة فيها العافية و ديك الحاجة فالشرجم كتغوت كانت عافية قوية تا حد ما قدر يزعم تا جاو رجال الاطفاء و طفاو العافية و خرجوو جثة ديال هنية مقطعة و كلها محروقة و الجثة دياال هاديك البنت ما لقاوهاش .. داز العام و بابا صبغ الدار و قادها و بقا كيكريها لي كيكريها ما كيكملش فيها الشهر و يخرج قاليك كيشوفو شي بنت عريانة كدور فالدار 🙄
سالات حفصة الهدرة و شافت فجلال لي كان تيشوف فياسر لي ولا كلو عرقان باينة فيه تخلع .. هدر جلال مع حفصة و طلب منها تمشي فحالها و هي حدرات الراس و مشات .. اما جلال مشا جاب لياسر الما عطاه يشرب ، ياسر ناض من بلاصتو و بظا يهدر : قالت مرا كتقطع نفس المراا لي شفت فالحلم و البنت العريانة تا هي .. 😨 مقادرش نزيد دقيقة هنا غادي يخرج ليا العقل ا جلال ..
فين هو جلال 😏 جلال كيفكر فالبنت العريانة واش غادي يعاود يشوفها ولا لا ... فاق من سهوتو و طبطب على كتف ياسر و قال ليه : غادي نصبرو تا لقاو شي دار وحدة اوخرى .. كتفى بهاد الهدرة و مشا دخل لبيتو و هز تيلبفون تيقلب فقوقل كيفاش تحضر الجن العاشق 😳 ( سلاحلحيم ) لقا بلي الى تعريتي يقدر يجي 😂😂 نااض حيد حوايجو و بقا سوولو 😳🙈 و نعس و بقا تيلعب بالمسائل 😂 تا حس بالنفس فعنقو طلعات معاه تبوريشة و حل عينيه و لقاها حداه عريانة كيما شافها اول مرة قرب منها و بقا كيقيص فيها و يبووس 🙈 ( دارو داكشي خايب ) و فرغ الشهوة ديالو و نعس ...
اما ياسر مسكين ليل كااامل منعسش بقا كيقرى القرآن تا صبح الصباح عادا غمض عينيه .. مزال ما كمل ساعة تا حس بشي حد كيفيقو نااض مخلوع معنق القرآن لقا جلال قدامو راشقة ليه ( كلب صافي 😡 ) قاليه : انا انخرج نقلب على الكراا فشي قنت اخر بلاما دير حسابي فالغدا !
خرج جلال و ياسر رجع ينعس .. ما فاق تال الليل ناض توضى و صلى و مشا يطيب العشاا .. طاب العشا و بقى كيساين فجلال لي تعطل و ماشي من عوايدو .. صونا ليه ومكايجاوبش .. تنهد و تعشا بوحدو و مشا للصالون و بدا يقرى القرآن تا داتو عينوو 😴 شوية حس بيدين رطبين كيدوزو فووق صدرو ! تقلب للجهة لوخرى و عاود حس باليدين على ظهرو و هدر بصوت منخفض : جلال را عشاك فووق الطابلة 😌
جاوباتو بصوت حنين حدا وذنو : كان لذيذ الله اعطيك الصحة 😋 .. ناااض ياسر مخلووع قفز فوق سداري
شاف فيها و خرج عينيه شوية غمضهم بقا كيردد : اعوذ بالله من الشيطان الرجيم بسم الله الرحمان الرحيم 🙌 قالت ليه بصوت منخافض حل عينيك ... حل ياسر عين وحدة و شافها لابسة حوايجها و رجع حل لعين لوخرى 👀 قالت ليه : داكشي لي بدا صاحبك خاصك تكملوو ...
ياسر ما قشبل والو .. : اشنو بدا ؟! شكون صاحبي ؟!
تغمضو عينيه بلاما يحس و رجع حلهم ملقاهاش قدامو .. تا شوية دخل جلال : العشير باقي فايق ؟! منعستيش ؟!
ياسر : نعس ؟! كاع هادا زهر ماشي خرجات ليا 😖
جلال : شكوون هادي ؟
ياسر : هاديك البنت العريانة
جلال غير سمع العريانة و هو يهز العلام 😂😂 دخل البيت تيقلب ملقهاش و رجع عند ياسر : فين هي ؟! واش غادي ترجع ! اش قالت ليك ؟!
ياسر : معرفتش فين هي ولكن باينة هي فالدار ... قالت ليا خاصني نكمل داكشي لي بدا صاحبي .. مفهمت والو ..
جلال تفكر ليلة البارح و بدا يعرق و ينشف غا بوحدو و هو يقلب الموضوع : مهم بغيت نقول ليك راني لقيت واحد الدار و يمكن لينا نمشيو ليها من هنا سيمانة !! بينما نيت رجع من مراكش ..
ياسر 😨: مراكش ؟! اتخليني بوحدي اصاحبي تسطيتي لا ؟! و علاش منمشيوش دابا لديك الدار ؟
جلال : هادوك لي كاريينها دابا بقات ليهم سيمانة و يخرجوو داكشي علاش و زايدون غير يوماين لي غادي نغيب ..
ياسر فوض امرو لله و حدر راسو تيفكر فهاد الحريرة 😢 اما جلال مشات لبيتوو كيصفر و فرحان هز حوايجو و توادع مع ياسر و مشاا ... بقا ياسر ليل كلوو تيقرى القرآن تا صبح الصباح و نعس .. فاق مع العصر صلى صلاتو و خرج ياكل فالزنقة .. رجع للدار لقاها نقية كتشعل و ريحة زوينة فيها شوبة خرجات ديك العريانة من ببتوو كيما خلقاتها مها 👀🙈 شافت فيه و مشا جلسات هو دور وجهو و هدر بالزعامة ....
مرة جاية الى بغيتي تباني ليا لبسي حوايجك عافاك ( الصواب تا مع الاشباح 😂) .. جات قربات منو و بحركة سريعة حيدات ليه تيشورت خلاتو حال فمو😮 شوية طاح ليه السروال 😂😂 ( شبح وااطية ) بدات تتقرب منو ووهو راجع اللور و قالت : غادي تحمل غلط لي رتاكبو صاحبك و دابا كنآمرك تنعس معايا 😳 ( اللهم اني صائمة ) شاف فيها و بدا كيقرب من القرآن هزو دغيا و بقا تيردد شي ايات و هو مغمض عينيه حتى ختافات من قدامو .. حل عينيه و مشا ديريكت لبس حوايجو و خرج لبرا كيعيط لجلال والو مكيجاوبووش .. شاف تا عيا و مشا بات فواحد الاوطيل .. اخيرا قدر ينعس بسلام ..
🌄 طلعات الشميسة على البطل ديالنا و هو كيتحرك فوق الفراش ناض غسل و هبط فطر فالاوطيل و قال ليهم احتمال يرجع بالليل ... مشا قاصد الدار حل الباب و دخل و مشا لبيتوو جا يخرج و هي تبان قدامو تاني 😳 رجع خطوة للور و قال ليها : اش بغيتي عندي مزال !!؟
...: بيما انك ما باغيش تنعس معايا غادي تكون مجبر تبعد على جنس العيالات و لي حاولات تقرب منك غادي يكوون مصيرها الموت .. و بلاما تحاول تبعد من هاد الدار حسن ليك .. قالت هاد الهدرة و ختافات و خلاتو كيتسائل اش داار تا كيوقع ليه هادشي ؟!
بقا غادي جاي فبيتو و قرر يخرج يقلب على دار للكراا مشا كيسول وراوه واحد الدار زوينة و مبغاش يتقولب و بقا كيسول النااس عليها حتى تأكد .. مشا للدار جمع حوابجو و خرج ... عاش حياتو عادي لمدة شهر و هو وصاحبو جلال كيهدرو غير فالتيليفون ياسر ما قال والو لجلال و حتى جلال بقا مكمل فالكذبة ديالو .. ياسر على بالو جلال مشا لمدينتو يزور واليديه و لكن هو غير معاه فنفس المدينة ...
و اخيرا الرجوع الى الحاضر 😂 انا شاكة بلي نسيتو بسمة 😂
فاق جلال من السهوة ديالو من بعد ما تفكر الماضي القريب لي عاشو هو و صاحبو .. و قال لياسر : خاصك تسول بسمة على شكل هاد المراا لي شافت ؟! توصفها لينا لتكون شي موصيبة اخرى فهاد الدار
ياسر : عند الحق انا غدا انسولهاا ...
مشا ياسر مع جلال قرر يبات عندو هاد الليلة ...
🌼 عند بسومة 🌼 ( نخليوها تهدر انا عييت 😪) من بعد ما خرجت من دار الاستاذ شديت طاكسي انا غادة فالطريق شفت واحد البنت !!!! 😨😨😨 بلاتي هادي نفس البنت لي شفت بغات تحل ليا الباب عند الاستاذ !! لا اويلي ماشي هي غا كيتشابهو ...
وصلات بسمة للدار يالاه كانت غادي تسد و هو يجي واحد الدري صغير حبسها و عطاها ورقة مكتوبة فيها شي حاجة شداتها من عندو و قالت ليه : شكون عطاك هادي ... شير ليها الدري جهة الشانطي و هي تبان ليها نفس البنت واقفة داز واحد كاميو و مبقاش بانت خرجات بسمة تتقلب ملقاتهاش رجعات لدارهم و دخلات بيتها و هي تحل الورقة لقات مكتوب فيها بشي حاجة بحال الفاخر .. ( الى بقيتي قريبة لياسر غادي تكوني قريبة من المووت ) قراتها بسمة و بقات تضحك و هي ترميها فووق البيروو و مشات كلات و توضات و صلات و مشات تراجع ... سالات و مشات تنعس ..
🌄 طلع صباح جديد عامر بالاحدااث الجديدة ... 🙌
فاقت بسمة دوشات و توضات خرجات صلات الصبح و لبسات قميجة فالبيض طويلة شوية و سروال الدجين طاي هووت و سبادري ببضة و دارت فولار زرق جاات كتحمق 😍 فطرات و هزات كتوبها و الطابلية و خرجات تشد البيس دازت من حدا بلاكا ديال زياد و مطلعش تشوشات عليه و صونات عليه جاوباتها مو قالت ليها بلي مريض ميقدرش يجي .. قطعات معاها و وصلات للمعهد مع دخلات كتجي عينيها على ياسر كان لابس كيطما فالگري و كيسد فطوموبيلتو 😍 تشيتيز اغووويا .. بقات تتشوف فيه و سهات حتى دخل للقسم عادا فاقت و مشات تتجري للقسم .. دخلات جلسات بلاصتها و هو مهزش فيها العين بقا فيها الحال شوية🙁 دازت ساعة و نص بقات نص ساعة جا عندها ياسر و قال ليها : بسمة ممكن متخرجبش للبوز بغيت نهدر معاك !!
قالها بواحد الطريقة بحال الى كيترجاها حسات واحد الاحساس فشكل .. وافقات و كملو الحصة عادي ..
صونات الساعة خرجوو التلاميذ للبوز و بقا ت هي فبلاصتها .. تا ريح حداها و قال ليها .. : انا بغيت نسولك عفاك على المرى لي كانت اتحل ليك الباب البارح واش تقدري توصفيها ليا !!
استغربات بسمة من سؤال ديالو : اه كانت باقا صغيرة شوية كان شعرها كحل و ملامحها زوينين .. هادشي لي قدرت نشوف من الشقة دياال الباب .. علاش ؟!
ياسر تأكد بلي هي نفسها البنت العريانة لي تتخرج ليه كل مرة ... : لا والو غير سولتك ... نخليك تمشي للكور ديالك .. سمحي ليا .. 😅
خرجات بسمة و مئة سؤال كيضور فراسها .. مشات باتجاه بلاكة الطوبيس حيت خارجا مع العشرة .. بقات شحال كتسنى حتى سمعات كلاكسون وراها دارت تشوف لقاتو ياسر هبط عندها : انت باقا هنا ؟! ما ناوياش تمشي للدار ؟!
بسمة : الا استاذ راه طوبيس تعطل و انا ما هزيتش معايا فلووس طاكسي
ياسر : واخا زيدي نوصلك هاديك هي طريقي ..
مشات بسمة ركبات معاه ( كانت طالبة عليها 😂 ) شدو الطريق تا صونا تليفون بسمة كان زياد : الو بب كي صبحتي لاباس ؟!
زياد : حمد لله و انتي ؟!
بسمة : لاباس واخا تشوشت عليك القرد قالت ليا خالتي راك مريض ... امم ايوا ميكون عندك باس موالفين هاد ساعتين نمشيو للبحر ساعة ما جيتي انت ما جا الطوبيس 😂 ... واخا واخا يالاه بسلامة
قطعات معاه شافت فياسر لي عقد غوابشو و غادي تا شوية قلب الطريق و رجع شافت فيه بسمة بتعجب !! 😦: فين غاديين ا استاذ ... ؟!
ياسر : ياسر ...
بسمة : هاا 😕
ياسر : سميتي ياسر ماشي استاذ ..
بسمة : اااه مشرفين و فين غاديين اسي ياسر لي ماشي استاذ 🙄
ياسر : موالفة تمشي للبحر مكاين لاش تخسري بروكرام انا نديك للبحر ..
بسمة : بلاش ااستاذ غادي تحطني تما و ترجع و انا مكنبغيش نبقا بوحدي !!
ياسر : شكون قاليك انا انخليك بوحدك .. انا انبقى معاك ديما 😍
بسمة سكتها بهاد الهدرة و حدرات راسها طريق كامل و هما ساكتين تا وصلوو .. هبطات تتجري للرملة بحال شي بنت صغيرة حيدات سبرديلة و بقا تتلعب بالماا ... في حين ياسر كتفى يشووف هاد اللوحة الغزالة لي قدامو البحر و الشمس و البنت لي خلات قلبو يضرب من جديد .. بلاما يحس جبد تيليفون و صور ليها فيديو تتلعب تا شافها جاية جيهتو و هو يخبيه ..
بسمة : استاذ 🙊 اووبس ياسر .. اجي لعب معايا !!
ياسر : واش انا باقي قد اللعب ؟!
بسمة : ومالك تتحمق .. باقي صغير و زوين و فورمة عندك سبورتيف ...
ياسر ربع يديه و بقا كيشووف فيها تا وعات على راسها و تزنگات 😆 : ايااه كملي !!
بسمة : هاا 😳 وا زيد ( جراتو من يديه و مشاو كينقزو فووق المواج الصغيرة و هي تتغوت بالفرحة ...)
بقا حاضيها كيفاش فرحانة و راشقة ليها .. الافكار فراسو كيديوه و يجيبوه .. كيشاور عقلو واش يتقدم خطوة ولا يبقى بلاصتو حيت خايف عليها .. ومقدرش يشاور قلبو حيت ديجا دارها و بغا هاد الانسانة البريئة .. شاف حتى عيا و جرها لعندو و عنقها و زير عليها و هي ما فاهما والو !! 😳 بقا شحال و هي ما حاولاتش تمنعو .. حتى طلقها على خاطرو بعدها عليه شوية و باسها فالجبين ديالها و بلا يحس هبطات دمعة سخوونة من عينو على وجها !! هزات فيه راسها و شافت فيه بعينيها لي سحرووه لقاتو كيبكي .. شدات وجهو بيديها ..
بسمة : ياسر !! مالك علاش كتبكي ؟! واش عندك شي مشكل ..
ياسر طاح على ركابيه و زاد فوتيرة البكاء ، بسمة شافتو فديك الحالة هبطات عندو و شدات يديه و تا هي بدات تبكي واخا ما عارفاش علاش ( الله استر 😂) طلق من يديها و مسح ليها عينيها و باسهم و قال ليها : هاد العنين اخر مرة نشووف فيهم الدموع ، هاد العنين ميستاهلووش يبكيو .. واخا ؟!
حركات راسها ب اه و مسحات دموعها و ناضو و مشاو للوطو ديمارا طريق كاملة و هما كيسرقوو الشوفات فبعضياتهم تا شوية بسمة حسات بشي حد كيخنقها بقات تتحاول تتنفس بصعووبة .. ياسر وقف اللوطو فجنب الطريق و حل الشراجم و خوى عليها الماا و بدا كيقرى القرآن و هو مخلوع كاع الايات لسقهم مع بعضياتهم .. حتى تنفاسات عادا رتاح شد وجها و تيهدر بزربة : بسمة انت ببخير !؟ باش كتحسي ؟! نمشيو سبيطار ؟! 😨
بسمة بقات تتشوف فهاد الانسان لي قدامها لي تخلع عليها كثر ما تخلعات هي على راسها .. كتافات تحرك راسها ب لا و هو عاد تنفس الصعداء .. ديمارا و كمل الطريق .. حس احساس فشكل و بلاما ياخذ الاذن شد ليها فيديها 😍 هي تزنگات و مبغاتش تحيد يديها فنفس الوقت حيت تا هي حسات بلي محتاجة ليها ...
قربو للحي ديال بسمة ..
بسمة : صافي وقف غير هنا خاصني ندير راسي جاية من زياد باش ماما متغوتش عليا ..
ياسر سمع زياد و هو يووغبش ( الفرح لي كان بحال الى عمرو ما كان تحية للفنان عمر السيد 😂) : اممم واخا !! تهلاي فراسك 😑
بسمة : ا ا 🙄 زياد غير بحال خويا و صافي 🙊
ياسر ضحك من قلبو على البرائة ديالها قرب منها وقال : عارف بلاما تحتاحي تقولي .. ( طبع قبلة على جبينها ) دابا سيري و ردي البال لراسك .. 😍
بتاسمات ليه و يالاه كانت اتخرح و هو يشد يديها : بسمة عافاك خلي القرآن حداك ديما واخا !!
بسمة استغربات من الطلب دبالو و لكن محكراتش بزاف قالت واخا وهبطات بقا متبع ليها العين تا غبرات و هو يتحرك للدار .. وصلات بسمة للدار و الضحكة واصلة ليها لوذنيها 😁 دقات حلات ليها ماماها ..
لالة مليكة : كوون غير بتي فالزنقة حسن .. 😡
بسمة عنقاتها من اللور و باستها و دخلات بيتها كتغني 🎶 خلات وراها ماماها تتغوت و تعربط غا بوحدها .. تسرحات فووق ناموسيتها و غمضات عنيها تتفكر هاد النهار الزوين لي عمرها تنساه .. تفكرات المصحف لي وصاها عليه ياسر و مشات هزاتو و حطاتو حدا راسها شوية تفكرات فاش حسات بلي شي حد قجها : اويلي قبيلة بحال الى شي حد قجني !! غريب اول مرة يوقع ليا هكا 😕 ( تفكرات ياسر فاش سد ليها فيدها و بتاسمات و هزات يديها كتشووف فيهم ) ههه كان شاد ليا يدي 😄
بقات تتهدر بوحدها و تضحك تا نعسات ...
😍 عند ياسر 😍
وصل للدار ديالو دخل للدووش بقا مغمض عينيه و كيفكر فبسمة و فكل لحظة دوزها معاها هاد النهار .. شوية سمع صووت فوذنيه قال ليه : الى بقيتي قريب منها كون اكيد بلي ساعتها قربات .. و هادشي لي وقع ليوم غير تحذير مني ..
حل عينيه بالزربة مالقا تا حد تفكر فاش بسمة تخنقات و هو يغووت : اعععععع علاش اربي كيوقع ليا هكاا علاش اععع ( ضرب المرايا تا تهرسات و يدو كلها تفلحات ) ... بقا محني على الدووش و يدو كتقطر بالدم .. غسلها و دار ليها الفاصما و خرج مشا لبيتو بدل عليه و بقا تيفكر فهاد الحريرة لي هو فيها .. كتاشف بلي خاصو يبعد على بسمة باش ميعرضش حياتها للخطر .. غمض عينيه و بقا كيحاول ينعس ..
🌄 طلع صباح جديد عامر بالاحداث لي غادي تغير مجراا القصة 🌄
فاق ياسر طالع ليه الدم ما حاملش يمشي للخدمة .. بدل حوايجو لبس سروال دجين و تريكو سخون فالابيض و سبرديلة بيضة هز شكارتو و ركب فالوطو ديالوو و مشا فطريق المعهد ..
➡ فالمقابل بسمة فاقت رااشقة ليها ناضت توضات و صلات و لبسات كسيوة طويلة فالغووز بيبي و دارت فولار بيض و سبرديلة بيضة و هزات طابلية و شكارتها و خرجات نقبات شوية من الفطوور و مشات فطاكسي حيت مشا عليها الحال .. وصلات و لقات بلي باقي الحال .. قررات تمشي للباركينغ تسنى ياسر .. وقفات تتسناه شوية بانت ليها طوموبلتوو ...
( نخليو ياسر يهدر )
دخلت للباركينغ ديال المعهد حتى كتبان ليا بسمة دايرا بحاال شي شميسة بتاسمت تلقائيا ملي شفتها و لكن سرعان ما مسحت ديك الابتسامة .. هبطت و جات قاصداني تتبان بحاال شي ملاك ... وقفات فطريقي و مدات ليا يديها : سلام استاذ ..
ياسر : سلام بسمة ! ياك لاباس علاش جيتي هناا ..
بسمة : والو غير ( قبل ما تكملها شافت يديه المجرووحة و هزاتها ) ايييه 😱 مالك اياسر اشوقع ليك ؟! ايمتا تجرحتي ؟! البارح كنتي صحة سلام !!
ياسر ( جر يديه منها ) : ماشي شي حاجة ! دابا لقسمك قبل ميشوفنا شي حد ...
مشا و خلاها مزيرة البكية محملاتش التصرف ديالوو .. طاحت دمعة من عينيها و تبعوها دمووع هما .. بقات تبكي حتى بردات و مشات للقسم قبل ما تدخل سمعاتو قال : تعطلتي !! جيبي ورقة سماح بالدخول ! ( قال هاد الهدرة بلاما يشوف فيها )
تصدمات و بقات مشوكية بلاصتها .. 😨
ياسر : عندك جوج دقايق تكوني هنا ..
مشات بسمة للحراسة كذبات عليهم و تيقوها حيت عمرها وصلاتهم ملي بدات تقرى .. دخلات للقسم حانية راسها ووجها حمر بالبكا حطات ليه الورقة فوق البيرو مشات بغات تجلس و هو يقاطعها : كنظن ما قلتش ليك جلسي !! و هاد الورقة راك تعطلتي باش جبتيها !!
بسمة طلعات ليها القردة للراس و هي تبدا تغوت : هيييه زدتي فيه !! مالنا ياك لاباس ؟! جاي هاز شوكتك مع الصباح بايت تحلم بيا !!! 😠
قالت هاد الهدرة و خرجات شدات الطوبيس و رجعات لدارهم ..
فالقسم ملي خرجات بسمة كلشي بقا حال فمو خصوصا التلاميذ حيت عارفينها مكتنوضش الدجاجة على بيضها عمرهم شافوهاا هكا .. ياسر خرج لبرا و جلس فواحد العتبة ..
ياسر جلس حابس البكية و مخنوق محملش يشوفها فديك الحالة و لكن صبر راسو حيت مبغاهاش تتعرض للاذى بسبابو .. دخل للقسم من بعد ما برد شوية .. و كل مرة كيهز راسو فبلاصة بسمة لي بقات خاوية دازت عندو الحصة ثقيلة بلا بيها .. ما كمل دوك سوايع غا بزز ...
😢 عند بسوومة😢
وصلات لدارهم و دخلات دازت فماماها و مهدراتش معاها ...دخلات بيتها و شعلات القرآن على الجهد و بدات تبكي تا بردات و ناضت كتجمع فبيتها و تتهدر غا بوحدها : انا يدير ليا هكاا .. هاا انا بسمة بنت العثماني يدير ليا هكا ( بس ماشي رئيس الحكومة🙄 ) البارح الحب و الغرام ودابا قلب عليا وجهوو ..
بقات تتهدر و تغوت بوحدها تا طاحت ديك الورقة لي كان جاب ليها داك الدري الصغير ( عقلتو ياكا ) رماتها فالزبل و بقات تتجمع تاسالات دخلات عليها مها و بدات تتهدر معاها على القرايا و جمعو داك الزبل و داوه بغاو يرميوه للبركاصة ... بقات غادة بسمة و هدرة ياسر تدور فراسها : واخا اسي ياسر !! ياااااااسر 😱😱😱😱
مشات تتجري خطفات السطل من مها و خواتو كامل بدات تتقلب فدوك الورااق و هي تلقاها و حلاتها و قراتها ( الى بقيتي قريبة من ياسر راك قريبة من الموت ) كمشاتها و مشات بالجرى للدار هزات سوارت و الفلووس و خرجات تاني شدات طاكسي لعنوان ياسر ...
وصلات و هبطات بلا عقل دقات عليه بالجهد حل ليها كان لابس سروال بيجامة و عريان من الفووق 🙈
شافتو و قالت مع راسها : حشومة هاد الزين يغوت عليه شي حد .. هزات فيه العين و هي دخل سد الباب و دخل لقاها تتقلب فالدار ..
ياسر : بسمة اش كديري هنا ؟! علاش كتقلبي ؟!
بسمة : كنقلب على حبيبة القلب فينها تخرج عندي .. هاك شد ( عطاتو الورقة ) شووف لالة ام هاني ديالك اش صيفطات ليا ... كتهددني المشروطة لووخرا .. 😠
ياسر : اشمن ام هاني ولا ام كلثووم 😠 بسمة مالك ..!!
بسمة : مالي ها ( بدات تبكي ) ملي انت عندك مراتك و عندك حياتك لاش مدخلني ليها لااااش 😭 واش ماشي حشوومة عليك تعطيني اماال على والو 😭😭
ياسر يالاه كان ايعنقها و هو يشووف ديك ختنا هازة واحد الجنوي و واقفة وراا بسمة
ياسر : الى ساليتي هاد الدراما خرجي فحالك دابا و نساي عليك شي حد سميتوو ياااسر ..
بسمة بحال الى سرفقتيهاا بهاد الهدرة شافت فيه اخر شووفة و خرجات لبرا و سد عليها الباب و بقات حدا الباب شحاال تتبكي و مشات ..
اما ياسر بقا كيهرس اي حاجة جات قداامووو ....
عند بسمة وصلات للدار و دخلات للدووش خففات راسها من كثرت التفكير و مشات صلات و نعسات ...
مع 2:30 ديال الليل كتحلم ياسر كلوو دم و كيغووت بسمة عاونيني 😨 فااقت مفزوعة !!
بسمة : ياسر !! اعووذ بالله مم الشيطان الرجيم .. تكون واقعة ليه شي حاجة !! لا لا هادي غير حلمة
رجعات بغات تنعس و حلف النعاس لا جاها ..
ناضت لبسات عليها مونطو و هزات شكارة و خرجات .. بقات فالشارع شحاال تتسنى طاكسي .. اخيرا وقف ليها واحد وصلها لعند ياسر .. هبطات قبل ما دق عليه جبدات تيليفون عيطات لزياد فيقاتو من النعااس : الوو بسمة !!
بسمة : زيزوو بب محتاجاك ضرووري !!
زياد : ياك لاباس !!
بسمة : انا دابا خارجاا الى عيطات ليك ماما لبق ليها شي كذبة عافاك من بعد و نفهمك
كانت اتكمل الهدرة سمعات شي اصوات داخل الدار و قطعات عليه !!
زياد حط تيليفون و رجع ينعس !! شوية فاق قافز : اووو علاه شحال ساعة ( 2:45 ) اويلي هادي فين خارجا فهاد الوقت 😱😱😱 انا نعاود نصوني ليها ..
بقا كيصوني ليها واالو مكتجاوبش ..
عند بسمة ..بغات تدق ولكن شافت العافية من الشرجم و هي تشهق : هيييه 😱😱 ..
بدات تدق بالجهد : يااااسر ! ياااااسر حل الباب 😨😨
ما جاوبهاش و تتسمع الغوات الداخل شافت فالشانطي بانت ليها واحد الحجرة و مشات هزاتها و هرسات الشرجم و دخلات يديها وسط الزاج حلات الشرجم و دخلات راسها شوية دخلات كاملة بقات تدوور وسط الدار كلها شاعلة بالعافية بان لبها ياسر ناعس كلو عرقان .. ما كان معاه تا وااحد مشات كتفيقوو فاق مفزووع شاف بسمة قدامو و عنقها : بسمة انت بيخير ؟! ما وقع ليك والو ؟! هاا جاوبني ؟
بسمة : انا لابااس ، نووض يالاه نمشيو !!
ناضو فاتجاه الباب و هما يلقاوه مسورت و مشات باش تحلو و هي طيح واحد الخشبة شاعلة فيها العافية ... ياسر جرها عندوو بالخف و مشاو فاتجاه بيتو دخلو و سد الباب دغيااا و مشا كيقلب على تيليفونو ملقاهش و جبد القرآن و بدا كيقرى بالجهد و يغوت على حر جهدوو و بسمة ما فاهمة والو ... شوية داك الغوات لي كان تيتسمع مبقاش ... و هو يسكت ..مشا عند بسمة جرها من يديها و خرجها للصالوون لي غير شافتوو بسمة حلات فمها هلى قدو 😱😱😱 : ياك يالاه كانت العافية !! فين مشات 😨 ياسر شرح ليا اش واقع هناا ...
ياسر : انت اش جابك هناا علاش جيتي ياك قلت ليك بعدي مني
بسمة بدات تبكي : 😢 تخلعت عليك حسيت بلي انت محتاج ليا 😭😭
شد ليها وجها بيديه و قال ليها : ما بغيتكش تآذااي بسبابي ابسمة .. قيمتك عندي كبيرة و الى وقعات ليك شي حاجة غادي نحمااق و عمرني نسامح راسي ..
بسمة : ما عند ما يوقع ليا حدك انت معاياا 😢
ياسر بدا كيغوت : لاااا راكي غالطة مدام انا معاك حياتك اتكوون فخطر .. خاصك تخرجي ابسمة اللهم الدقة تجي فيا و لا تجي فيك ..
شاف بسمة غادة جهة الباب و هو يرتاح شوية سداتو و رجعات عندووو و شدات يديه : ...
شدات ليه يديه و قالت : انا ما عارفاش اش واقع هنا بالضبط .. و لكن متأكدة بلي انت محتاج ليا و مدام احساسي كيقول ليا هكاا عمرني نخليك سمعتي !!
ياسر جرها عندو و عنقها : علااااش اسيدي ربي كيوقع ليا هكاا 😭😭 علاش ما مكتابش ليا نبغي هاد الانسانة فظرووف حسن علااش
شوية سمعو صووت التصفااق داروو بجوج و بانت ليهم هاديك ختناا واقفة تتصفق و عريانة كما العادة 😳 شافتها بسمة و هي تزير على يد ياسر و حتى هوو زاد قرب بسمة ليه ... حتى نطقات .
...: جيتي للمووت برجليك .. سبق ليا حذرتك و ما بغيتيش تبعدي عليه .. و دابا عيشوو اخر لحظة بجوج 😈
ياسر بدا كيقرى القرآن بالزربة و هاديك تتخنق ...
مشا هو و بسمةللبيت و سدو عليهم و بدا كيقرى القرآن تاني .. بسمة فهمات اش واقع نسبياا .. و هي تهدر : ياسر شووف خاصك تقول ليا اش واقع باش نقدر نعاونك ..
ياسر : ما عندناش الوقت لي نعاود ليك فيه كلشي ... و لكن شوفي فيا كثيقي فيا ياك ( حركات راسها ب اه ) تكالمااي و خاصك تفهمي بلي هادي لي كنتعاملوو معاها ما كايناش فالواقع .. يعني ماتت ..
بسمة تفرشخاات بالضحك 😂: ههههه دابا شنو هاديك شبح عووووو بحال داكشي د افلام الرعب 😂😂
ياسر عرفها تصدمات بقا كيشوف فيها تضحك بهستيرية ..
بقا كيشووف فيها و معرفش كيفاش يوصل ليها الهدرة شد وجها و هي تسكت و بقات تتشوف فيه : بسمة سمعي انا متنضحكش راه بصح هاديك ميتة و حنا راه تنشوفو الشبح ديالها ..
بعدات منو و هي تعاود تفرکع بالضحك 😂😂 : عوووو انا شبح عووو 👻 هههههههه
ياسر معرف ما يدير و هو يصرفقها 😳 سكتات و هي طيح دمعة من عينيهاا 😢 حط جبهتو على جبهتها و قال ليها : ثيقي فيا غادي يكون كلشي مزيان عافاك ابسمة
بسمة : حياتي كاملة كنخااف من هادشي و معمري تشجعت نواجه المخاوف ديالي .. ( شدات فيديه ) و لكن دابا انواجهم على قبلي و على قبلك .. ( شدات وحهو بيديها ) ما غاديش نخليك بووحدك واخا ..
ناضت كتمشي و تجي فالبيت و هي تنقز : لقيتها !! لقيتها 😍
هزات تيليفون من شكارتها و دوزات نمرة ديال زياد هادشي تحت انظار ياسر لي مفهمش اش بغات دير .. شد ليها الخط : الو زياد كتسمعني ...
زياد: بسمة فينك ؟! واش حماقيتي خارجاا فهاد الوقت من الدار !!
بسمة : ماشي وقت المعاتبة دابا انا محتاجاك تعاوني ..
زياد : واخا ولكن فااش .. !!
بسمة : غادي تجيب البيفان ديالك و شي سيدي ديال القرآن انا محتاجة بيهم .. غادي نصيفط ليك العنوان دابا فميساج ..
قطعات مع زياد و صيفطات ليه اللوكيشن 📍 ديالهم .. و مشات عند ياسر تشرح ليه الخطة
بسمة : ياسر سمعني زياد غادي يجي هنا خاص واحد فينا يخرج عندو يحل ليه الباب باش يركب الضوو للبيفان و من تما غادي خصنا نحضروو هاديك الموصيبة باش يقضي عليها القرآن .. فهمتي !!
ياسر : و لكن باش عرفتي بلي القرآن كافي باش نتغلبوو عليها ..
بسمة : واش مكتشوفش فاش تتبدا تقرى القرآن كتخنق و تتبقا تبعد .. حنا غادي نجربو و نخليوها فيد الله ...
بقاو شوية حتى وصلها مساج من عند زياد 📩 ( انا قدام الدار دابا ) ...
بسمة : زياد وصل خاصني نخرج ..
ياسر : حماقيتي لا ؟ انا لي غادي نخرج و انت وياااااك ثم وياااك تخرجي من هاد البيت !! واعديني.
بسمة بقات تتضور فعينيها : ا اكنواعدك 😁
قبل ليها ياسر راسها و خرج دغيا وسد عليها الباب ...
بقا شحاال تقريبا شي نص ساعة .. بسمة مقدراتش تصبر .. بقات غادة جاية فالبيت و كلها تترعد و مشات جهة الباب ما سمعات تا حس بحال الى غير هي لي كاينة فالدار ..تخلعات و بقات تدق فالباب و تعيط : ياسر .. يااااسر واش كتسمعني ؟! ياسر ..
ما جاوبهاش و بقات تتخمم تا طاحت عبنها على واحد المووس مشات هزاتوو و بقات مدابزة مع الباب تا حلاتوو .. خرجات و يا ريتها ما خرجات كااان برااا عالم اخر غير الببت لي كانت فيه ... غواات ياسر مسمووع بالحهد و العافية عاودات شعلات .. و صووت واحد الضحكة شريرة كيتعاود ...
بقات غادة جهة الصالوون تا شافت ياسر معلق فالسماا بحال الى شي حد شادوو من عنقوو و كيغوت الرووح قربات تخرج ليه .. يالاه كانت اتمشي جهتو تا تشرط ليها لحمها معرفاتش مناش و لكن ما استسلماتش كملات و كل خطوة تتزيد كيزيدو الضرابي تا ولات كلها مشرطة .. مقدراتش تصبر و هي تهرب جهة البيت هزات تيليفون دارت فيه القرآن و بقات غادة تا وصلا الشرجم و عيطاات بالحهد زيااااااد 🔊🔊 زياد سمع الغوات و ناض تالف بانت ليه فالشرجم كلها دمايات تخلع فالاول و لكن نااض
زياد : بسمة مالك بسمة 😨
بسمة : البرييييييز ، البرييييز
عطاها البريز و دخلات و هي فحال الى كيقطروو عليها الشمع رجعات كلها مشووهة 😟 دارت البريييز فالضوو و خدموو البيفااان بالجهد 🔊 سورة البقرة ..
طاح ياسر للارض و سخف بسمة بقات تتشوف اش غادي يوقع شوية سمعات صرخة قوية : لااااااااااا
تهرس كااع الزااج ديال الداار و العافية طفاات و تشقق السقف و خرج منوو واحد الشعاع مجهد ⚡⚡ و هو يتسد الشق و رجعات الدار لطبيعتها 😳
مشات بسمة تتزحف لعند ياسر كتقيص النبض ديالوو لقاتو مزال عايش مشات كتزحف للباب عيطات على زياد لي دخل غير شافها بقا حال فموو فيهاا
بسمة : ماشي وقت الصدمات دابا 😢 ( كتغوت ) زياااد توگض معايا خاصنا نديوه للسبيطار ( شافت فيه مزال مصدوم و هي طرشوو ) زياااد فيق معايا راني محتاجة ليك ( الاصدقاء ديال بصح بحاال المشعكك😍) توگض زياد و هز ياسر على كتافو و داه جهة طوموبيل و مشاو بيه للسبيطار طريق كاملة و بسمة تتبكي و تتغوت على زياد لي مبغاش يسكت من الاسئلة ...
وصلو للسبيطار جات ليهم واحد الفرملية البياص دخلووه لغرفة شافو الطبيب لقا بلي غير طاح لبه طانسيو و عندو نقص فالاوكسيجين ... خرج الطبيب لقا بسمة حالتها حالة كلها دمايات و شاف فيها بتعجب كيفاش صابرة لهادشي .. قرب عندها و حط يدو على كتفها تا قفزات : بنتي ياك لاباس اش وقع ليك !! واش تعرضو ليك الشفارة نعيط للبولبس ..
بسمة : لا لا !! ياسر 😢 الدري لي كنتي عندو واش لاباس عليه ؟
الطبيب : لاباس عليه كان عندو نقص فالاوكسيجين و دابا راه صحتو مزيانة ! و لكن انت ما خاصكش تبقاي هكاا الجرووح ديالك غادي يلتاهبو و تزيد الخطورة ديالهم .. اجي معايا عقميهم و رتاحي ليك شوية ..
بسمة : لا لا مبغيتش نتحرك تا نشوف ياسر ... عافاك
طبيب : ثيقي فيا ابنتي هو راه لاباس عليه .. غير اجي عقمي الجرووح ديالك و ديك ساعة دخلي شوفيه واخا ؟؟!
حركات راسها ب اه و تبعات الطبيب و تلاقات زياد فالطريق مشا يقاد وراق السبيطار مشا تا هو معاها دخلو عقمو ليها الجروح و عطاوها واحد التريكو و سرواال خفاف باش ميقيصووش الجلد ديالها .. سالات و خرجات بالجرى للغرفة ديال ياسر .. لقات عندو واحد الممرضة .. لقاتها تتشوف فيه شي شوفات و عينيها مغرغرين ...
بسمة 😒 : احم احم ..
الممرضة : مادموزيل كي بقيتي صاڤا ؟!
بسمة : لاباس لاباس حمد لله ... اممم كي بقاا !!
الممرضة : سي ياسر لاباس عليه متخافيش !! الوضع ديالك انت اخطر منو سيري رتاحي ليك ..
بسمة : بلاتي بلاتي كيفاش السي ياسر تتعرفيه ؟! 😧
الممرضة : اجي معايا .. و غادي تفهمي ..
بسمة تبعات الممرضة و جرات معاهت زياد لي غا حال فموو : بسمة راك لدابا باقي ما شرحتيش ليا اش كاين راه غادي ينفاجر راسي بالاسئلة ..
بسمة : بلاتي نشووف هاد خيتي اش باغا اجي ( جراتو من يديه )
بقاو تابعين الممرضة تا وقفات قدام واحد النافذة ديال واحد الغرفة كطل على واحد المريض كلوو خيووط و الاجهزة مربوطين فيه ... دارت الممرضة لقات بسمة وراها و معاها زياد : انا كنعرف سي ياسر و جلال تقريبا سبع شهور هادي ( المريض لي فالغرفة هو جلال و الممرضة هي حفصة ) (بدات تتعاود ليهم من نهار دخلو لديك الدار تا نهار جا جلال السبيطار ..) شي جيران ديالو هما لي جابووه لقاو داروو كلها محروقة و هو طايح فالارض و وجهو مشوه و دابا طايح كوومة بسباب انهيار عصبي حااد لولا لطف الله لكان مات دابا .. ( شافت فيه و هي تبدى تبكي ) شهر و هو هنا كل نهار كنتسنى يفيق 😭😭😢 هو و ياسر ميستاهلووش هادشي 😞😞
بسمة بقات مصدوومة و زياد كثر منها جاب ليهم الله كانو فشي فيلم .. بسمة عنقات حفصة و بدات تا هي تبكي .. : حمد لله دابا كلشي سالا .. 😢 تهدني و سيري لخدمتك انا انمشي لعند ياسر .. واخا ؟
تفارقو البنات و زياد بقا الوسط تا جات عندوو بسمة و عنقاتو و قالت ليه : شكراا يا احسن صديق فالدنيا عمري نسا خيرك .. 😢
زياد بعدها عليه : من ايمتا بيناتنا شكرا ها ؟! دابا سيري حبيب القلب كوراه فاق 😉
بسمة تزنكات : ههه باينة فيا لهاد الدرجة !!
زياد : و بزااف كااع .. انا انمشي نضبر فشي كذبة لخالتي مليكة ... تهلاي فراسك العشية ندووز عندكم ..
مشا زياد و بسمة دخلات للغرفة لي فيها ياسر لقاتو مزال ناعس .. جرات كرسي و جلسات حداه شافت فيه بحب و هزات يديه و بقات تتهدر : شكون قال بسمة الخوافة ايجي نهار لي تتغلب فبه على الخوف ديالهاا .. مكانش تيحساب ليا الحب تيخلي الواحد شجاع هكاا .. ( باست لي يديه 😘) مستعدة ندير الضوبل ديال هادشي على ودك .. حيت كنبغيك ا ياسر ..
فهاد اللحظة ياسر حل عينيه لي مغرغرين بالدمووع .. لقاها حانية راسها على يديه زير عليها و هي تهز راسها
بسمة : ياسر فقتي ! 😍 باش تتحس واش انت لاباس ؟
ياسر : لا ما لاباسش ..
بسمة ناضت مخلوعة 😨: واخا بلاتي انا انعيط للطبيب ..
كانت نايضة تا شد يديهاا و جرها عندو و عنقها و تا هي بادلاتو العناق ..
ياسر : انا ممحتاجش طبيب . انت الدواا ديالي خليك غير معايا ..😍
بسمة دمعو عنيها من الفرحة : انا ديما معاك عمرني نخليك ..
ياسر : قلت ليك هاد العينين ميستاهلووش يبكيو ( مسح ليها عنيها ) اخر مرة نشوفك تتبكي ..
حركات بسمة راسها ب اه ... و تقادات فالجلسة ..
بسمة : ياسر امممم جلال صاحبك !!
باقي ما كملاتهاش شاف فيها باستفهام : جلال !! انت منين تتعرفي جلال .. 😳
بسمة : هو راه هنا فالسبيطار ..
ياسر : علاش ما دخلش عندي !! فين هو ..
بسمة : اجي معايا و غادي تفهم ..
ناض ياسر من الفراش و تحرك و بسمة غير شادة فيه .. وصلو للغرفة ديال جلال لي غير شافو ياسر تصدم و فقد توازن ديالو كون ما جات حفصة لي عاونات بسمة باش يجلس ...
حفصة : خويا ياسر !! تمالك اعصابك ..
بسمة : حبيبي واش انت بيخير !!
ياسر عاد رجع للوعي ديالو و شاف بسمة لي كانت مخلووعة و شد ليها يديها كيطمنها عليه .. ضار للجهة الاخرى شاف فحفصة بصدمة : حفصة اش كديري هنا !! و جلال اش وقع ليه ؟!
حفصة صونا التيلبفون ديالها و اعتاذرات : انا عندي الخدمة .. ها هي بسمة تعاود ليك .. هاني دابا رجع ..
بسمة : ياسر حبيبي تهدن شوية .. ( بدات تتعاود ليه كلشي بالتفصيل .. ) هادا ما كان .. دابا مسكين كيفااش غادي يتعامل مع وجهو المشوه... 😢
ياسر بقا ساكت و نااض وقف قدام الزاج ديال الغرفة تا حس بشي حد وقف جنبوو شاف لقاها حفصة : اللعنة ديال هاديك العريانة اذاتكم بجوج ..
ياسر : نقدر ندخل عندو !
حغصة : واخا بلاتي ..
مشات جابت ليه اللبسة الواقية و دخلاتو عند جلال و وقفات هي و بسمة قدام الزاج ..
دخل ياسر تحنى على ركابيه ..و شد فيد صاحبو : جلال ! جلال اصاحبي فيق ( بداو عينيه تيدمعو ) حنا راه تهنينا منها فيق غادي نعيشوو حياتنا عادي ..
بدا النبض ديال جلال كيطلع و يهبط بسرعة حفصة شافت داك المنظر عيطات للطبيب لي جا دغيا . خرج ياسر من الغرفة شافتو بسمة و عنقاتو
بسمة : ششش متبكيش شووف جلال دابا يفيق .. دير يقينك فالله .. واخا ؟
مشاو جلسو و ياسر حاط راسو على كتفهاا تا خرجان عندهم حفصة تتبكي 😭
بسمة ناضت عندها : حفصة علاش تتبكي ماالو اش وقع ليه ..
خرج الطبيب و هو فرحان شاف فحفصة و قال ليها : ما تسنيتيش غير هكاك ها هو فاق .. 😍
سمعو هاد الخبر بداو ينقزو شي يعنق شي
دازت ساعة خرجوو جلال داوه لغرفة عادية
دخلات بسمة و ياسر عند جلال لي بدا كيحل عينيه شوية ... كان ياسر شاد فيد بسمة شوية حس بيها ترخات ضار عندها كانت طيحة للارض فاقدة الوعي هزها بالخف خرج تيجري فالكولوار شافتو حفصة داتهم لواحد الغرفة و طلبات من ياسر يخرج .. فحصاتها . خرجات عند ياسر : متخافش غير الطاح ليها الطونسيون و زيد عليها كثر من 24 ساعة ما كلات .. و الجرووح لي فيها زاد كملو عليها ..
ياسر : جرووح اشمن جرووح ؟!
حفصة : ها انت شووف ( وراتو التصاور فالتيلبفون ) كنظن هادشي تعرضات ليه ملي كانت فالدار معاك ..
ياسر عزاات عليه بسمة بزااف و شاف التضحية ديالها على قبلوو .. دخل عندهاا ...
😳 عند جلال 😳 ..
دخلات عليه حفصة لقاتو تيشووف فالسقف و داير يدو على وجهوو ...
حفصة : احم .. جلال كي بقيتي ..
جلال شاف فيها بنص عين : برهووشة وليتي فرملية !
حفصة غرغرو عينيها بالدمووع : 😢 اه
جلال : تتبكي بقيت فيك ؟! ههه شحال هاداا كنتي مكتحمليش تشوفي وجهي .. دابا من حقك حيت ما بقا فيه ميتشاف .. 😏
حفصة : متقوولش هكاا .. انت باقي كبما كنتي زوين ..
مخلاهاش تكمل ( بدا كبغوت ) : ممحتاجش الشفقة ديالك و لا ديال تا وااحد خرجي .. قلت ليك خرجي ..
خرجات حفصة تتبكي و تزادحات مع بسمة و ياسر ..
ياسر : هادي مالها ..
بسمة : انا انمشي نشوفها دخل انت عند جلال
مشات بسمة تبعات حفصة لقاتها فالجردة تتبكي ..
حطات يديها على كتف حفصة .. دارت شافت فيها و كحزات دارت ليها بلاصة جلسات بسمة : كتبغيه بزاف ياك ؟!
حفصة ( بدات تبكي ) : من نهار شفتوو 😭😭 واخا هو مكانش تيتسوق ليا .. كيحساب ليه انا كنشفق عليه .. بالعكس انا باغاه كيما هو واخا يكون وجهو كلو مشوه .. انا عارفة بلي قلبو بيض واخا هكاك 😞
بسمة جراتها و عنقاتها : متبكيش الهبيلة الى بغيتيه بقاي شادة معاه الضد و الى قال ليك بعدي زيدي قربي .. سطيه كيما سطاك عهه صافي يالاه نووضي نمشيو نشوفو الحيبان .. 😂
حفصة : سعدات ياسر بيك ❤ الله اخليكم بعضياتكم ... اممم بسمة !!
بسمة : نعام ؟
حفصة: تقبلي تكوني صاحبتي .. ؟
بسمة خنزرات فيها .. : صاحبتك ؟ لا و لكن ختك اه 😍
مشاو معانقين تيضحكو .. وصلو للغرفة ديال جلال دقو و دخلات غير بسمة اما حفصة فضلات تتسنى شوية ..
بسمة : خويا جلال كي بقيتي .. ؟
جلال شاف فياسر زعما واش هادي هي : لاباس ا بسمة .. تبارك لله كيما وصفك ياسر ملاك .. 😉
بسمة تزنكات و جرها ياسر لعندو و باسها فجبهتها : متبقاش تتغزل ليا فالمدام .. 😎
جلال : احم راعيوو شوية راحنا سيليباطيغ ..
بسمة : انت لي باغي .. كون حليتي عينيك شوية غادي تشوف وحدة تتحماق عليك ..
شوية دخلات حفصة شافها جلال و جمع الضحكة ..
بسمة جرات ياسر و خرجوو ..
جلال : اش كديري انت هناا .. 😑
حفصة : كندير خدمتي امسيوو جلال .. ( مشات گعداتو و قربات منو تا ولا النفس ديالو كيضرب فعنقها استنشق العطر ديالها 😍) الى كان الوجود ديالي تيقلقك انا انطلب الطبيب يبدلني بقا غير على راحتك .. ( بقات تتسواني ليه فوجهوو و هو مقابلها فكل حركة تدير اول مرة يحقق فحروفها الشهبين )
جلال سمع التنخصيص و شاف دمعة هبطات من عينها .. هز ليها راسها لقا عينيها الزرقين عامر دمووع
قرب منها و مسح دموعها و طبع قبلة طويلة على شفافها و حتى تجاوبات معاه ماا قاطعهم غا صوت الصدااع لي براا .. حلات حفصة عينيها و هي مزنگة : معرفت اش واقع هادا صووت بسمة .. بلاتي انا انشووف اش كاين
جلال : متعطليش عليا 😍
خرجات حفصة لقات بسمة تتبكي كتغوت عليها واحد المرى كبيرة شوية فالعمر كانت لالة مليكة مامات بسمة : انا النص طااح مني و انت باركا تمعشقي مع راسك غير علميني ( شداتها من يديها المجروحة ) تا غوتات بسمة
بسمة : اي 😢😢😢 ماما سمعيني نشرح ليك. .
حفصة : خالتي تهدني الله اعطيك الستر بسمة راه مجرووحة ( عيطات على واحد الفرملية اخرى ) اجي عافاك دي بسمة سواني ليها ..
مشات بسمة مع الممرضة و حفصة قنعات لالة مليكة تخرج لبرا تهدر معاها ... عاودات ليها كلشي بالتفصيل مرة تبكي مرة تضحك ..
لالة مليكة : الله على كبدتي لله كاع هادشي دازت منوو .. ما قدوها الانس ولات تدابز مع جنوون 😢 ديني نشووفهاا ..
مشات لالة مليكة و حفصة الغرفة لي فيها بسمة لقاو عندها ياسر شاد بيديها و هي تتبكي .. غير شافها ياسر ووقف بغا يمشي .. ووقفاتو لالة مليكة : رجع اولدي فين غادي ..
رجع ياسر يالاه كان ايهدر و هي تطرشوو 😳 : هادي ديال بسمة حيت منقدرش نضربها و هي مريضة .. ( زادتو وحدة اخرى ) و هادي ديالك باش الى فكرتي تبعد على بنتي تفكر هاد التصرفيقة ( شافت فبسمة تتبكي ) و علاش هاد الدمووع يا الهبيلة شحال من مرة تنقول ليك عينيك منبغيش نشوف فيهم الدمووع ..
نقز ياسر : داكشي لي تنقول ليها ديما اخالتي 😳 سرط نسالو و تزنگ و بقاو تيضحكو عليه ..
لالة مليكة : ايوا ايمتا ناوي تجي تخطب !!
ياسر : يخرج صاحبي اخالتي و هاني عندكم و العرس ان شاء لله تا نساليو القراية .. 😍
لالة مليكة : ايوا لله يكمل بالخير اوليداتي ..
مشات حفصة عند جلال .. لقاتو مغمض عينيه ، قربات منو و باستو فحنكو المشوه و بقات شحال ..
تا حل عينيه ..
جلال : الممرضة ديالي بغيتي تغتاصبيني هااا 😳
حفصة ( شدات وجهو بديها ) : هههه علاه لي شاف هاد الزين ميغتاصبووش 🙄
جلال : هاي هاي ضسرتي الشعيبية ... قولي ليا شفتك فرحانة اش وقع ..؟
حفصة : فرحانة حيت ياسر و بسمة غادي يتخطبوو .. الله اكمل عليهم فرحت ليهم
جلال شد يديها و طبع قبلة فقاع يديها : تا حنا قريب نكونو بجوج 😍 امم واش تقبلي بعدا تكملي حياتك مع واحد مشوه ؟
حفصة سدات ليه فمو بيديها : ششش متقوولش هادشي .. انا باغاك كيفما انت .. كون كيفما بيتي تكون ..😢 متبقاش تقوول هادشي انتقلق منك..
جلال بدون سابق انظار تلاح على فمها بقبلة 💋
بسمة و ياسر و لالة مليكة مشاو سالاو الاجراءات ديال السبيطار و مشاو سلمو على جلال و خرجوو .. بسمة طلبات ماماها ياسر يبقا معاهم حيت مبغاتووش يرجع لديك الدار ..
دازو الايام و خرج جلال و دارو الخطبة بجوج جلال و حفصة و بسمة مع ياسر .. 💕💕
جلال مقدرش يصبر و دار العرس قبل الصيف ..
اما ياسر فا حتى كملو القرايا عاداا دار العرس 💑
❤ نهاااااية القصة ❤
Casino de Monte-Carlo - DrmCD
ReplyDeleteCasino 광명 출장마사지 de Monte-Carlo. 3-5. 거제 출장마사지 5-star resort with 부천 출장안마 24 restaurants, a 남양주 출장마사지 casino with entertainment. Located in the 파주 출장마사지 heart of Monte-Carlo, CA.
Post a Comment